नवी दिल्ली
चेंडू कुरतडल्याचा आरोप सिद्ध झाल्यानंतर आंतरराष्ट्रीय क्रिकेट काउन्सिल (आयसीसी) ने ऑस्ट्रेलियाचा कर्णधार स्टीव स्मिथ आणि सलामीचा फलंदाज कॅमेरून ब्रँकॉफ्टवर कारवाई केली आहे. आयसीसीनंतर ऑस्ट्रेलिया क्रिकेट (सीए) ने या प्रकरणाची गंभीर दखल घेतली असून स्मिथ-वॉर्नर या दोघांना क्रिकेट खेळण्यास आजीवन बंदी घालण्याचा विचार करीत आहे.
स्टीव स्मिथ दोषी आढळल्यानंतर आयसीसीने त्याला एका कसोटी सामन्यासाठी निलंबित केले आहे. तसेच मानधन कपातीत १०० टक्के दंड लावला आहे. कॅमेरून ब्रँकॉफ्टला दंड लावला असून त्याला मानधनातील ७५ टक्के रक्कम कापून द्यावी लागणार आहे. या दोघांच्या कारनाम्यामुळे ऑस्ट्रेलिया संघाची बदनामी झाली आहे. 'टाइम्स ऑफ इंडिया'च्या सूत्रांच्या माहितीनुसार, 'क्रिकेट ऑस्ट्रेलियाला विरोधाचा सामना करावा लागणार आहे. त्यामुळे ऑस्ट्रेलिया क्रिकेट स्टीव स्मिथ आणि डेव्हिड वॉर्नरवर आजीवन क्रिकेटबंदी लावण्याचा विचार करीत आहे'. आयसीसीने डेव्हिड वॉर्नरच्या भूमिकेसंदर्भात सध्या ठोस काही म्हटले नसले तरी क्रिकेट ऑस्ट्रेलिया या तिघांवरही कारवाई करण्याची शक्यता आहे.
गेल्यावर्षी भारत दौऱ्यावर आल्यानंतर स्मिथवर ड्रेसिंग रुममध्ये बेकायदेशीरपणे मदत मागण्याचा आरोप लागला होता. त्यामुळे ऑस्ट्रेलियाचे पंतप्रधान मॅलकम टर्नबुल यांनी दुःख व्यक्त केले होते. क्रिकेट ऑस्ट्रेलियाने दक्षिण आफ्रिकेत खेळवल्या जात असलेल्या ४ कसोटी मालिकेत अंतिम कसोटी सामन्याची जबाबदारी विकेटकिपर टीम पेनकडे सोपवली आहे. क्रिकेट ऑस्ट्रेलियाने दोन वरिष्ट अधिकारी लेन रॉय आणि पॅट हॉवर्ड यांना तात्काळ तपास करण्यासाठी दक्षिण आफ्रिकेला पाठवले आहे.
चेंडू कुरतडल्याचा आरोप सिद्ध झाल्यानंतर आंतरराष्ट्रीय क्रिकेट काउन्सिल (आयसीसी) ने ऑस्ट्रेलियाचा कर्णधार स्टीव स्मिथ आणि सलामीचा फलंदाज कॅमेरून ब्रँकॉफ्टवर कारवाई केली आहे. आयसीसीनंतर ऑस्ट्रेलिया क्रिकेट (सीए) ने या प्रकरणाची गंभीर दखल घेतली असून स्मिथ-वॉर्नर या दोघांना क्रिकेट खेळण्यास आजीवन बंदी घालण्याचा विचार करीत आहे.
स्टीव स्मिथ दोषी आढळल्यानंतर आयसीसीने त्याला एका कसोटी सामन्यासाठी निलंबित केले आहे. तसेच मानधन कपातीत १०० टक्के दंड लावला आहे. कॅमेरून ब्रँकॉफ्टला दंड लावला असून त्याला मानधनातील ७५ टक्के रक्कम कापून द्यावी लागणार आहे. या दोघांच्या कारनाम्यामुळे ऑस्ट्रेलिया संघाची बदनामी झाली आहे. 'टाइम्स ऑफ इंडिया'च्या सूत्रांच्या माहितीनुसार, 'क्रिकेट ऑस्ट्रेलियाला विरोधाचा सामना करावा लागणार आहे. त्यामुळे ऑस्ट्रेलिया क्रिकेट स्टीव स्मिथ आणि डेव्हिड वॉर्नरवर आजीवन क्रिकेटबंदी लावण्याचा विचार करीत आहे'. आयसीसीने डेव्हिड वॉर्नरच्या भूमिकेसंदर्भात सध्या ठोस काही म्हटले नसले तरी क्रिकेट ऑस्ट्रेलिया या तिघांवरही कारवाई करण्याची शक्यता आहे.
गेल्यावर्षी भारत दौऱ्यावर आल्यानंतर स्मिथवर ड्रेसिंग रुममध्ये बेकायदेशीरपणे मदत मागण्याचा आरोप लागला होता. त्यामुळे ऑस्ट्रेलियाचे पंतप्रधान मॅलकम टर्नबुल यांनी दुःख व्यक्त केले होते. क्रिकेट ऑस्ट्रेलियाने दक्षिण आफ्रिकेत खेळवल्या जात असलेल्या ४ कसोटी मालिकेत अंतिम कसोटी सामन्याची जबाबदारी विकेटकिपर टीम पेनकडे सोपवली आहे. क्रिकेट ऑस्ट्रेलियाने दोन वरिष्ट अधिकारी लेन रॉय आणि पॅट हॉवर्ड यांना तात्काळ तपास करण्यासाठी दक्षिण आफ्रिकेला पाठवले आहे.