मुंबई
जबरदस्त फलंदाजांची फळी असलेल्या रॉयल चॅलेंजर्स बंगळुरू संघाला आपल्या पहिल्या आयपीएल विजेतेपदाची आस लागली आहे. रॉयल चॅलेंजर्सने तीन वेळेस अंतिम फेरीत प्रवेश केला. मात्र त्यांना उपविजेतेपदावर समाधान मानावे लागले. विराट कोहलीदेखील टीमचा हा इतिहास बदलण्याचा प्रयत्न करणार आहे.
रॉयल चॅलेंजर्स बंगळुरूने २००९, २०११ आणि २०१६ मध्ये आयपीएलच्या अंतिम फेरीत प्रवेश केला होता. रॉयल चॅलेंजर्स संघाची खरी ताकद फलंदाजीत आहे.. संघात ख्रिस गेल नसला तरी त्यांच्या फलंदाजीची ताकद पूर्वीइतकीच बलाढ्य आहे. संघात विराट कोहली, एबी डिव्हिलियर्स, शिमरॉन हेटमेयर, हिंमत सिंह अशी फलंदाजांची फळी आहे. रॉयल चॅलेंजर्सच्या २४ सदस्यीय संघात आठ अष्टपैलू खेळाडू आहेत. यामधील मोईन अली, मार्कस स्टोइनिस आणि वॉशिंग्टन सुंदरसारखे खेळाडू पॉवरप्लेमध्ये गोलंदाजी आणि सलामीचा फलंदाज म्हणून कामगिरी बजावू शकतात. पार्थिव पटेलसह या तिघांपैकी एकजण सलामीला येऊ शकतो. विराट कोहलीदेखील सलामीला येऊ शकतो.
जलदगतीच्या गोलंदाजीची जबाबदारी उमेश यादव, टीम साऊदी, नॅथन नाइल, मोहम्मद सिराज यांच्यावर असेल. तर, यजुवेंद्र चहल, मोइन अली आणि वॉशिंग्टन सुंदर यांच्यावर फिरकी गोलंदाजीची जबाबदारी असणार आहे. संघात फक्त चारच परदेशी खेळाडू खेळवता येणार असल्यामुळे संघ व्यवस्थापनाला संघ निवड करताना विचार करावा लागणार आहे.
संघात अनेक दिग्ग्ज, दमदार कामगिरी करणारे फलंदाज असले तरी अनेकदा संघाची कामगिरी ढेपाळली आहे. काही खेळाडू वैयक्तिक कामगिरी चांगली करतात. मात्र, सांघिक कामगिरी करण्यात रॉयल चॅलेंजर्स बंगळुरूचा संघ कमी पडतो. त्यामुळे पहिले विजेतेपद पटकावण्यासाठी टीमवर्कवर रॉयल चॅलेंजर्सला भर द्यावा लागणार आहे.
जबरदस्त फलंदाजांची फळी असलेल्या रॉयल चॅलेंजर्स बंगळुरू संघाला आपल्या पहिल्या आयपीएल विजेतेपदाची आस लागली आहे. रॉयल चॅलेंजर्सने तीन वेळेस अंतिम फेरीत प्रवेश केला. मात्र त्यांना उपविजेतेपदावर समाधान मानावे लागले. विराट कोहलीदेखील टीमचा हा इतिहास बदलण्याचा प्रयत्न करणार आहे.
रॉयल चॅलेंजर्स बंगळुरूने २००९, २०११ आणि २०१६ मध्ये आयपीएलच्या अंतिम फेरीत प्रवेश केला होता. रॉयल चॅलेंजर्स संघाची खरी ताकद फलंदाजीत आहे.. संघात ख्रिस गेल नसला तरी त्यांच्या फलंदाजीची ताकद पूर्वीइतकीच बलाढ्य आहे. संघात विराट कोहली, एबी डिव्हिलियर्स, शिमरॉन हेटमेयर, हिंमत सिंह अशी फलंदाजांची फळी आहे. रॉयल चॅलेंजर्सच्या २४ सदस्यीय संघात आठ अष्टपैलू खेळाडू आहेत. यामधील मोईन अली, मार्कस स्टोइनिस आणि वॉशिंग्टन सुंदरसारखे खेळाडू पॉवरप्लेमध्ये गोलंदाजी आणि सलामीचा फलंदाज म्हणून कामगिरी बजावू शकतात. पार्थिव पटेलसह या तिघांपैकी एकजण सलामीला येऊ शकतो. विराट कोहलीदेखील सलामीला येऊ शकतो.
जलदगतीच्या गोलंदाजीची जबाबदारी उमेश यादव, टीम साऊदी, नॅथन नाइल, मोहम्मद सिराज यांच्यावर असेल. तर, यजुवेंद्र चहल, मोइन अली आणि वॉशिंग्टन सुंदर यांच्यावर फिरकी गोलंदाजीची जबाबदारी असणार आहे. संघात फक्त चारच परदेशी खेळाडू खेळवता येणार असल्यामुळे संघ व्यवस्थापनाला संघ निवड करताना विचार करावा लागणार आहे.
संघात अनेक दिग्ग्ज, दमदार कामगिरी करणारे फलंदाज असले तरी अनेकदा संघाची कामगिरी ढेपाळली आहे. काही खेळाडू वैयक्तिक कामगिरी चांगली करतात. मात्र, सांघिक कामगिरी करण्यात रॉयल चॅलेंजर्स बंगळुरूचा संघ कमी पडतो. त्यामुळे पहिले विजेतेपद पटकावण्यासाठी टीमवर्कवर रॉयल चॅलेंजर्सला भर द्यावा लागणार आहे.