दे धक्का... मुंबई इंडियन्सने वाढदिवशीच दिला पोलार्डला डच्चू, पाहा अजून कोणते मोठे बदल केले

मुंबई : मुंबई इंडियन्सच्या संघाने चेन्नईविरुद्धच्या सामन्यासाठी संघ निवडताना सर्वांनाच धक्का दिला. मुंबई इंडियन्सने यावेळी चेन्नईविरुद्धच्या सामन्यात टॉस जिंकला आणि त्यांनी प्रथम गोलंदाजी करण्याचा निर्णय घेतला आणि त्यानंतर रोहित शर्माने सर्वांनाच मोठा धक्का दिला. मुंबई इंडियन्सने कायरन पोलार्डला त्याच्या वाढदिवशीच डच्चू देण्याचा धक्कादायक निर्णय घेतला आहे. त्याचबरोबर या सामन्यात फिरकीपटू मुरुगन अश्विनला संघाबाहेर ठेवले आहे.
आजच्या सामन्यात मुंबई इंडियन्सच्या संघात तीन मोठे बदल होऊ शकतात, असे म्हटले जात होते. मुंबईचा वेगवान गोलंदाज रिली मेरेडिथ हा चांगलाच महागडा ठरला होता. कारण गेल्या सामन्यात तीन षटकांमध्ये त्याने तब्बल ३५ धावा दिल्या होत्या. त्यामुळे रोहितने त्याला चौथे षटकही दिले नव्हते. त्यामुळे त्या या सामन्यात संघात स्थान मिळणार नाही, असे म्हटले जात आहे. त्याचबरोबर फिरकीपटू मुरुगन अश्विनला चांगली संधी दिली आहे. पण या संधीचे सोने मात्र त्याला करता आलेले नाही. सातत्याने संधी मिळूनही अश्विन हा जास्त धावा देत असल्याचे पाहायला मिळाले आहे. त्यामुळे आता आजच्या सामन्यात अश्विनला वगळण्याचा निर्णय मुंबईचा संघ घेऊ शकतो. प्रत्येक सामन्यात मुंबईच्या संघाने कायरन पोलार्डला संधी दिली आहे. पोलार्ड हा संघातील अनुभवी खेळाडू आहे आणि उपकर्णधारपदही त्याने भूषवले आहे. पण या आयपीएमध्ये मात्र पोलार्ड हा सातत्याने अपयशी ठरत आहे. त्यामुळे पोलार्डला वगळून एका युवा खेळाडूला संधी देण्याचा प्रयोग मुंबईचा संघ करू शकतो. पण आज पोलार्डचा वाढदिवस आहे. त्यामुळे ही रीस्क मुंबईचा संघ घेणार का, याकडे सर्वांचे लक्ष असेल. दोन्ही संघात स्टार खेळाडूंची संख्या मोठी आहे. मुंबईत रोहित शर्मा, ईशान किशन, तिलक वर्मा आणि कायरन पोलार्ड या खेळाडूंकडून मोठी अपेक्षा असेल. गेल्या सामन्यात पाच विकेट घेणाऱ्या जसप्रीत बुमराहकडून पुन्हा तशाच कामगिरीची आशा असेल. चेन्नईकडून डेव्हन कॉनवे, ऋतुराज गायकवाड, मोईन अली आणि धोनी यांच्यावर सर्वांची नजर असेल. त्यामुळे आजच्या सामन्यात कोणते खेळाडू चमकतात आणि कोणता खेळाडू मॅचविनर ठरतो, याकडे सर्वांचे लक्ष असेल. त्यामुळे आजचा सामना दोन्ही संघांसाठी महत्वाचा असेल.