वृत्तसंस्था, मोहाली
आयपीएलच्या दहाव्या मोसमामध्ये सातत्याने पराभवाचा सामना करावा लागलेल्या गुजरात लायन्स संघाला रविवारी किंग्ज इलेव्हन पंजाब संघाविरुद्ध विजय गवसला. ड्वेन स्मिथचे झंझावाती अर्धशतक आणि त्याला अन्य फलंदाजांनी दिलेली साथ यांमुळे गुजरातने मोहालीच्या पीसीए स्टेडियमवर झालेल्या या सामन्यात १९० धावांचे विजयी लक्ष्य १९.४ षटकांत पूर्ण करून पंजाबवर ६ विकेट्सनी मात केली. गुजरातचा हा यंदाच्या मोसमातील केवळ चौथा विजय ठरला. पंजाबच्या ‘प्ले ऑफ’चे आव्हान मात्र या पराभवामुळे अधिकच कठीण बनले आहे.
पंजाबच्या आव्हानाचा पाठलाग करताना ड्वेन स्मिथ आणि इशान किशन या गुजरातच्या सलामी जोडीने पॉवर प्लेमध्ये या दोघांनी ५८ धावा जोडल्या. या दोघांनी ९.२ षटकांमध्ये ९१ धावांची सलामी दिली. नटराजनने इशानला बाद करून ही जोडी फोडली. इशान २९ धावांवर बाद झाला. त्यानंतर स्मिथने कर्णधार सुरेश रैनासोबत संघाचे शतक पूर्ण केले. स्मिथने ३९ चेंडूंमध्ये ८ चौकार व ४ षटकारांसह ७४ धावा फटकावल्या. रैना २५ चेंडूंमध्ये ४ चौकार व एका षटकारासह ३९ धावा करून बाद झाला. अखेरच्या दोन षटकांत गुजरातला विजयासाठी २४ धावांची आवश्यकता होती. दिनेश कार्तिक आणि रवींद्र जडेजा या जोडीने २ चेंडू राखून हे आव्हान पूर्ण केले. गुजरातच्या विजयामुळे पंजाबच्या हशिम अमलाचे शतक व्यर्थ ठरले. विशेष म्हणजे, यंदाच्या आयपीएलमध्ये अमलाने शतक झळकावलेल्या दोन्ही सामन्यांमध्ये पंजाबला पराभव पत्करावा लागला आहे.
तत्पूर्वी, गुजरात लायन्सने नाणेफेक जिंकून क्षेत्ररक्षणाचा निर्णय घेतला. पहिल्याच षटकात प्रदीप संगवानने मार्टिन गप्टिलला थम्पीकरवी झेलबाद केले. त्यानंतर हशिम अमला आणि शॉन मार्श यांनी ‘पंजाब’ला सव्वाशे धावांचा टप्पा पार करून दिला. सोळाव्या षटकात धवल कुलकर्णीने मार्शला बाद करत ही जोडी फोडली. मार्शने ४३ चेंडूंत सहा चौकारांसह ५८ धावांची खेळी केली. अमला-मार्श यांनी दुसऱ्या विकेटसाठी ८९ चेंडूंत १२५ धावांची भागीदारी केली. मार्श परतल्यानंतर अमलाने ग्लेन मॅक्सवेलच्या साथीने किंग्ज इलेव्हन पंजाबला पावणेदोनशे धावांचा टप्पा पार करून दिला. अमलाने ६० चेंडूंत आठ चौकार आणि पाच षटकारांसह १०४ धावांची खेळी केली. मॅक्सवेलने ११ चेंडूंत दोन षटकारांसह नाबाद २० धावांची खेळी केली.
आयपीएलच्या दहाव्या मोसमामध्ये सातत्याने पराभवाचा सामना करावा लागलेल्या गुजरात लायन्स संघाला रविवारी किंग्ज इलेव्हन पंजाब संघाविरुद्ध विजय गवसला. ड्वेन स्मिथचे झंझावाती अर्धशतक आणि त्याला अन्य फलंदाजांनी दिलेली साथ यांमुळे गुजरातने मोहालीच्या पीसीए स्टेडियमवर झालेल्या या सामन्यात १९० धावांचे विजयी लक्ष्य १९.४ षटकांत पूर्ण करून पंजाबवर ६ विकेट्सनी मात केली. गुजरातचा हा यंदाच्या मोसमातील केवळ चौथा विजय ठरला. पंजाबच्या ‘प्ले ऑफ’चे आव्हान मात्र या पराभवामुळे अधिकच कठीण बनले आहे.
पंजाबच्या आव्हानाचा पाठलाग करताना ड्वेन स्मिथ आणि इशान किशन या गुजरातच्या सलामी जोडीने पॉवर प्लेमध्ये या दोघांनी ५८ धावा जोडल्या. या दोघांनी ९.२ षटकांमध्ये ९१ धावांची सलामी दिली. नटराजनने इशानला बाद करून ही जोडी फोडली. इशान २९ धावांवर बाद झाला. त्यानंतर स्मिथने कर्णधार सुरेश रैनासोबत संघाचे शतक पूर्ण केले. स्मिथने ३९ चेंडूंमध्ये ८ चौकार व ४ षटकारांसह ७४ धावा फटकावल्या. रैना २५ चेंडूंमध्ये ४ चौकार व एका षटकारासह ३९ धावा करून बाद झाला. अखेरच्या दोन षटकांत गुजरातला विजयासाठी २४ धावांची आवश्यकता होती. दिनेश कार्तिक आणि रवींद्र जडेजा या जोडीने २ चेंडू राखून हे आव्हान पूर्ण केले. गुजरातच्या विजयामुळे पंजाबच्या हशिम अमलाचे शतक व्यर्थ ठरले. विशेष म्हणजे, यंदाच्या आयपीएलमध्ये अमलाने शतक झळकावलेल्या दोन्ही सामन्यांमध्ये पंजाबला पराभव पत्करावा लागला आहे.
तत्पूर्वी, गुजरात लायन्सने नाणेफेक जिंकून क्षेत्ररक्षणाचा निर्णय घेतला. पहिल्याच षटकात प्रदीप संगवानने मार्टिन गप्टिलला थम्पीकरवी झेलबाद केले. त्यानंतर हशिम अमला आणि शॉन मार्श यांनी ‘पंजाब’ला सव्वाशे धावांचा टप्पा पार करून दिला. सोळाव्या षटकात धवल कुलकर्णीने मार्शला बाद करत ही जोडी फोडली. मार्शने ४३ चेंडूंत सहा चौकारांसह ५८ धावांची खेळी केली. अमला-मार्श यांनी दुसऱ्या विकेटसाठी ८९ चेंडूंत १२५ धावांची भागीदारी केली. मार्श परतल्यानंतर अमलाने ग्लेन मॅक्सवेलच्या साथीने किंग्ज इलेव्हन पंजाबला पावणेदोनशे धावांचा टप्पा पार करून दिला. अमलाने ६० चेंडूंत आठ चौकार आणि पाच षटकारांसह १०४ धावांची खेळी केली. मॅक्सवेलने ११ चेंडूंत दोन षटकारांसह नाबाद २० धावांची खेळी केली.