KKR v SRH Preview : केकेआरचा संघ आयपीएलमध्ये कसे पटकावणार अव्वल स्थान, जाणून घ्या समीकरण...

मुंबई : केकेआरच्या संघाने आतापर्यंतच्या आयपीएलमध्ये दमदार कामगिरी केली आहे. त्यामुळे आता श्रेयस अय्यरच्या नेतृत्वाखालील केकेआरचा संघ गुणतालिकेत अव्वल स्थानावरही पोहोचू शकतो, याबाबतचे समीकरणही आता पुढे आले आहे. आज केकेआरचा सनरायझर्सचा सामना केकेआरबरोबर होत आहे. त्यामुळे आजच्या सामन्यात विजय मिळवल्यावर केकेआरचा संघ अव्वल स्थानावर जाऊ शकतो.
केकेआरचा संघ कसा अव्वल होऊ शकतो, जाणून घ्या समीकरण...
सध्याच्या घडीला केकेआरचा संघ हा गुणतालिकेत सहा गुणांसह दुसऱ्या स्थानावर आहे. त्याचबरोबर त्यांचा रनरेटही चांगला आहे. त्यामुळे आजचा सामना जर केकेआरच्या संघाने जिंकला तर त्यांना अव्वल स्थानावर जाण्याची नामी संधी आहे. त्यामुळे आजचा सामना जिंकत केकेआरचा संघ गुजरात टायटन्सला धक्का देत अव्वल स्थानावर जाऊ शकतो. दुसरीकडे हैदराबादने दोन विजय मिळवले असून त्यांच्या खात्यात चार गुण आहेत. त्यामुळे आजचा सामना जिंकून त्यांना सहा गुण कमावण्याची संधी आहे.
केकेआरच्या संघात मोठे बदल...
आजच्या सामन्यासाठी केकेआरच्या संघात दोन मोठे बदल होऊ शकतात, असे आता दिसत आहे. अजिंक्य रहाणेच्या जागी आरोन फिंचला संधी देण्यात येऊ शकते. त्याचबरोबर रिंकू सिंगला आजच्या सामन्यात खेळण्याची संधी मिळू शकते. हैदराबादचा संघ सध्याच्या घडीला विजयाच्या लाटेवर स्वार झाला आहे. त्यामुळे केकेआरविरुद्धच्या सामन्यामध्ये हैदराबादच्या संघात कोणतेही मोठे बदल होणार नसल्याचे संकेत मिळत आहेत.
खेळपट्टी
केकेआर आणि हैदराबाद यांच्यातील सामना आज मुंबईतील ब्रेबॉर्न स्टेडियमवर होणार आहे. ब्रेबॉर्नची खेळपट्टी ही फलंदाजी आणि गोलंदाजी दोन्हीसाठी पोषक आहे. त्यामुळे या सामन्यात १८० च्या पुढे जो संघ धावा करेल, त्यांना विजयाची संधी जास्त असेल.
नाणेफेकआयपीएलमध्ये नाणेफेकीचा कौल महत्वाचा असतो. या सामन्यात खेळपट्टी पाहता जो संघ नाणेफेक जिंकेल, तो प्रथम गोलंदाजी करण्यासाठी प्राधान्य देईल. त्यामुळे आज जो संघ नाणेफेक जिंकेल तो धावांचा पाठलाग करण्यासाठीच सर्वात जास्त प्राधान्य देईल, असे दिसत आहे.