म. टा. प्रतिनिधी, औरंगाबाद
औरंगाबाद जिल्हा क्रिकेट संघटनेतर्फे आयोजित १९ वर्षांखालील क्रिकेट स्पर्धेत एमजीएम अकादमी व जाधव इलेव्हन ब या संघांनी विजय मिळविले. रोहित देवरेने सात विकेट्स घेत सामना गाजवला.
एडीसीए मैदानावर ही स्पर्धा होत आहे. एमजीएम अकादमी संघाने ३० षटकात पाच बाद १८८ धावसंख्या उभारली. त्यात सलामीवीर प्रतिक बोडगिरेने १४ चौकार व एक षटकारासह ८४ धावांची खेळी केली. मयूर गावंडेने ५६ धावा फटाकावत त्याला सुरेख साथ दिली. राहुल बहुरेने दोन गडी बाद केले.
जाधव इलेव्हन ब संघ २१व्या षटकात १०९ धावांवर सर्वबाद झाला. संयम गंगवालने सर्वाधिक २२ धावा काढल्या. रोहित देवरेने प्रभावी गोलंदाजी करीत २२ धावांत सात विकेट्स घेत सामना गाजवला.
दुसऱ्या सामन्यात एमजीएम अकादमीने पाटील अकादमीचा १८ धावांनी पराभव केला. यात शशांक जैस्वाल, आकाश पवार, मयूर जंघाळे, रोहित देवरे यांनी लक्षवेधक कामगिरी बजावली.
तिसऱ्या लढतीत जाधव इलेव्हन ब संघाने पाटील अकादमीवर सहा विकेट्स राखून मात केली. यात ह्रषिकेश निकम, अर्जुन कदम, संयम गंगवाल, कमलेश मिसाळ यांनी चांगली कामगिरी बजावली.
संक्षिप्त स्कोअरबोर्ड : १) एमजीएम अकादमी संघ : ३० षटकात पाच बाद १८८ (प्रतिक बोडगिरे ८४, मयूर गावंडे ५६, रोहित देवरे १८, इतर १८, राहुल बहुरे २-९, आशुतोष रावते १-२१) विजयी विरूद्ध जाधव इलेव्हन ब संघ : २०.३ षटकात सर्वबाद १०९ (संयम गंगवाल २२, रवी सिंग १७, अर्जुन कदम ११, इतर ३१, रोहित देवरे ७-२२, ओमकार पातकळ, अक्षय, सौरभ मिरकर प्रत्येकी एक विकेट). सामनावीर - रोहित देवरे.
२) एमजीएम अकादमी : २८.५ षटकात सर्वबाद १४९ (शशांक जैस्वाल ५९, प्रतिक बोडगिरे २४, प्रेम नन्नावरे २२, सौरभ मिरकर १५, इतर १९, आकाश पवार ३-२७, शशांक विश्वकर्मा २-१५, सुशील गणोरकर २-२०) विजयी विरूद्ध पाटील अकादमी : २२.१ षटकात सर्वबाद १३१ (रवी पाटील २७, रणजित मगर २६, वरूण थोरात १८, आकाश पवार १२, इतर १९, मयूर जंघाळे ३-२०, रोहित देवरे ३-५३, आकाश जंजाळ २-१३). सामनावीर - शशांक जैस्वाल.
३) पाटील अकादमी : १८.५ षटकात सर्वबाद ९३ (ह्रषिकेश निकम ३१, इतर १६, संयम गंगवाल ४-१४, कमलेश मिसाळ ३-६) पराभूत विरूद्ध जाधव इलेव्हन ब संघ : ९.२ षटकात चार बाद ९७ (अर्जुन कदम नाबाद २४, आनंद डक १६, संयम गंगवाल २०, उमेश वनारसे नाबाद १३, इतर २३, ह्रषिकेश २-२६, गणेश सोनवणे २-५०). सामनावीर - संयम गंगवाल.