वृत्तसंस्था, सिडनी
सध्या सुरू असलेल्या भारताविरुद्धच्या बॉर्डर-गावस्कर मालिकेतील फलंदाजांच्या अपयशाने यजमान ऑस्ट्रेलियाची पाठ चौथ्या सिडनी कसोटीतही सोडली नाही. पावसाची चाहुल आणि अंधूक प्रकाशामुळे तिसऱ्या दिवसाचा खेळ थांबला तेव्हा शनिवारी ऑस्ट्रेलियाने अडखळत ६ बाद २३६ अशी मजल मारली होती. ऑस्ट्रेलियाचा संघ अजून ३८६ धावांनी पिछाडीवर आहे. पीटर हँड्सकॉम्ब २८, तर पॅट कमिन्स २५ धावांवर खेळत आहेत. भारताने प्रथम फलंदाजी करताना ७ बाद ६२२ धावांवर डाव सोडला आहे.
बॉर्डर-गावस्कर मालिका जिंकण्यासाठी तसेही भारताला ही सिडनी कसोटी अनिर्णित राहिली तरी चालणार आहे. कारण टीम इंडियाकडे सध्या २-१ अशी आघाडी आहे. भारतीय संघ फॉर्मात असल्यानेच यजमान असूनही ऑस्ट्रेलियाचा संघ दडपणाखाली खेळतो आहे. यामुळेच तर डावाच्या चांगल्या सुरुवातीनंतरही उपाहारानंतर त्यांचा निम्मा संघ गारद झाला. हे काय कमी होते की चहापानाच्या विश्रांतीनंतर कर्णधार टिम पेन माघारी परतला. ऑस्ट्रेलियाच्या शॉन मार्श आणि टिम पेन या फलंदाजांनी सुरुवात छान केली होती, पण त्यांना प्रदीर्घ खेळी करता आली नाही. फक्त सलामीवीर हॅरिसला अर्धशतकाच्या पुढे मजल मारता आली. त्याने ७९ धावांची खेळी जो या मालिकेतील ऑस्ट्रेलियन फलंदाजाने केलेली या मालिकेतील ही सर्वोच्च धावसंख्या ठरली आहे. तर दुसरीकडे भारताकडून या मालिकेत पाच शतके ठोकली गेली आहेत. हॅरिसचा अडसर रवींद्र जाडेजाने दूर केला.
प्रभावी माऱ्यामुळेच भारताने अॅडलेड, मेलबर्नला सरशी साधली आहे. गेल्या दोन कसोटी विजयात तेज गोलंदाजांचे योगदान होते, मात्र शनिवारी सिडनीला फिरकी गोलंदाज प्रभावी ठरले. जाडेजाने ६२ धावांत २ विकेट्स टिपल्या आहेत. अजिंक्य रहाणेचा इथे विशेष उल्लेख करावा लागेल. त्याने जाडेजाच्या गोलंदाजीवर पहिल्या स्लिपमध्ये टिपलेला झेल अप्रतिम होता. रहाणेची मेहनत आणि एकाग्रता लबशागनेच्या (३८) झेलमध्येदेखील दिसली. मोहम्मद शमीच्या गोलंदाजीवर शॉर्ट मिडविकेटला त्याने हा सुरेख झेल टिपला. कुलदीपने ७१ धावांत तीन फलंदाजांना बाद केले.
स्कोअरबोर्डः भारत ७ बाद ६२२ डाव सोडला वि. ऑस्ट्रेलिया ६ बाद २३६ (मार्कस हॅरिस ७९, उस्मान ख्वाजा २७, मार्नस लबशागने ३८, शॉन मार्श ८, ट्रॅव्हिस हेड २०, पीटर हँड्सकॉम्ब खेळत आहे २८, टिम पेन ५, पॅट कमिन्स खेळत आहे २५; मोहम्मद शमी १६-१-५४-१, बुमराह १६-४-४३-०, रवींद्र जाडेजा २७.३-९-६२-२, कुलदीप यादव २४-६-७१-३).
दृष्टिक्षेप
१)ऑस्ट्रेलियन फलंदाजांच्या अपयशाचा सिलसिला बॉर्डर-गावस्कर मालिकेच्या चौथ्या सिडनी कसोटीतही सुरू राहिला. शनिवारी त्याचा पुन्हा प्रत्यय आला.
२)पाऊसाची चाहूल आणि अंधुक प्रकाशामुळे तिसऱ्या दिवसाचा खेळ थांबला तेव्हा भारताच्या धावांच्या डोंगराला (७ बाद ६२२ डाव सोडला) प्रत्युत्तर देताना ऑस्ट्रेलियाने ६ बाद २३६ धावा केल्या होत्या.
३)भारताला मालिका जिंकण्यासाठी सिडनी कसोटी अनिर्णित राहिली तरी चालणार आहे.
सध्या सुरू असलेल्या भारताविरुद्धच्या बॉर्डर-गावस्कर मालिकेतील फलंदाजांच्या अपयशाने यजमान ऑस्ट्रेलियाची पाठ चौथ्या सिडनी कसोटीतही सोडली नाही. पावसाची चाहुल आणि अंधूक प्रकाशामुळे तिसऱ्या दिवसाचा खेळ थांबला तेव्हा शनिवारी ऑस्ट्रेलियाने अडखळत ६ बाद २३६ अशी मजल मारली होती. ऑस्ट्रेलियाचा संघ अजून ३८६ धावांनी पिछाडीवर आहे. पीटर हँड्सकॉम्ब २८, तर पॅट कमिन्स २५ धावांवर खेळत आहेत. भारताने प्रथम फलंदाजी करताना ७ बाद ६२२ धावांवर डाव सोडला आहे.
बॉर्डर-गावस्कर मालिका जिंकण्यासाठी तसेही भारताला ही सिडनी कसोटी अनिर्णित राहिली तरी चालणार आहे. कारण टीम इंडियाकडे सध्या २-१ अशी आघाडी आहे. भारतीय संघ फॉर्मात असल्यानेच यजमान असूनही ऑस्ट्रेलियाचा संघ दडपणाखाली खेळतो आहे. यामुळेच तर डावाच्या चांगल्या सुरुवातीनंतरही उपाहारानंतर त्यांचा निम्मा संघ गारद झाला. हे काय कमी होते की चहापानाच्या विश्रांतीनंतर कर्णधार टिम पेन माघारी परतला. ऑस्ट्रेलियाच्या शॉन मार्श आणि टिम पेन या फलंदाजांनी सुरुवात छान केली होती, पण त्यांना प्रदीर्घ खेळी करता आली नाही. फक्त सलामीवीर हॅरिसला अर्धशतकाच्या पुढे मजल मारता आली. त्याने ७९ धावांची खेळी जो या मालिकेतील ऑस्ट्रेलियन फलंदाजाने केलेली या मालिकेतील ही सर्वोच्च धावसंख्या ठरली आहे. तर दुसरीकडे भारताकडून या मालिकेत पाच शतके ठोकली गेली आहेत. हॅरिसचा अडसर रवींद्र जाडेजाने दूर केला.
प्रभावी माऱ्यामुळेच भारताने अॅडलेड, मेलबर्नला सरशी साधली आहे. गेल्या दोन कसोटी विजयात तेज गोलंदाजांचे योगदान होते, मात्र शनिवारी सिडनीला फिरकी गोलंदाज प्रभावी ठरले. जाडेजाने ६२ धावांत २ विकेट्स टिपल्या आहेत. अजिंक्य रहाणेचा इथे विशेष उल्लेख करावा लागेल. त्याने जाडेजाच्या गोलंदाजीवर पहिल्या स्लिपमध्ये टिपलेला झेल अप्रतिम होता. रहाणेची मेहनत आणि एकाग्रता लबशागनेच्या (३८) झेलमध्येदेखील दिसली. मोहम्मद शमीच्या गोलंदाजीवर शॉर्ट मिडविकेटला त्याने हा सुरेख झेल टिपला. कुलदीपने ७१ धावांत तीन फलंदाजांना बाद केले.
स्कोअरबोर्डः भारत ७ बाद ६२२ डाव सोडला वि. ऑस्ट्रेलिया ६ बाद २३६ (मार्कस हॅरिस ७९, उस्मान ख्वाजा २७, मार्नस लबशागने ३८, शॉन मार्श ८, ट्रॅव्हिस हेड २०, पीटर हँड्सकॉम्ब खेळत आहे २८, टिम पेन ५, पॅट कमिन्स खेळत आहे २५; मोहम्मद शमी १६-१-५४-१, बुमराह १६-४-४३-०, रवींद्र जाडेजा २७.३-९-६२-२, कुलदीप यादव २४-६-७१-३).
दृष्टिक्षेप
१)ऑस्ट्रेलियन फलंदाजांच्या अपयशाचा सिलसिला बॉर्डर-गावस्कर मालिकेच्या चौथ्या सिडनी कसोटीतही सुरू राहिला. शनिवारी त्याचा पुन्हा प्रत्यय आला.
२)पाऊसाची चाहूल आणि अंधुक प्रकाशामुळे तिसऱ्या दिवसाचा खेळ थांबला तेव्हा भारताच्या धावांच्या डोंगराला (७ बाद ६२२ डाव सोडला) प्रत्युत्तर देताना ऑस्ट्रेलियाने ६ बाद २३६ धावा केल्या होत्या.
३)भारताला मालिका जिंकण्यासाठी सिडनी कसोटी अनिर्णित राहिली तरी चालणार आहे.