चेन्नई आणि केकेआर या दोन्ही संघांकडून ट्रॉफी पटकावणारा एकमेव खेळाडू आहे तरी कोण, जाणून घ्या...

दुबई : चेन्नई सुपर किंग्सने आयपीएलच्या या सत्राच्या जेतेपदाला गवसणी घातली. पण एक खेळाडू असा आहे की ज्याने चेन्नई आणि कोलकाता नाइट रायडर्स या दोन्ही संघांकडून खेळताना जेतेपद पटकावले आहे. त्यामुळे या खेळाडूकडे आयपीएलच्या दोन संघांकडची दोन जेतेपदं आहेत.
हा खेळाडू नेमका आहे तरी कोण, जाणून घ्या...
आयपीएलमध्ये साधारणत: मोठे खेळाडू हे एकाच संघात राहतात. २००७ साली झालेल्या विश्वचषकात हा खेळाडू भारतीय संघात होता. त्याचनंतर जेव्हा कोलकाता नाइट रायडर्सने जेतेपद पटकावले तेव्हा तो त्यांच्या संघातही होता. त्याचबरोबर आता जेव्हा चेन्नईच्या संघाने आयपीएलची ट्रॉफी पटकावली तेव्हाही तो चेन्नईच्याच संघात होता. हा लकी खेळाडू ठरला आहे रॉबिन उथप्पा. गौतम गंभीरच्या नेतृत्वाखील जेव्हा केकेआर विजयी ठरले होते, तेव्हा रॉबिन हा त्यांच्या संघाला एक अविभाज्य भाग होता. त्यानंतर काही काळ रॉबिन हा राजस्थान रॉयल्सच्या संघातही होता. पण यावर्षी जेव्हा चेन्नईने जेतेपद पटकावले तेव्हा तो त्यांच्या संघात असल्याचे पाहायला मिळाले. रॉबिनने गेल्या काही सामन्यांमध्ये दमदार कामिगरीही केली होती. आजच्या सामन्यातही फक्त १५ चेंडूंत रॉबिनने तीन षटकार वसूल केले आणि ३१ धावांची भर घातली होती. ट्वेन्टी-२० क्रिकेटमध्ये अशा कमी चेंडूंत जास्त धावांची खेळी ही उपयुक्त ठरत असते. कारण आजच्या सामन्यात जेव्हा ऋतुराज गायकवा बाद झाला त्यानंतर चेन्नईच्या संघाची धावगती कमी कालावधीमध्ये वाढवण्याचे काम उथप्पाने केले होते. त्यामुळे त्याची खेळी चेन्नईच्या विजयात मोलाचे योगदान देणारी ठरली.

रॉबिनने दिल्ली कॅपिटल्सविरुद्धच्या सामन्यातही ६३ धावांची धडाकेबाज खेळी साकारली होती. क्वालिफायर-१ या सामन्यात चेन्नईला जेव्हा मोठ्या खेळीची गरज होती तेव्हा रॉबिन संघासाठी धावून आल्याचे पाहायला मिळाले होते. धोनीने यावेळी रॉबिनला सुरुवातीच्या काही सामन्यांमध्ये संधी दिली नव्हती. पण जेव्हा धोनीने रॉबिनला संधी दिली तेव्हा त्याने या संधीचे सोने केल्याचे सर्व क्रिकेट प्रेमींना पाहायला मिळाले आहे.