धक्कादायक... आऊट झाल्यावर फलंदाजाने रागाच्या भरात चक्क बॅट फेकून मारली, व्हिडीओ झाला व्हायरल...
क्रिकेट विश्वात सध्याच्या घडीला एक व्हिडीओ चांगलाच व्हायरल झालेला पाहायला मिळत आहे. या व्हिडीओमध्ये बाद झाल्यावर फलंदाजाने बॅट फेकून मारल्याचे पाहायला मिळाले आहे. या सामन्यात नेमकं घडलंय तरी काय, पाहा खास व्हिडीओ...
Maharashtra Times 20 Sep 2021, 8:52 pm
नवी दिल्ली : क्रिकेटमध्ये कधी काय घडेल, हे कोणीच सांगू शकत नाही. एक धक्कादायक प्रकार नुकताच क्रिकेटच्या मैदानात पाहायला मिळाला आहे. फलंदाजाने बाद झाल्यावर चक्क बॅटच फेकून मारल्याचे पाहाययला मिळत आहे. हा व्हिडिओ सध्याच्या घडीला क्रिकेट विश्वात चांगलाच व्हायरल झाला आहे. इंग्लंडचा माजी कर्णधा केव्हिन पीटरसन हा सध्या युएईमध्ये आयपीएलसाठी आलेला आहे. पीटरसनने हा व्हिडीओ शेअर केला असून तो चांगलाच व्हायरल झाला आहे. हा सामना वरिष्ठ नागरिकांमध्ये खेळला जात आहे. या सामन्यात फलंदाज एक मोठा फटका मारतो आणि धाव घेण्यासाठी पुढे सरसावतो. त्याचवेळी ही धाव घेण्यासाठी दुसरा फलंदाजही उत्सुक असतो आणि तो धाव घेण्यासाठी धावतच सुटतो. पण काही क्षणातच फटका मारलेला फलंदाज धाव घेण्याचा आपला निर्णय बदलतो आणि दुसऱ्या फलंदाजाला माघारी धाडण्याचा प्रयत्न करतो. पण दुसरा फलंदाज धाव घेण्याच्या नादात एवढा पुढे आलेला असतो की, त्याला मागे जाऊन आपली विकेट वाचवणे अशक्य असते. तेवढ्यात क्षेत्ररक्षक चेंडू गोलंदाजाकडे फेकतो आणि गोलंदाज कोणताही चुक न करता त्याला धावचीत करतो. या सर्व प्रकारानंतर नॉन स्ट्राइकला असलेला फलंदाज चांगलाच भडकलेला पाहायला मिळाला. या रागाच्या भरात तो हातवारे करत होता आणि त्यामध्येच त्याच्या हातातून या रागाच्या भरात बॅट सटकल्याचे पाहायला मिळाले. ही बॅट थेट चेंडू मारलेल्या फलंदाजाच्या चेहऱ्यावर जाऊन आदळली.
जेव्हा ही बॅट फटका मारलेल्या फलंदाजाच्या तोंडावर आपटली तेव्हा दुसऱ्या फलंदाजाला आपली चुक समजली. त्यामुळे तो माफी मागण्यासाठी फलंदाजाकडे गेल्याचे पाहायला मिळाले. कारण ही बॅट त्या फलंदाजाने मुद्दामून मारलेला नव्हती, तर ती चुकीने भिरकावली गेली होती. पीटरसनने शेअर केलेला हा व्हिडीओ सध्याच्या घडीला क्रिकेट विश्वात चांगलाच व्हायरल झाल्याचे पाहायला मिळत आहे. कारण क्रिकेट विश्वात जेव्हा असे प्रसंग घडतात तेव्हा चाहते तो व्हिडीओ आवर्जुन पाहतात आणि तेच पीटरसनच्या या व्हिडीओाबतही पाहायला मिळत आहे.
जेव्हा ही बॅट फटका मारलेल्या फलंदाजाच्या तोंडावर आपटली तेव्हा दुसऱ्या फलंदाजाला आपली चुक समजली. त्यामुळे तो माफी मागण्यासाठी फलंदाजाकडे गेल्याचे पाहायला मिळाले. कारण ही बॅट त्या फलंदाजाने मुद्दामून मारलेला नव्हती, तर ती चुकीने भिरकावली गेली होती. पीटरसनने शेअर केलेला हा व्हिडीओ सध्याच्या घडीला क्रिकेट विश्वात चांगलाच व्हायरल झाल्याचे पाहायला मिळत आहे. कारण क्रिकेट विश्वात जेव्हा असे प्रसंग घडतात तेव्हा चाहते तो व्हिडीओ आवर्जुन पाहतात आणि तेच पीटरसनच्या या व्हिडीओाबतही पाहायला मिळत आहे.