वृत्तसंस्था, बेंगळुरू
लोकेश राहुल आणि चेतेश्वर पुजारा यांनी सावध फलंदाजी करून भारताला ऑस्ट्रेलियाविरुद्धच्या मालिकेतील दुसऱ्या कसोटीतील पहिल्या डावात भारताला १ बाद ७२ अशी चांगली सुरुवात मिळवून दिली होती. पण लंचनंतर फिरकीचे भूत पुन्हा भारतीय फलंदाजांच्या मानगुटीवर बसले. आणि भारतीय फलंदाज गडबडले. पुण्यातील चुक पुन्हा करणार नाही, हे कर्णधार विराट कोहलीचे आश्वासन खोटे ठरले. नॅथन लायनच्या फिरकीसमोर भारतीय फलंदाजांनी सपशेल शरणागती पत्करली. लायनने विक्रमी आठ विकेट घेऊन भारताचा पहिला डाव १८९ धावांत गुंडाळला. यानंतर ऑस्ट्रेलियाने बिनबाद ४० अशी सुरुवात करून बेंगळुरू कसोटीच्या पहिल्या दिवसावर वर्चस्व राखले.
एम. चिन्नास्वामी स्टेडियमवर नाणेफेकीचा कौल महत्त्वाचा मानला जात होता. या वेळी कर्णधार कोहलीने नाणेफेक जिंकली. फलंदाजीसाठी खेळपट्टी चांगली दिसते आहे, म्हणून फलंदाजी करण्याचा निर्णय घेतला, असे मत त्या वेळी कोहलीने व्यक्त केले. दुखापतीमुळे मुरली विजयच्या जागी अभिनव मुकुंदला स्थान दिले, तर जयंत यादवच्या जागी करुण नायरला भारतीय संघात संधी देण्यात आली. २०११ नंतर प्रथमच अभिनव मुकुंद कसोटी खेळत होता. लोकेश राहुलने पहिल्याच चेंडूवर चौकार मारून आश्वासक सुरुवात केली. यानंतर शेवटच्या चेंडू त्याने पुन्हा सीमापार पाठविला. तिसऱ्या षटकात मिचेल स्टार्कने फुल टॉसवर अभिनव मुकुंदला पायचीत टिपले. यानंतर लोकेश राहुल आणि चेतेश्वर पुजाराने अतिशय सावध फलंदाजी केली. या जोडीने जवळपास २५ षटके किल्ला लढविला आणि ६१ धावा फलकावर लावल्या. ३० धावांवर राहुलला जीवदान मिळाले. लायने पुजाराला बाद करून ही जोडी फोडली.
उपाहारानंतर मात्र लायनच्या फिरकीने कमाल करून दाखवली. भारतीय फलंदाजांच्या दडपणाचा त्याने फायदा घेतला. तिसऱ्या सत्रात सारे काही त्याच्या मनासारखे घडले. त्याने भारतीय फलंदाजांची कोंडी करायला सुरुवात केली. कोहलीने दोन चौकार मारून सुरुवात चांगली केली. पण लायनच्या चेंडूवर तो चूकला. अवघ्या १२ धावांवर कोहलीला पायचीत टिपून लायनने एकच जल्लोष केला. कोहलीने रिव्ह्यू घेतला; पण त्याचा फायदा झाला नाही. चेंडू सोडण्याचा कोहलीचा निर्णय पुन्हा एकदा चुकला होता.
यानंतर राहुल-रहाणे जोडीने भारताला शंभर धावांचा टप्पा ओलांडून दिला. ही जोडी जमली (भागीदारी ३० धावा) असे वाटत असतानाच लायनला पुढे येऊन खेळण्याच्या प्रयत्नात रहाणे यष्टिचीत झाला. मॅथ्यू वेडकडून चेंडू सुटला होता; पण रहाणे बराच पुढे आला होता. जी चूक रहाणेने केली, तीच चूक करुण नायरने केली. ओकीफने त्याला वेडकरवी यष्टिचीत केले. यानंतरच्या फलंदाजांनी खेळपट्टीची प्रचंड धास्ती घेतली. ही संधी लायनने अचूक साधली. भारताने अखेरचे पाच फलंदाज अवघ्या १५ धावांत गमावले. पुणे कसोटीचा कित्ता भारतीय फलंदाजांनी पुन्हा एकदा गिरवला. त्यामुळे ५ बाद १७४ वरून भारताचा डाव १८९ धावांत आटोपला. एका बाजूने किल्ला लढविणारा लोकेश राहुल २०५ चेंडूंत ९ चौकारांसह ९० धावा काढून बाद झाला.
यानंतर डेव्हिड वॉर्नर आणि मॅट रेनशॉ जोडीने ऑस्ट्रेलियाला आश्वासक सुरुवात करून दिली. दरम्यान, ९ धावांवर असताना वॉर्नरला रहाणेने जीवदान दिले. खेळ थांबला तेव्हा वॉर्नर ५१ चेंडूंत २३, तर रेनशॉ ४७ चेंडूंत १५ धावांवर खेळत होता.
स्कोअरबोर्डः भारत ७१.२ षटकांत १८९ (राहुल ९०, मुकुंद ०, पुजारा १७, कोहली १२, रहाणे १७, नायर २६, अश्विन ७, साहा १, जाडेजा ३, उमेश यादव नाबाद ०, इशांत ०; स्टार्क १५-५-३९-१, ओकीफ २१-५-४०-१, लायन २२.२-४-५०-८) वि. ऑस्ट्रेलिया १६ षटकांत बिनबाद ४० (डेव्हिड वॉर्नर खेळत आहे २३, मॅट रेनशॉ खेळत आहे १५; इशांत शर्मा ५-०-८-०, उमेश यादव ४-१-१६-०, आर. अश्विन ६-०-११-०, रवींद्र जडेजा १-०-५-०).
लोकेश राहुल आणि चेतेश्वर पुजारा यांनी सावध फलंदाजी करून भारताला ऑस्ट्रेलियाविरुद्धच्या मालिकेतील दुसऱ्या कसोटीतील पहिल्या डावात भारताला १ बाद ७२ अशी चांगली सुरुवात मिळवून दिली होती. पण लंचनंतर फिरकीचे भूत पुन्हा भारतीय फलंदाजांच्या मानगुटीवर बसले. आणि भारतीय फलंदाज गडबडले. पुण्यातील चुक पुन्हा करणार नाही, हे कर्णधार विराट कोहलीचे आश्वासन खोटे ठरले. नॅथन लायनच्या फिरकीसमोर भारतीय फलंदाजांनी सपशेल शरणागती पत्करली. लायनने विक्रमी आठ विकेट घेऊन भारताचा पहिला डाव १८९ धावांत गुंडाळला. यानंतर ऑस्ट्रेलियाने बिनबाद ४० अशी सुरुवात करून बेंगळुरू कसोटीच्या पहिल्या दिवसावर वर्चस्व राखले.
एम. चिन्नास्वामी स्टेडियमवर नाणेफेकीचा कौल महत्त्वाचा मानला जात होता. या वेळी कर्णधार कोहलीने नाणेफेक जिंकली. फलंदाजीसाठी खेळपट्टी चांगली दिसते आहे, म्हणून फलंदाजी करण्याचा निर्णय घेतला, असे मत त्या वेळी कोहलीने व्यक्त केले. दुखापतीमुळे मुरली विजयच्या जागी अभिनव मुकुंदला स्थान दिले, तर जयंत यादवच्या जागी करुण नायरला भारतीय संघात संधी देण्यात आली. २०११ नंतर प्रथमच अभिनव मुकुंद कसोटी खेळत होता. लोकेश राहुलने पहिल्याच चेंडूवर चौकार मारून आश्वासक सुरुवात केली. यानंतर शेवटच्या चेंडू त्याने पुन्हा सीमापार पाठविला. तिसऱ्या षटकात मिचेल स्टार्कने फुल टॉसवर अभिनव मुकुंदला पायचीत टिपले. यानंतर लोकेश राहुल आणि चेतेश्वर पुजाराने अतिशय सावध फलंदाजी केली. या जोडीने जवळपास २५ षटके किल्ला लढविला आणि ६१ धावा फलकावर लावल्या. ३० धावांवर राहुलला जीवदान मिळाले. लायने पुजाराला बाद करून ही जोडी फोडली.
उपाहारानंतर मात्र लायनच्या फिरकीने कमाल करून दाखवली. भारतीय फलंदाजांच्या दडपणाचा त्याने फायदा घेतला. तिसऱ्या सत्रात सारे काही त्याच्या मनासारखे घडले. त्याने भारतीय फलंदाजांची कोंडी करायला सुरुवात केली. कोहलीने दोन चौकार मारून सुरुवात चांगली केली. पण लायनच्या चेंडूवर तो चूकला. अवघ्या १२ धावांवर कोहलीला पायचीत टिपून लायनने एकच जल्लोष केला. कोहलीने रिव्ह्यू घेतला; पण त्याचा फायदा झाला नाही. चेंडू सोडण्याचा कोहलीचा निर्णय पुन्हा एकदा चुकला होता.
यानंतर राहुल-रहाणे जोडीने भारताला शंभर धावांचा टप्पा ओलांडून दिला. ही जोडी जमली (भागीदारी ३० धावा) असे वाटत असतानाच लायनला पुढे येऊन खेळण्याच्या प्रयत्नात रहाणे यष्टिचीत झाला. मॅथ्यू वेडकडून चेंडू सुटला होता; पण रहाणे बराच पुढे आला होता. जी चूक रहाणेने केली, तीच चूक करुण नायरने केली. ओकीफने त्याला वेडकरवी यष्टिचीत केले. यानंतरच्या फलंदाजांनी खेळपट्टीची प्रचंड धास्ती घेतली. ही संधी लायनने अचूक साधली. भारताने अखेरचे पाच फलंदाज अवघ्या १५ धावांत गमावले. पुणे कसोटीचा कित्ता भारतीय फलंदाजांनी पुन्हा एकदा गिरवला. त्यामुळे ५ बाद १७४ वरून भारताचा डाव १८९ धावांत आटोपला. एका बाजूने किल्ला लढविणारा लोकेश राहुल २०५ चेंडूंत ९ चौकारांसह ९० धावा काढून बाद झाला.
यानंतर डेव्हिड वॉर्नर आणि मॅट रेनशॉ जोडीने ऑस्ट्रेलियाला आश्वासक सुरुवात करून दिली. दरम्यान, ९ धावांवर असताना वॉर्नरला रहाणेने जीवदान दिले. खेळ थांबला तेव्हा वॉर्नर ५१ चेंडूंत २३, तर रेनशॉ ४७ चेंडूंत १५ धावांवर खेळत होता.
स्कोअरबोर्डः भारत ७१.२ षटकांत १८९ (राहुल ९०, मुकुंद ०, पुजारा १७, कोहली १२, रहाणे १७, नायर २६, अश्विन ७, साहा १, जाडेजा ३, उमेश यादव नाबाद ०, इशांत ०; स्टार्क १५-५-३९-१, ओकीफ २१-५-४०-१, लायन २२.२-४-५०-८) वि. ऑस्ट्रेलिया १६ षटकांत बिनबाद ४० (डेव्हिड वॉर्नर खेळत आहे २३, मॅट रेनशॉ खेळत आहे १५; इशांत शर्मा ५-०-८-०, उमेश यादव ४-१-१६-०, आर. अश्विन ६-०-११-०, रवींद्र जडेजा १-०-५-०).