बर्मिंघम
भारतीय संघाचे बॅटींग कोच संजय बांगर यांनी महेंद्रसिंग धोनीचं इंग्लंडविरुद्धच्या सामन्यात धीम्या गतीनं फलंदाजी केल्याचं समर्थन केलं आहे. धोनीच्या फलंदाजीवर प्रश्नचिन्ह उपस्थित करणं धक्कादायक असल्याचं बांगर म्हणाले.
धोनीने इंग्लंडविरुद्ध ३१ चेंडूत नाबाद ४२ धावांची खेळी साकारली. या सामन्यात भारताला ३१ धावांनी पराभवाला सामोरं जावं लागलं. भारताच्या या पराभवानंतर सामन्याच्या अखेरच्या षटकात जोरदार फटकेबाजी करून जास्तीत जास्त धावा वसुल करण्याच्या धोनीच्या क्षमतेवर सवाल उपस्थित करण्यात आला. त्यावर बांगर यांनी धोनीची पाठराखण केली.
'धोनीची यंदाच्या वर्ल्डकपमधली अफगाणिस्तानविरुद्धची खेळी वगळता इतर सर्व सामन्यात त्यानं दमदार फलंदाजी केली आहे. गेल्या ७ सामन्यांपैकी ५ सामन्यात धोनीने संघासाठीची त्याची भूमिका अतिशय योग्य वठवली आहे', असं बांगर म्हणाले. बांगलादेशविरुद्धच्या सामन्याच्या पूर्वसंध्येला घेण्यात आलेल्या पत्रकार परिषदेत ते बोलत होते.
'अखेरच्या षटकात इंग्लंडच्या गोलंदाजांची चांगली कामगिरी केली आणि अशा गोलंदाजीवर मोठे फटके मारणं कठीण होतं. सीमारेषेवर इंग्लंडच्या खेळाडूंनी चांगलं क्षेत्ररक्षणही केलं', असंही बांगर म्हणाले.
भारतीय संघाचे बॅटींग कोच संजय बांगर यांनी महेंद्रसिंग धोनीचं इंग्लंडविरुद्धच्या सामन्यात धीम्या गतीनं फलंदाजी केल्याचं समर्थन केलं आहे. धोनीच्या फलंदाजीवर प्रश्नचिन्ह उपस्थित करणं धक्कादायक असल्याचं बांगर म्हणाले.
धोनीने इंग्लंडविरुद्ध ३१ चेंडूत नाबाद ४२ धावांची खेळी साकारली. या सामन्यात भारताला ३१ धावांनी पराभवाला सामोरं जावं लागलं. भारताच्या या पराभवानंतर सामन्याच्या अखेरच्या षटकात जोरदार फटकेबाजी करून जास्तीत जास्त धावा वसुल करण्याच्या धोनीच्या क्षमतेवर सवाल उपस्थित करण्यात आला. त्यावर बांगर यांनी धोनीची पाठराखण केली.
'धोनीची यंदाच्या वर्ल्डकपमधली अफगाणिस्तानविरुद्धची खेळी वगळता इतर सर्व सामन्यात त्यानं दमदार फलंदाजी केली आहे. गेल्या ७ सामन्यांपैकी ५ सामन्यात धोनीने संघासाठीची त्याची भूमिका अतिशय योग्य वठवली आहे', असं बांगर म्हणाले. बांगलादेशविरुद्धच्या सामन्याच्या पूर्वसंध्येला घेण्यात आलेल्या पत्रकार परिषदेत ते बोलत होते.
'अखेरच्या षटकात इंग्लंडच्या गोलंदाजांची चांगली कामगिरी केली आणि अशा गोलंदाजीवर मोठे फटके मारणं कठीण होतं. सीमारेषेवर इंग्लंडच्या खेळाडूंनी चांगलं क्षेत्ररक्षणही केलं', असंही बांगर म्हणाले.