गुजरातने विजेतेपद मिळवल्यानंतर नताशा झाली भावनिक; हार्दिकला मिठी मारली आणि...

अहमदाबाद: हार्दिक पंड्याच्या नेतृत्वाखाली गुजरात टायटन्सने राजस्थान रॉयल्सचा ७ विकेटनी पराभव करून आयपीएल २०२२चे विजतेपद मिळवले. टी-२० वर्ल्डकपमध्ये खराब कामगिरी केल्याने हार्दिकवर जोरदार टीका झाली होती. हार्दिकला पुन्हा भारतीय संघात संधी मिळेल का अशी चर्चा सुरू असताना त्याने थेट आयपीएलचे विजेतेपद मिळवले आहे. टीम इंडियातून बाहेर केल्यानंतर मुंबई इंडियन्सने त्याला रिटने केले नव्हते. या सर्व पार्श्वभूमीवर हार्दिकसाठी हे विजेतेपद खास आहे. आयपीएलचे विजेतेपद मिळवल्यानंतर जेव्हा मैदानावर त्याची पत्नी नताशा आली तेव्हा तिला भावना रोखता आल्या नाहीत.

वाचा- ऑरेंज-पर्पल कॅपसह जाणून घ्या सर्व पुरस्कारांची यादी, पाहा कोणी मारली बाजी...

गुजरात टायटन्सने विजतेपद मिळवल्यानंतर नताशा मैदानावर हार्दिकला भेटण्यासाठी आली. गुजरात आणि हार्दिकने मिळवलेल्या विजयावर ती फार भावनिक झाली होती. बराच वेळ हार्दिक तिला काही सांगत होता आणि सावरण्याचा प्रयत्न करत होता. हार्दिकचे बोलण झाल्यावर नताशाच्या चेहऱ्यावर हसू आले आणि हार्दिकने तिच्या गालावरून प्रेमाने हात फिरवला. या घटनेचा व्हिडिओ सोशल मीडियावर व्हायरल होत आहे. आयपीएलमध्ये महेंद्र सिंह धोनी, गौतम गंभीर, रोहित शर्मा यांच्यानंतर विजेतेपद मिळवणारा हार्दिक चौथा भारतीय कर्णधार ठरला आहे.

वाचा- राजस्थानने कसं केलं विजयाचं भन्नाट सेलिब्रेशन, पाहा एका क्लिकवर...


वाचा- IPL FINALध्येही हिरो ठरला जोस बटलर, गुजरातविरुद्धच्या सामन्यात रचला मोठा विक्रम

अंतिम सामन्यात राजस्थानने प्रथम फलंदाजी करत ९ बाद १३० धावा केल्या होत्या. गुजरातकडून हार्दिकने १७ धावात ३ तर साई किशोरने २० धावात २ विकेट घेतल्या. उत्तरादाखल राजस्थानने विजयाचे लक्ष्य ३ विकेटच्या बदल्यात पार केले. गुजरातकडून शुभमन गिलने ४३ चेंडूत नाबाद ४५, हार्दिकने ३४ तर डेव्हिड मिलरने नाबाद ३२ धावा केल्या.