RCB विरुद्ध शुभमन गिलची तुफानी खेळी, विराटचं ते म्हणणं १०० टक्के खरं ठरलं; काय म्हणालेला कोहली...

नवी दिल्ली : विराट कोहलीने गुजरात टायटन्सविरुद्ध शेवटच्या लीग मॅचमध्ये १०१ धावा केल्या. तर शुभमन गीलने १०४ धावा करत RCB च्या प्लेऑफमध्ये पोहोचण्याची शक्यता संपवली. गुजरातने ६ विकेटने हा सामना जिंकला. विराटने काही दिवस आधी गिलबाबत सोशल मीडियावर एक पोस्ट लिहिली होती. ती बाब गिलने खरी करुन दाखवली आहे.

विराट कोहलीने काही दिवसांपूर्वी शुभमन गिलबाबत एक भविष्यवाणी केली होती. ती भविष्यवाणी रॉयल चॅलेंजर्स बँगलोरविरुद्ध आयपीएल २०२३ च्या शेवटच्या लीग मॅचमध्ये खरी ठरली आहे. तु नेहमी पुढे जात राहा, पुढच्या पिढीचं नेतृत्व कर, देव तुझं भलं करो अशा आषयाची एक इन्स्टाग्राम स्टोरी विराटने शुभमन गिलच्या पहिल्या आयपीएल शतकानंतर शेअर केली होती. आता गिलने विराटचा संघ आरसीबीविरुद्ध शतक करुन हे खरं ठरवलं असून त्याने तो भारतीय टीम सांभाळण्यासाठी तयार असल्याचं दाखवून दिलं आहे.


शुभमन गिलने अनेकदा हे सांगितलं, की तो विराट कोहलीला खेळताना पाहत मोठा झाला असून तो विराटला त्याचा आदर्श मानतो. अंडर-१९ मधून परतल्यानंतर गिलने असंही सांगितलेलं, की मला विराट कोहलीप्रमाणे खेळायचं आहे. तो ज्या पद्धतीने मैदानावरील दबाव हाताळतो, मलाही तसंच शिकायचं आहे. गिलने तो त्याच्या त्याच्या फावल्या वेळात यूट्यूबवर विराट कोहलीच्या जुन्या मॅच पाहतो आणि नंतर नेटमध्ये त्याने मारलेल्या शॉट्सचा सराव करतो.

शाहरुख खानचा खरा हिरो ठरलेल्या रिंकू सिंगचे पाय जमिनीवर! टीम इंडियातील निवडीवर मन जिंकणार वक्तव्य
अंडर-१९ मध्ये गिलची चर्चा

२०१८ च्या अंडर १९ वर्ल्ड कपमध्ये शुभमन गिल त्याच्या तुफान फटकेबाजीने चर्चेत आला. त्याच्या खेळामुळे तो भारतीय क्रिकेटला विराट कोहलीहून पुढे घेऊन जाईल अशी चर्चा होती. आता रविवारी झालेल्या सामन्यात त्याने तुफानी खेळी करत आपल्या गुरुला तो खेळण्यासाठी तयार असल्याचं दाखवून दिलं आहे.

Shubman Gill: ...आणि शुभमन मुंबईसाठी भारी खेळला, मुंबईच्या प्ले ऑफमधील एन्ट्रीनंतर सचिनचं भन्नाट ट्विट
गिलमध्ये दिसते कोहलीची झलक

रॉयल चॅलेंजर्स बंगळुरूने दिलेल्या १९८ धावांच्या टार्गेटचा पाठलाग करताना शुभमन गिलने आपल्या फलंदाजीने अशी कामगिरी केली, जी विराटने केलेल्या कामगिरीशी जुळते. कोहलीला क्रिकेट खेळताना पाहत मोठा झालेल्या गिलने कोहलीप्रमाणे खेळी केली. विराट शेवटच्या चेंडूपर्यंत संघासाठी उभा असतो, तोदेखील तसंच करू शकतो हे त्याने या सामन्यातून दाखवून दिलं आहे.