शुभमन गिलला पराभवानंतर दुसरा धक्का, ‘या’ नियमाचे उल्लंघन केल्यामुळे बसला लाखोंचा दंड

भारतीय संघाचा स्टार खेळाडू शुभमन गिल प्रथमच आयपीएलमध्ये कर्णधार पदाचा कार्यभार सांभाळत आहे. त्यांच्या संघाने मुंबई इंडियन्सविरुद्धचा पहिला सामना जिंकला, पण दुसऱ्या सामन्यात त्यांना सीएसकेविरुद्ध पराभव पत्करावा लागला. गुजरातसाठी आयपीएलच्या इतिहासातील गुजरातसाठी हा सर्वात मोठा पराभव होता. चेन्नई सुपर किंग्जने गुजरात टायटन्सचा ६३ धावांनी पराभव केला आहे. पराभवानंतरही शुभमन गिलचा त्रास कमी झालेला नाही. दरम्यान, आता त्याला स्लो ओव्हर रेटसाठी दंडही ठोठावण्यात आला आहे.

इतक्या लाखांचा दंड

गुजरात टायटन्सचा कर्णधार शुभमन गिलवर चेन्नई सुपर किंग्जविरुद्धच्या सामन्यात स्लो ओव्हर रेटमुळे कारवाई करण्यात आली. नियोजित वेळेत संघाने षटके पूर्ण एन केल्यामुळे त्याला लाखोंचा दंड बसला आहे. आयपीएल आयोजकांनी सांगितले की, आयपीएलच्या नियमांच्या विरुद्ध हे असल्यामुळे गिलला १२ लाख रुपयांचा दंड ठोठावण्यात आला आहे.

सामन्यात काय घडले

शुबमन गिलने चेन्नई सुपर किंग्ज विरुद्धच्या सामन्यात प्रथम गोलंदाजी करण्याचा निर्णय घेतला होता. नाणेफेक जिंकल्यानंतर त्याने अडखळत गोलंदाजीचा निर्णय घेतला. यानंतर चेन्नई सुपर किंग्जच्या फलंदाजांनी गुजरातच्या गोलंदाजांना तुफान फटकेबाजी करत २० षटकांत २०६ धावा केल्या. चेन्नईचा संघ सातत्याने धावा स्कोअर करत होता, त्यामुळे शुबमन गिलने रणनीती बनवण्यासाठी आणि गोलंदाज बदलण्यासाठी थोडा जास्त वेळ घेतला. सीएसकेच्या डावाच्या शेवटच्या षटकात गुजरातने ३० यार्डच्या बाहेर फक्त ४ खेळाडूंना मैदानात उतरवले होते. हेही नियमानुसार झाले. मात्र स्लो ओव्हर रेटमुळे त्याच्यावर ही कारवाई करण्यात आली