मटा ऑनलाइन वृत्त । लंडन
देशातील महिला व पुरुष क्रिकेटपटूंमध्ये होणाऱ्या भेदभावाबद्दल भारतीय महिला क्रिकेट संघाची कर्णधार मिताली राज हिनं तीव्र नाराजी व्यक्त केली आहे. 'महिला क्रिकेटपटूंना पुरुष क्रिकेटपटूंबद्दल प्रश्न विचारणारे कधी पुरुष क्रिकेटपटूंना महिला क्रिकेटपटूबद्दल, त्यांच्या खेळाबद्दल मत विचारतात का,' असा रोकडा सवाल तिनं केला आहे.
इंग्लंडमध्ये उद्यापासून महिला विश्वचषक क्रिकेट स्पर्धा सुरू होत असून यजमान इंग्लंड व भारतामध्ये पहिला सामना रंगणार आहे. या सामन्याआधीच भारताची कर्णधार मिताली राज हिच्या वक्तव्यावरून चर्चा सुरू झाली आहे. त्याला निमित्त ठरलं आहे तिला विचारला गेलेला एक प्रश्न! 'तुम्हाला कोणता पुरुष क्रिकेटपटू आवडतो, असा प्रश्न तिला एका पत्रकारानं विचारला. सतत विचारल्या जाणाऱ्या या प्रश्नाबद्दल मितालीनं संताप व्यक्त केला.
'तुम्ही पुरुष क्रिकेटपटूंनाही असा प्रश्न विचाराल का? त्यांना कोणती महिला क्रिकेटपटू आवडते? असं तुम्ही त्यांना कधी विचारलंत का' असा प्रतिप्रश्न तिनं केला. आम्हाला असे प्रश्न नेहमीच विचारले जातात. खरंतर, हा प्रश्न पुरूषांना विचारला गेला पाहिजे' असं ती म्हणाली. 'महिला आणि पुरूष क्रिकेटपटूंची तुलना करणं योग्य नाही. भारतात पुरुषांच्या तुलनेत महिला क्रिकेटपटूंना खूपच कमी प्रसिद्धी मिळते,' अशी खंतही तिनं व्यक्त केली.
महिला क्रिकेटपटूंना प्रोत्साहन देण्याच्या बीसीसीआयच्या निर्णयाचं तिनं कौतुक केलं. घरच्या मैदानावर खेळवण्यात आलेल्या मागील दोन मालिकांचे टीव्हीवर प्रक्षेपण करण्यात आल्यामुळं बराच फायदा झाला,' असंही ती म्हणाली.
देशातील महिला व पुरुष क्रिकेटपटूंमध्ये होणाऱ्या भेदभावाबद्दल भारतीय महिला क्रिकेट संघाची कर्णधार मिताली राज हिनं तीव्र नाराजी व्यक्त केली आहे. 'महिला क्रिकेटपटूंना पुरुष क्रिकेटपटूंबद्दल प्रश्न विचारणारे कधी पुरुष क्रिकेटपटूंना महिला क्रिकेटपटूबद्दल, त्यांच्या खेळाबद्दल मत विचारतात का,' असा रोकडा सवाल तिनं केला आहे.
इंग्लंडमध्ये उद्यापासून महिला विश्वचषक क्रिकेट स्पर्धा सुरू होत असून यजमान इंग्लंड व भारतामध्ये पहिला सामना रंगणार आहे. या सामन्याआधीच भारताची कर्णधार मिताली राज हिच्या वक्तव्यावरून चर्चा सुरू झाली आहे. त्याला निमित्त ठरलं आहे तिला विचारला गेलेला एक प्रश्न! 'तुम्हाला कोणता पुरुष क्रिकेटपटू आवडतो, असा प्रश्न तिला एका पत्रकारानं विचारला. सतत विचारल्या जाणाऱ्या या प्रश्नाबद्दल मितालीनं संताप व्यक्त केला.
'तुम्ही पुरुष क्रिकेटपटूंनाही असा प्रश्न विचाराल का? त्यांना कोणती महिला क्रिकेटपटू आवडते? असं तुम्ही त्यांना कधी विचारलंत का' असा प्रतिप्रश्न तिनं केला. आम्हाला असे प्रश्न नेहमीच विचारले जातात. खरंतर, हा प्रश्न पुरूषांना विचारला गेला पाहिजे' असं ती म्हणाली. 'महिला आणि पुरूष क्रिकेटपटूंची तुलना करणं योग्य नाही. भारतात पुरुषांच्या तुलनेत महिला क्रिकेटपटूंना खूपच कमी प्रसिद्धी मिळते,' अशी खंतही तिनं व्यक्त केली.
महिला क्रिकेटपटूंना प्रोत्साहन देण्याच्या बीसीसीआयच्या निर्णयाचं तिनं कौतुक केलं. घरच्या मैदानावर खेळवण्यात आलेल्या मागील दोन मालिकांचे टीव्हीवर प्रक्षेपण करण्यात आल्यामुळं बराच फायदा झाला,' असंही ती म्हणाली.