वृत्तसंस्था, दुबई
भारतीय खेळाडूंनी ऑस्ट्रेलियाविरुद्ध सुरू असलेल्या कसोटी क्रिकेट मालिकेतील तिसऱ्या सामन्यात केलेल्या प्रभावी कामगिरीचा फायदा त्यांना आंतरराष्ट्रीय क्रिकेट परिषदेच्या (आयसीसी) कसोटी क्रमवारीमध्ये स्थान उंचावण्यासाठी झाला आहे. मंगळवारी जाहीर झालेल्या कसोटी फलंदाजांच्या नव्या क्रमवारीमध्ये भारताचा चेतेश्वर पुजारा दुसऱ्या स्थानी पोहोचला असून, गोलंदाजांच्या क्रमवारीत भारताच्या रवींद्र जाडेजाने अग्रस्थान पटकावले आहे.
यापूर्वीच्या क्रमवारीत पुजारा सहाव्या स्थानी होता. रांची कसोटीत द्विशतक झळकावल्यामुळे त्याचे स्थान चार क्रमांकांनी सुधारले असून, तो ८६१ गुणांसह दुसऱ्या स्थानी पोहोचला आहे. या क्रमवारीमध्ये अग्रस्थानी असलेला ऑस्ट्रेलियाचा कर्णधार स्टीव्हन स्मिथच्या खात्यात ९४१ गुण जमा आहेत. स्मिथनेही तिसऱ्या कसोटीच्या पहिल्या डावात नाबाद १७८ धावांची खेळी केली होती. इंग्लंडचा कर्णधार जो रूट ८४८ गुणांसह तिसऱ्या, तर भारताचा कर्णधार विराट कोहली ८२६ गुणांसह चौथ्या स्थानावर आहे.
मागील आठवड्यामध्ये भारताचे रविचंद्रन अश्विन आणि रवींद्र जाडेजा हे दोघेही गोलंदाजांच्या क्रमवारीमध्ये संयुक्तरीत्या अग्रस्थानी होते. मात्र, रांची कसोटीमध्ये दोन्ही डावांत मिळून ९ विकेट घेतल्यामुळे जाडेजाने अश्विनला मागे टाकून अग्रस्थानावर कब्जा केला. जडेजाच्या खात्यात ८९९ गुण असून, अश्विन ८६२ गुणांसह दुसऱ्या स्थानी आहे. चौथ्या कसोटीत चांगली कामगिरी करून ९०० गुणांचा टप्पा ओलांडण्याची संधी जाडेजाला आहे. यापूर्वी, भारतातर्फे केवळ अश्विनने गोलंदाजी क्रमवारीत ९०० गुणांचा टप्पा ओलांडण्याचा पराक्रम केला आहे. अष्टपैलू खेळाडूंच्या क्रमवारीत बांगलादेशचा शकीब अल हसन (४३१ गुण) पहिल्या स्थानावर असून, रवीचंद्रन अश्विन (४०८) दुसऱ्या, तर रवींद्र जाडेजा (३८७) तिसऱ्या स्थानी आहे.
सांघिक क्रमवारीत ३१ मार्चपर्यंत भारतीय संघ अग्रस्थानी राहणार असल्याचे यापूर्वीच निश्चित झाले आहे. या क्रमवारीत ऑस्ट्रेलियाचा संघ दुसऱ्या, तर दक्षिण आफ्रिकेचा संघ तिसऱ्या स्थानावर आहे. ऑस्ट्रेलिया-भारत आणि दक्षिण आफ्रिका-न्यूझीलंड या दोन्ही मालिकांमधील प्रत्येकी एक कसोटी सामना शिल्लक असल्याने ३१ मार्चअखेर दुसरे स्थान पटकावण्यासाठी ऑस्ट्रेलिया व द. आफ्रिका या दोन्ही संघांमध्ये चुरस आहे.
भारतीय खेळाडूंनी ऑस्ट्रेलियाविरुद्ध सुरू असलेल्या कसोटी क्रिकेट मालिकेतील तिसऱ्या सामन्यात केलेल्या प्रभावी कामगिरीचा फायदा त्यांना आंतरराष्ट्रीय क्रिकेट परिषदेच्या (आयसीसी) कसोटी क्रमवारीमध्ये स्थान उंचावण्यासाठी झाला आहे. मंगळवारी जाहीर झालेल्या कसोटी फलंदाजांच्या नव्या क्रमवारीमध्ये भारताचा चेतेश्वर पुजारा दुसऱ्या स्थानी पोहोचला असून, गोलंदाजांच्या क्रमवारीत भारताच्या रवींद्र जाडेजाने अग्रस्थान पटकावले आहे.
यापूर्वीच्या क्रमवारीत पुजारा सहाव्या स्थानी होता. रांची कसोटीत द्विशतक झळकावल्यामुळे त्याचे स्थान चार क्रमांकांनी सुधारले असून, तो ८६१ गुणांसह दुसऱ्या स्थानी पोहोचला आहे. या क्रमवारीमध्ये अग्रस्थानी असलेला ऑस्ट्रेलियाचा कर्णधार स्टीव्हन स्मिथच्या खात्यात ९४१ गुण जमा आहेत. स्मिथनेही तिसऱ्या कसोटीच्या पहिल्या डावात नाबाद १७८ धावांची खेळी केली होती. इंग्लंडचा कर्णधार जो रूट ८४८ गुणांसह तिसऱ्या, तर भारताचा कर्णधार विराट कोहली ८२६ गुणांसह चौथ्या स्थानावर आहे.
मागील आठवड्यामध्ये भारताचे रविचंद्रन अश्विन आणि रवींद्र जाडेजा हे दोघेही गोलंदाजांच्या क्रमवारीमध्ये संयुक्तरीत्या अग्रस्थानी होते. मात्र, रांची कसोटीमध्ये दोन्ही डावांत मिळून ९ विकेट घेतल्यामुळे जाडेजाने अश्विनला मागे टाकून अग्रस्थानावर कब्जा केला. जडेजाच्या खात्यात ८९९ गुण असून, अश्विन ८६२ गुणांसह दुसऱ्या स्थानी आहे. चौथ्या कसोटीत चांगली कामगिरी करून ९०० गुणांचा टप्पा ओलांडण्याची संधी जाडेजाला आहे. यापूर्वी, भारतातर्फे केवळ अश्विनने गोलंदाजी क्रमवारीत ९०० गुणांचा टप्पा ओलांडण्याचा पराक्रम केला आहे. अष्टपैलू खेळाडूंच्या क्रमवारीत बांगलादेशचा शकीब अल हसन (४३१ गुण) पहिल्या स्थानावर असून, रवीचंद्रन अश्विन (४०८) दुसऱ्या, तर रवींद्र जाडेजा (३८७) तिसऱ्या स्थानी आहे.
सांघिक क्रमवारीत ३१ मार्चपर्यंत भारतीय संघ अग्रस्थानी राहणार असल्याचे यापूर्वीच निश्चित झाले आहे. या क्रमवारीत ऑस्ट्रेलियाचा संघ दुसऱ्या, तर दक्षिण आफ्रिकेचा संघ तिसऱ्या स्थानावर आहे. ऑस्ट्रेलिया-भारत आणि दक्षिण आफ्रिका-न्यूझीलंड या दोन्ही मालिकांमधील प्रत्येकी एक कसोटी सामना शिल्लक असल्याने ३१ मार्चअखेर दुसरे स्थान पटकावण्यासाठी ऑस्ट्रेलिया व द. आफ्रिका या दोन्ही संघांमध्ये चुरस आहे.