वृत्तसंस्था, दुबई
भारत आणि ऑस्ट्रेलिया या संघांतील वाद आणि त्या पार्श्वभूमीवर सुरू होत असलेल्या तिसऱ्या कसोटीकडे तमाम क्रिकेटचाहत्यांचे लक्ष लागलेले असताना शशांक मनोहर यांनी अचानक आंतरराष्ट्रीय क्रिकेट परिषदेच्या (आयसीसी) कार्याध्यक्षपदाचा राजीनामा देत सर्वांचे लक्ष वेधून घेतले. वैयक्तिक कारणामुळे आपण आयसीसीचे हे पद सोडत असल्याचे स्पष्टीकरण भारतीय क्रिकेट बोर्डाचे माजी अध्यक्ष मनोहर यांनी दिले आहे.
आयसीसीचे मुख्य कार्यकारी अधिकारी डेव्ह रिचर्डसन यांच्याकडे आपला राजीनामा सादर करताना मनोहर यांनी त्यात या राजीनाम्याचे नेमके कारण मात्र स्पष्ट केलेले नाही.
आयसीसीच्या आगामी बैठकीत प्रस्तावित घटनात्मक आणि आर्थिक सुधारणांना विरोध करण्यात भारतीय क्रिकेट बोर्ड यशस्वी ठरेल, असे संकेत मिळू लागल्यामुळे मनोहर यांनी राजीनामा दिला असावा असे सूत्रांचे म्हणणे आहे. सदर सुधारणांना मंजुरी मिळण्यासाठी दोन तृतियांश पाठिंबा आवश्यक आहे. पण भारताच्या पाठिशी बांगलादेश, श्रीलंका आणि झिम्बाब्वे हे तीन देश असल्यामुळे या सुधारणांना विरोध करणे बीसीसीआयला शक्य होईल आणि त्यामुळे मनोहर यांचे मनसुबे पूर्ण होणार नसल्याने त्यांनी राजीनामा दिल्याचे बोलले जाते.
मनोहर यांनी रिचर्डसन यांना लिहिलेल्या पत्रात म्हटले आहे की, ‘आयसीसीचा स्वतंत्र कार्याध्यक्ष म्हणून माझी बिनविरोध निवड झाली. संचालकांच्या पाठिंब्यासह मी पारदर्शक आणि निष्पक्ष कारभार केला. पण वैयक्तिक कारणांमुळे मला आयसीसीच्या कार्याध्यक्षपदाचा कारभार पाहणे आता शक्य नाही. त्यामुळे मी या पदाचा त्वरित राजीनामा देत आहे. सर्व संचालकांचा मी अत्यंत आभारी आहे. आयसीसीला माझ्या शुभेच्छा आणि त्यांची उत्तरोत्तर प्रगती होत जावो, ही आशा.’
गेल्या वर्षी मे महिन्यात मनोहर यांनी भारतीय क्रिकेट बोर्डाच्या अध्यक्षपदाचा राजीनामा देत आयसीसीचे कार्याध्यक्षपद स्वीकारले होते. लोढा समितीच्या शिफारशींची अंमलबजावणी करण्यासाठी दबाव येत असताना मनोहर यांनी हे पाऊल उचलले होते. त्यामुळे बीसीसीआयची बोट बुडत असताना मनोहर यांनी काढता पाय घेतल्याची प्रतिक्रिया त्यांच्या विरोधकांनी व्यक्त केली होती.
मनोहर यांचा बीसीसीआय विरोध
भारत, ऑस्ट्रेलिया आणि इंग्लंड यांना सर्वाधिक महसूल देणाऱ्या ढाच्यास मनोहर यांचा विरोध होता. महसुलाचा हिस्सा सर्वच कसोटी खेळणाऱ्या देशांना समान मिळावा, अशी मनोहर यांची भूमिका होती. गेल्या महिन्यात झालेल्या यासंदर्भातील बैठीकतही भारताच्या विरोधातच मतदान झाले आणि ७ विरुद्ध २ अशा फरकाने भारत पिछाडीवर पडला. तरीही अंतिम मंजुरीसाठी एप्रिलमध्ये होणाऱ्या बैठकीकडे सर्वांचे लक्ष लागून राहिले आहे. त्याआधीच मनोहर यांनी राजीनामा दिला असल्यामुळे आश्चर्य व्यक्त होत आहे.
नव्या उमेदवाराचा शोध
आयसीसीने मनोहर यांचा राजीनामा स्वीकारला असून परिस्थितीचा आढावा घेऊन पुढील निर्णय घेण्यात येईल, असे म्हटले आहे. आता आयसीसी बोर्डातील कोणताही संचालक कार्याध्यक्ष पदासाठी प्रयत्न करू शकतो. दोन पूर्ण सदस्य संचालकांचा पाठिंबा असलेल्या उमेदवाराला या पदाच्या निवडणुकीला उभे राहता येईल.
भारत आणि ऑस्ट्रेलिया या संघांतील वाद आणि त्या पार्श्वभूमीवर सुरू होत असलेल्या तिसऱ्या कसोटीकडे तमाम क्रिकेटचाहत्यांचे लक्ष लागलेले असताना शशांक मनोहर यांनी अचानक आंतरराष्ट्रीय क्रिकेट परिषदेच्या (आयसीसी) कार्याध्यक्षपदाचा राजीनामा देत सर्वांचे लक्ष वेधून घेतले. वैयक्तिक कारणामुळे आपण आयसीसीचे हे पद सोडत असल्याचे स्पष्टीकरण भारतीय क्रिकेट बोर्डाचे माजी अध्यक्ष मनोहर यांनी दिले आहे.
आयसीसीचे मुख्य कार्यकारी अधिकारी डेव्ह रिचर्डसन यांच्याकडे आपला राजीनामा सादर करताना मनोहर यांनी त्यात या राजीनाम्याचे नेमके कारण मात्र स्पष्ट केलेले नाही.
आयसीसीच्या आगामी बैठकीत प्रस्तावित घटनात्मक आणि आर्थिक सुधारणांना विरोध करण्यात भारतीय क्रिकेट बोर्ड यशस्वी ठरेल, असे संकेत मिळू लागल्यामुळे मनोहर यांनी राजीनामा दिला असावा असे सूत्रांचे म्हणणे आहे. सदर सुधारणांना मंजुरी मिळण्यासाठी दोन तृतियांश पाठिंबा आवश्यक आहे. पण भारताच्या पाठिशी बांगलादेश, श्रीलंका आणि झिम्बाब्वे हे तीन देश असल्यामुळे या सुधारणांना विरोध करणे बीसीसीआयला शक्य होईल आणि त्यामुळे मनोहर यांचे मनसुबे पूर्ण होणार नसल्याने त्यांनी राजीनामा दिल्याचे बोलले जाते.
मनोहर यांनी रिचर्डसन यांना लिहिलेल्या पत्रात म्हटले आहे की, ‘आयसीसीचा स्वतंत्र कार्याध्यक्ष म्हणून माझी बिनविरोध निवड झाली. संचालकांच्या पाठिंब्यासह मी पारदर्शक आणि निष्पक्ष कारभार केला. पण वैयक्तिक कारणांमुळे मला आयसीसीच्या कार्याध्यक्षपदाचा कारभार पाहणे आता शक्य नाही. त्यामुळे मी या पदाचा त्वरित राजीनामा देत आहे. सर्व संचालकांचा मी अत्यंत आभारी आहे. आयसीसीला माझ्या शुभेच्छा आणि त्यांची उत्तरोत्तर प्रगती होत जावो, ही आशा.’
गेल्या वर्षी मे महिन्यात मनोहर यांनी भारतीय क्रिकेट बोर्डाच्या अध्यक्षपदाचा राजीनामा देत आयसीसीचे कार्याध्यक्षपद स्वीकारले होते. लोढा समितीच्या शिफारशींची अंमलबजावणी करण्यासाठी दबाव येत असताना मनोहर यांनी हे पाऊल उचलले होते. त्यामुळे बीसीसीआयची बोट बुडत असताना मनोहर यांनी काढता पाय घेतल्याची प्रतिक्रिया त्यांच्या विरोधकांनी व्यक्त केली होती.
मनोहर यांचा बीसीसीआय विरोध
भारत, ऑस्ट्रेलिया आणि इंग्लंड यांना सर्वाधिक महसूल देणाऱ्या ढाच्यास मनोहर यांचा विरोध होता. महसुलाचा हिस्सा सर्वच कसोटी खेळणाऱ्या देशांना समान मिळावा, अशी मनोहर यांची भूमिका होती. गेल्या महिन्यात झालेल्या यासंदर्भातील बैठीकतही भारताच्या विरोधातच मतदान झाले आणि ७ विरुद्ध २ अशा फरकाने भारत पिछाडीवर पडला. तरीही अंतिम मंजुरीसाठी एप्रिलमध्ये होणाऱ्या बैठकीकडे सर्वांचे लक्ष लागून राहिले आहे. त्याआधीच मनोहर यांनी राजीनामा दिला असल्यामुळे आश्चर्य व्यक्त होत आहे.
नव्या उमेदवाराचा शोध
आयसीसीने मनोहर यांचा राजीनामा स्वीकारला असून परिस्थितीचा आढावा घेऊन पुढील निर्णय घेण्यात येईल, असे म्हटले आहे. आता आयसीसी बोर्डातील कोणताही संचालक कार्याध्यक्ष पदासाठी प्रयत्न करू शकतो. दोन पूर्ण सदस्य संचालकांचा पाठिंबा असलेल्या उमेदवाराला या पदाच्या निवडणुकीला उभे राहता येईल.