एमजीएम, साई युथ अकादमी विजयी

म. टा. प्रतिनिधी, औरंगाबाद

औरंगाबाद जिल्हा क्रिकेट संघटनेतर्फे आयोजित प्रोटॉन करंडक टी-२० क्रिकेट स्पर्धेत एमजीएम अ संघ आणि साई युथ अकादमी या संघांनी दणदणीत विजयासह आगेकूच कायम ठेवली.

एडीसीए मैदानावर ही स्पर्धा होत आहे. पहिल्या लढतीत एमजीएम अ संघाने रायझिंग इलेव्हनचा पाच विकेट्स राखून पराभव केला. यात प्रतिक बोधगिरे, आदर्श शुक्ला, शुभम दुग्गड, मयूर जंघाळे, सौरभ भारती यांची कामगिरी लक्षवेधक ठरली.

दुसऱ्या सामन्यात साई युथ अकादमीने विनर्स अकादमी संघावर पाच विकेट्स राखून विजय नोंदवला. यात जोगिंदर तुसमकर, विश्वजित राजपूत, सचिन लव्हेरा, ऋषिकेश सपकाळ, रामेश्वर मतसागर, हिमांशू मुकींद, बासित अली खान, बाळू हिवाळे यांनी उत्कृष्ट कामगिरी नोंदवली.

संक्षिप्त स्कोअरबोर्ड : १) रायझिंग इलेव्हन : २० षटकात सर्वबाद १०४ (आदर्श शुक्ला ३३, आकाश पवार नाबाद २१, सचिन हातोळे १७, इतर १९, शुभम दुग्गड, आनंद बकाल २-१३, मयूर जंघाळे २-१३, सचिन पाटील, हिंदुराव देशमुख प्रत्येकी एक विकेट) पराभूत विरुद्ध एमजीएम अ संघ : १६.४ षटकात पाच बाद १०७ (प्रतिक बोधगिरे ५२, मयूर गावंडे १५, इतर १८, सौरभ भारती २-१०, आकाश पवार, सुशील गणोरकर, शुभम तांदुळजे प्रत्येकी एक विकेट). सामनावीर : प्रतिक बोधगिरे.

२) विनर्स अकादमी : २० षटकात नऊ बाद १६२ (जोगिंदर तुसमकर ४३, विश्वजित राजपूत ३९, सचिन लव्हेरा २८, हरमितसिंग रागी १४, बासित अली खान १३, इतर १५, बालू हिवाळे ३-१४, रामेश्वर मतसागर ३-३३, धीरज बहुरे, शाहरुख शेख प्रत्येकी एक विकेट) पराभूत विरुद्ध साई युथ अकादमी : १९.४ षटकात पाच बाद १६६ (ऋषिकेश सपकाळ ५९, रामेश्वर मतसागर नाबाद ३६, संतोष भारती ३०, बाळू हिवाळे १२, इतर १२, हिमांशू मुकींद २-३३, बासित अली खान २-२८, करण लव्हेरा १-२७). सामनावीर : रामेश्वर मतसागर.