मध्य प्रदेशची मुंबईवर मात

चेन्नई : चंद्रकांत साकुरेने २५ धावांत घेतलेल्या ५ बळींमुळे मध्य प्रदेशने विजय हजारे वनडे क्रिकेट स्पर्धेच्या क गटात मुंबईवर ८० धावांनी मात केली. मुंबईने प्रथम गोलंदाजी करताना मध्य प्रदेशला २१४ धावांवर रोखले पण मुंबईचा डाव १३४ धावांतच आटोपला.

मध्य प्रदेशच्या अंकित दाणे (४६) व सोहराब धालीवाल (५१) यांनी संघाला दोनशेचा टप्पा ओलांडून दिला. मुंबईकडून शार्दूल ठाकूरने ३ बळी घेतले. मुंबईची फलंदाजी मात्र निराशाजनक ठरली. अभिषेक नायरने २४ धावांची सर्वोच्च खेळी केली. स्कोअरबोर्ड : मध्य प्रदेश २१४ (सोहराब धालीवाल ५१, अंकित दाणे ४६, शार्दूल ठाकूर ३-२७) वि. वि. मुंबई १३४ (अभिषेक नायर २४, चंद्रकांत साकुरे ५-२५, सारांश जैन ३-३०).