Kwena Mafaka Has Two Records, One Good And One Bad Bowling
पदार्पणातच क्वेना माफाकाच्या नाव दोन विक्रम, एक चांगला तर वाईट गोलंदाजीमुळे घसरला क्रम
मुंबई संघाने हैदराबाद विरुद्धच्या सामन्यात दक्षिण आफ्रिकेचा तरुण खेळाडू क्वेन मफाकाला पदार्पणाची संधी दिली आणि संघात प्रवेश करताच मफाकाच्या नावावर मोठा विक्रम नोंदवला गेला. सर्वात कमी वयात आयपीएलमध्ये प्रवेश करणारा तो तिसरा सर्वात तरुण खेळाडू ठरला आहे. पण पहिल्याच सामन्यात त्याला आक्रमक फलंदाजीचा सामना करावा लागला.
Authored byम. टा. प्रतिनिधी | महाराष्ट्र टाइम्स.कॉम28 Mar 2024, 10:53 am
हैदराबादच्या मैदानावर सनरायझर्स हैदराबादविरुद्धच्या सामन्यात मुंबई इंडियन्सने दक्षिण आफ्रिकेची वेगवान गोलंदाजहैदराबादच्या मैदानावर सनरायझर्स हैदराबादविरुद्धच्या सामन्यात मुंबई इंडियन्सने दक्षिण आफ्रिकेची वेगवान गोलंदाज क्वेना माफाकाला त्यांच्या प्लेइंग ११ मध्ये संधी दिली. संघात प्रवेश करताच मफाकाच्या नावावर मोठा विक्रम नोंदवला गेला. सर्वात कमी वयात आयपीएलमध्ये प्रवेश करणारा तो तिसरा सर्वात तरुण खेळाडू ठरला आहे. या सामन्यात त्याने घसघशीत रन्स खर्च केले आहेत. हैदराबादचा सलामीवीर ट्रॅव्हिस हेडने माफाकाच्या दुसऱ्या षटकात दोन षटकार आणि दोन चौकारांसह २२ धावा केल्या. तरुण खेळाडूचे हे षटक संघासाठी महागडे ठरले.
सर्वात कमी वयात आयपीएलमध्ये पदार्पण करणारे खेळाडू
आयपीएलमध्ये पदार्पण करणारा सर्वात तरुण परदेशी खेळाडू १७ वर्षे, ११ दिवस - मुजीब उर रहमान (पंजाब वि. दिल्ली, २०१८) १७ वर्षे, २८३ दिवस - संदीप लामिछाने (दिल्ली विरुद्ध बेंगळुरू, २०१८) १७ वर्षे, ३५४ दिवस - क्वेना माफाका (मुंबई, हैदराबाद २०२४) १८ वर्षे, १०३ दिवस - नूर अहमद (गुजरात वि. राजस्थान, २०२३) १८ वर्षे, १७० दिवस - मिचेल मार्श (डेक्कन चार्जर्स विरुद्ध बेंगळुरू, २०१०)
क्वेना माफाका कोण आहे?
दक्षिण आफ्रिकेच्या माफाकाने अद्याप कोणताही आंतरराष्ट्रीय सामना खेळलेला नाही पण या १७ वर्षीय वेगवान गोलंदाजाने अंडर-१९ विश्वचषक स्पर्धेत ९.७१ च्या सरासरीने २१ विकेट घेतल्या आणि त्याला स्पर्धेतील सर्वोत्कृष्ट खेळाडू म्हणून गौरवण्यात आले. बांगलादेशचा एनामुल हक ज्युनियर २२ विकेट्ससह पहिल्या क्रमांकावर आहे. माफाकाने अंडर- १९ विश्वचषकातही अनोखा विक्रम केला. विश्वचषकाच्या एकाच आवृत्तीत सर्वाधिक वेळा ५ बळी घेणारा गोलंदाजही तो ठरला. त्याने वेस्ट इंडिजविरुद्ध ५/३८, झिम्बाब्वेविरुद्ध ५/३४ आणि दक्षिण आफ्रिकेविरुद्ध ६/२१ अशी कामगिरी केली.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.