साक्षी-जीवासह धोनीच्या कुटुंबातील अन्य सदस्य कोण आहेत? या एका व्यक्तीबद्दल तुम्ही कधीच ऐकले नसेल

नवी दिल्ली: टी-२० वर्ल्डकप २००७, वनडे वर्ल्डपक २०११, चॅम्पियन्स ट्रॉफी २०१३ आणि आयपीएलच्या ५ ट्रॉफी धोनीची जादू काय आहे हे सांगण्यासाठी हा संदर्भ पुरेसा आहे. भारतीय क्रिकेटमध्ये चाहत्यांचे सर्वोच्च प्रेम काही मोजक्या खेळाडूंना मिळाले, त्यात धोनीचा समावेश आहे. त्याच्यावर एक चित्रपट देखील आला आहे. धोनीचे विक्रम आणि त्याच्या खेळी चाहत्यांना तोडपाठ आहेत.

आयपीएलमध्ये धोनीच्या प्रत्येक मॅचमध्ये व्हीआयपी बॉक्समध्ये साक्षी आणि मुलगी जीवा यांना तुम्ही नेहमीच पाहता. जीवा अनेकदा मैदानात देखील धोनीसोबत दिसते. पण धोनीचे कुटुंब म्हणजे साक्षी आणि जीवा नाही. जाणून घ्या धोनीच्या कुटुंबात आणखी कोण आहे.

वडील पान सिंह

महेंद्र सिंह धोनीच्या यशामागे वडील पान सिंह यांची महत्त्वाची भूमिका आहे. प्रत्येक वडिलांना वाटत असते की मुलाने शिकावे आणि नाव मोठे करावे. पण धोनीला तर काही वेगळच करायचे होते. २००१ मध्ये टीटीई परीक्षा पास झाल्यानंतर धोनी खडगपूर रेल्वे स्टेशनवर तिकीट निरिक्षक म्हणून काम करू लागला. तेव्हा पान सिंह यांना फार अभिमान वाटला. मुलाचे यश पाहून त्यांना फार आनंद झाला. पण क्रिकेटपटू होण्यासाठी धोनीने नोकरी सोडली तेव्हा त्यांनी त्याला पाठिंबा दिला आणि स्वप्न पूर्ण करण्यासाठी मदत केली.

Dhoni Net Worth: बिझनेस टायकून आहे धोनी; हॉटेल ते एरोस्पेसमध्ये गुंतवणूक, एकूण संपत्ती...
आई देवकी देवी

धोनीच्या आई देवकी देवी त्याच्या प्रत्येक सुख-दुख:त त्याच्या सोबत उभी होती. लहान असताना क्रिकेटपटू होण्याचे स्वप्न पूर्ण करण्यासाठी आईने दिलेल्या पाठिंब्याचा धोनीने फार उपयोग करून घेतला. २०१६ साली विशाखापट्टणम येथे न्यूझीलंडविरुद्ध धोनीने आपल्या जर्सीमागे आईचे नाव लिहले होते.

धोनीचा मोठा भाऊ नरेंद्र सिंह

फार कमी लोकांना माहिती आहे की धोनीला एक मोठा भाऊ देखील आहे. जो त्याच्या पेक्षा १० वर्षांनी मोठा आहे. सप्टेंबर २०१६ मध्ये प्रदर्शित झालेला त्याचा बायोपिक MSD: द अनटोल्ड स्टोरीमध्ये धोनीचा सर्वात मोठा भाऊ नरेंद्र सिंह धोनी यांचा कोणताही उल्लेख दिसला नाही. यासंदर्भात विचारण्यात आल्यावर नरेंद्र यांनी म्हटले होते की, १९९१ पासून तो घरापासून दूर आहे. धोनीच्या आयुष्यात तो फार लक्ष घालत नाही.

MS Dhoni: संघातील या एका खेळाडूमुळे मला पुरस्कार मिळत नाही, विजेतेपदानंतर धोनीने थेट नाव घेतले

बहिण जयंती

धोनीला जयंती नावाची एक मोठी बहीण आहे, जी धोनीच्या फार जवळ आहे. जयंती आणि आई देवकी देवी यांनी धोनीला एक यशस्वी क्रिकेटपटू होण्यासाठी महत्त्वाची भूमिका पार पाडली. धोनीची मोठी बहिण एक इंग्रजी शिक्षक आहे. जयंती यांनी गौतम गुप्ता यांच्याशी विवाह केला असून ते रियल इस्टेटमध्ये काम करतात.

पत्नी साक्षी

२००८ साली ताज बंगाल कोलकाता येथे इंटर्न म्हणून काम करणाऱ्या साक्षीची भेट हॉटेलमध्ये झाली. साक्षी इंटर्नशिपच्या अखेरच्या दिवसात एका कॉमन मैत्रिणीच्या माध्यमातून धोनीशी भेटली. भेटीनंतर धोनीने मैत्रिणीकडून साक्षीचा नंबर घेतला आणि दोघांचे नातं सुरु झाले. ४ जुलै २०१० रोजी धोनी आणि साक्षी यांनी देहरादून येथे विवाह केला. साक्षीचा जन्म आसामचा आहे. तर प्राथमिक शिक्षण देहरादूनच्या वेल्हम गल्स स्कूलमध्ये झाले. साक्षीने इंस्टीट्यूट ऑफ हॉटेल मॅनेजमेंट औरंगाबाद येथून हॉटेल मॅनेजमेंटची पदवी घेतली आहे.

MS Dhoni : सर्वोत्तम संघ नसताना CSKने विजेतेपद मिळवले; धोनीच्या जेतेपदाची रियल स्टोरी अशी आहे

मुलगी जीवा

धोनीची मुलगी जीवाचा जन्म ६ फेब्रुारी २०१५ साली झाला. जीवाच्या जन्मावेळी धोनी २०१५च्या वर्ल्डकपमध्ये भारतीय संघासोबत होता. तेव्हा धोनीने नॅशनल ड्यूटी महत्त्वाची असल्याचे सांगत मायदेशात येण्यास नकार दिला होता.