अहमदाबाद : आयपीएल कारकिर्दीचा निरोप जेतेपदासह व्हावा, असे महेंद्रसिंग धोनीला मनोमन वाटतच असेल; पण तरण्याबांड शुभमन गिलला आपल्या संघाचे जेतेपद राखण्याची आस आहे. भारतीय क्रिकेटच्या जुन्या-नव्या पिढीतील हे दोन शिलेदार आज, रविवारी आयपीएल टी-२० स्पर्धेच्या अंतिम फेरीत आमनेसामने येत आहेत. अहमदाबादच्या नरेंद्र मोदी स्टेडियमवर १ लाख ३२ हजार प्रेक्षकांच्या साक्षीने रंगणाऱ्या जेतेपदाच्या लढत गतविजेत्या गुजरात टायटन्सपुढे चेन्नई सुपर किंग्जचे आव्हान असेल. प्रतिस्पर्धी संघ खऱ्याअर्थाने तुल्यबळ असल्याने ही लढत स्पर्धेच्या इतिहासातील संस्मरणीय अंतिम लढत होण्याची शक्यता नाकारता येत नाही.
चेन्नईचे पाठिराखेच काय; पण इतर शहरांतील चाहतेदेखील धोनीला प्रेमाने ‘थाला’ म्हणजेच मोठा भाऊ म्हणतात. हा थाला पुढील आयपीएलमध्येही खेळावा, अशी साऱ्यांची इच्छा आहे, पण पुढील आठ-नऊ महिन्यांत निर्णय घेईन, असे धोनी म्हणाला आहे. त्यामुळे हा सामना धोनीच्या चाहत्यांसाठी भावनिक नक्कीच असेल. कारण कदाचित चेन्नई जिंकली तर धोनी आपली निवृत्तीही जाहीर करू शकतो. त्यामुळे उद्याच्या घडीला नेमकं काय होतं, याकडे सर्वांचे लक्ष लागलेले असेल.
साधारण १९ वर्षांपूर्वी धोनी भारतीय क्रिकेट संघाच्या निळ्या जर्सीत विविध मैदाने गाजवत होता, त्यावेळी पंजाबमधील अगदी पाकिस्तानच्या सीमारेषेवरील फझिल्का गावातील शेतांमध्ये अवघा चार वर्षांचा शुभमन गिल क्रिकेटचे धडे गिरवू लागला होता. वडिलांनी स्वतः प्रेमाने तयार केलेल्या बॅटने शुभमनने नुकतीच क्रिकेटला सुरुवात केली होती. आता हा शुभमन हा भारताच्या उज्ज्वल भविष्याचे प्रतिक झाला असून धोनी काही महिन्यांतच ४२ वर्षांचा होणारा आहे. रविवारी यांपैकी कुणाची सरशी होते ते बघायचे.
तीन शतकांसह ८५१ धावा! ही आहे शुभमन गिलची यंदाच्या आयपीएलमधील आत्तापर्यंतची कामगिरी. आज फायनलमध्ये आणखी एका दमदार शतकाची अपेक्षा आहेच. त्यात ही फायनल ज्या नरेंद्र मोदी स्टेडियमवर होते आहे, ती खेळपट्टी तर फलंदाजांच्या अक्षरशः प्रेमात आहे. अशा अनुकूल वातावरणात ‘रन मशिन’ शुभमन गिलला थोपविण्यासाठी चाणाक्ष कर्णधार धोनी कोणते अस्त्र वापरणार याचे औस्तुक्याचे आहे. दीपक चहरचा स्विंग मारा की, रवींद्र जाडेजाची ‘विकेट टू विकेट’ गोलंदाजी... यासह मोईन अलीच्या गोलंदाजीचा पर्यायही आहेच. ‘आउट साइड ऑफ-स्टम्प’ला अनुसरून मारा करताना चेंडूला थोडी उसळी देत शुभमन गिलला ‘मामा’ बनवण्याचे काम मोईन अली करू शकतो. याशिवाय मथीशा पथिरानाची फलंदाजांना संभ्रमात टाकणारी गोलंदाजीही गिल नावाच्या कुलूपाची चावी ठरू शकते. मुळातच ही फायनल म्हणजे तांत्रिकदृष्ट्या सर्वोत्तम फलंदाज विरुद्ध कल्पनेच्याही पलिकडील डावपेचांची हुशारीने अंमलबजावणी करणारा कर्णधार अशीही असेल.
चेन्नईचे पाठिराखेच काय; पण इतर शहरांतील चाहतेदेखील धोनीला प्रेमाने ‘थाला’ म्हणजेच मोठा भाऊ म्हणतात. हा थाला पुढील आयपीएलमध्येही खेळावा, अशी साऱ्यांची इच्छा आहे, पण पुढील आठ-नऊ महिन्यांत निर्णय घेईन, असे धोनी म्हणाला आहे. त्यामुळे हा सामना धोनीच्या चाहत्यांसाठी भावनिक नक्कीच असेल. कारण कदाचित चेन्नई जिंकली तर धोनी आपली निवृत्तीही जाहीर करू शकतो. त्यामुळे उद्याच्या घडीला नेमकं काय होतं, याकडे सर्वांचे लक्ष लागलेले असेल.
साधारण १९ वर्षांपूर्वी धोनी भारतीय क्रिकेट संघाच्या निळ्या जर्सीत विविध मैदाने गाजवत होता, त्यावेळी पंजाबमधील अगदी पाकिस्तानच्या सीमारेषेवरील फझिल्का गावातील शेतांमध्ये अवघा चार वर्षांचा शुभमन गिल क्रिकेटचे धडे गिरवू लागला होता. वडिलांनी स्वतः प्रेमाने तयार केलेल्या बॅटने शुभमनने नुकतीच क्रिकेटला सुरुवात केली होती. आता हा शुभमन हा भारताच्या उज्ज्वल भविष्याचे प्रतिक झाला असून धोनी काही महिन्यांतच ४२ वर्षांचा होणारा आहे. रविवारी यांपैकी कुणाची सरशी होते ते बघायचे.
तीन शतकांसह ८५१ धावा! ही आहे शुभमन गिलची यंदाच्या आयपीएलमधील आत्तापर्यंतची कामगिरी. आज फायनलमध्ये आणखी एका दमदार शतकाची अपेक्षा आहेच. त्यात ही फायनल ज्या नरेंद्र मोदी स्टेडियमवर होते आहे, ती खेळपट्टी तर फलंदाजांच्या अक्षरशः प्रेमात आहे. अशा अनुकूल वातावरणात ‘रन मशिन’ शुभमन गिलला थोपविण्यासाठी चाणाक्ष कर्णधार धोनी कोणते अस्त्र वापरणार याचे औस्तुक्याचे आहे. दीपक चहरचा स्विंग मारा की, रवींद्र जाडेजाची ‘विकेट टू विकेट’ गोलंदाजी... यासह मोईन अलीच्या गोलंदाजीचा पर्यायही आहेच. ‘आउट साइड ऑफ-स्टम्प’ला अनुसरून मारा करताना चेंडूला थोडी उसळी देत शुभमन गिलला ‘मामा’ बनवण्याचे काम मोईन अली करू शकतो. याशिवाय मथीशा पथिरानाची फलंदाजांना संभ्रमात टाकणारी गोलंदाजीही गिल नावाच्या कुलूपाची चावी ठरू शकते. मुळातच ही फायनल म्हणजे तांत्रिकदृष्ट्या सर्वोत्तम फलंदाज विरुद्ध कल्पनेच्याही पलिकडील डावपेचांची हुशारीने अंमलबजावणी करणारा कर्णधार अशीही असेल.