आयपीएलपूर्वी चेन्नईच्या संघाला का बसले करोनाचे धक्के, 'हे' ठरले मोठे कारण...

आयपीएल सुरु होण्यापूर्वी फक्त चेन्नई सुपर किंग्स संघालाच करोनाचे धक्के बसल्याचे पाहायला मिळाले आहे. चेन्नईच्या संघातील खेळाडूंना युएईमध्ये पोहोचल्यावर काही नियम मोडले आणि त्याचाच फटका आता त्यांना बसत असल्याचे पाहायला मिळत आहे. चेन्नईच्या खेळाडूंनी मोडलेल्या नियमांचा एक नमुना पाहायला मिळत आहे. चेन्नईच्या खेळाडूंनी कोणते नियम मोडले, याचा व्हिडीओ आता चांगलाच व्हायल झालेला पाहायला मिळत आहे.

वाचा-धोनीच्या संघाला अजून एक धक्का, महाराष्ट्रातील खेळाडूला झाला करोना

करोनाच्या काळात जर तुम्हाला स्पर्धा खेळायची असेल तर तुम्हाला काही नियमांचे पालन करणे गरजेचे आहे. पण चेन्नईच्या संघातील खेळाडूंनी मात्र तसे केले नसल्याचे आता समोर आले आहे. सध्याच्या घडीला एक व्हिडीओ चांगलाच व्हायरल झाला आहे. हा व्हिडीओ युएईच्या विमानतळावरील असल्याचे म्हटले जात आहे.


या व्हिडीओमध्ये चेन्नईचा संघ युएईच्या विमानतळावर दाखल झाल्याचे पाहायला मिळत आहे. चेन्नईचे बरेचसे खेळाडू या व्हिडीओमध्ये दिसत आहेत. चेन्नईच्या संघातील एका खेळाडूने ठराविक अंतर ठेवण्याचा नियम पाळलेला दिसत नाही. कारण या खेळाडूने तेथील स्थानिक व्यक्तीला मिठी मारल्याचे पाहायला मिळत आहे. युएई पोहोचल्यावर चेन्नईच्या संघाने असे नियम मोडले म्हणूनच संघातील सदस्यांना करोनाची बाधा झाल्याचे म्हटले जात आहे.

वाचा-चेन्नईला आणखी एक धक्का; रैना भारतात परतला

शुक्रवारी चेन्नईच्या संघातील एका खेळाडूसह १२ सपोर्ट स्टाफच्या सदस्यांना करोना झाला होता. आज वैयक्तिक कारणास्तव रैनाने संघाला सोडचिठ्ठी दिली आहे. तो यावर्षीच्या आयपीएलमध्ये खेळणार नसल्याचे चेन्नई सुपर किंग्सच्या संघाने स्पष्ट केले आहे. हा धक्का बसतो ना बसतो तोच धोनीच्या संघाला दुसरा हादरा बसला आहे. कारण चेन्नईच्या संघातील महाराष्ट्राचा एक खेळाडू करोना पॉझिटीव्ह आढळला आहे.

शनिवारी महाराष्ट्राचा चेन्नईच्या संघातील २३ वर्षीय युवा खेळाडू ऋतुराज गायकवाडला करोना झाल्याचे निष्पन्न झाले आहे. त्यामुळे आता त्याचावर उपचार करण्यात येणार आहेत. ऋतुराजला १४ दिवस क्वारंटाइन करण्यात येणार असल्याचे समजते. या १४ दिवसांमध्ये ऋतुराजच्या तीन करोना चाचण्या होतील. या तीन करोना चाचण्यांमध्ये जर ऋतुराज निगेटीव्ह आढळला तरच त्याला खेळता येणार आहे.