आम्ही अपात्र आहोत का ?

नवी दिल्ली : भारतीय क्रिकेट बोर्डाचे सदस्य असलेल्या हैदराबाद, तामिळनाडू, गोवा आणि मध्य प्रदेश यांनी आपल्या संघटनेतील कोणते पदाधिकारी अपात्र ठरले आहेत याची विचारणा करण्यासाठी सर्वोच्च न्यायालयात याचिका दाखल केली आहे.

न्यायाधीश राजेंद्र लोढा यांच्या शिफारशींनुसार अनेक पदाधिकारी ९ वर्षांची कालमर्यादा पूर्ण झाल्यामुळे अपात्र ठरले आहेत. तामिळनाडूला याचा मोठा फटका बसणार आहे, कारण एन. श्रीनिवासन हे बोर्डाचे माजी अध्यक्षच आता कालमर्यादा पूर्ण झाल्यामुळे अपात्र ठरणार आहेत. त्यासोबत सचिव काशी विश्वनाथन यांनाही जावे लागेल. गोवा क्रिकेट संघटनाही न्यायालयात गेली आहे.