कार्डिफ :
महेंद्रसिंग धोनी आज आपल्या कारकीर्दीतील ५००वा आंतरराष्ट्रीय सामना खेळत असून मास्टर ब्लास्टर सचिन तेंडुलकर आणि राहुल द्रविडनंतर ५०० आंतरराष्ट्रीय सामने खेळणारा तो तिसरा भारतीय क्रिकेटपटू ठरला आहे.
७ जुलै म्हणजेच उद्या धोनीचा ३७वा वाढदिवस असून वाढदिवसाच्या आदल्याच दिवशी त्याने ५०० सामन्यांचे शिखर सर करून आणखी एक मैलाचा दगड पार केला आहे. इंग्लंडविरुद्ध टी-२० मालिकेतील दुसरा सामना कार्डिफ येथे सुरू आहे. हा सामना धोनीच्या कारकीर्दीतील ५००वा सामना ठरला.
भारताकडून याआधी सर्वाधिक ६६४ आंतरराष्ट्रीय सामने सचिन तेंडुलकर खेळला आहे. त्यात ४६३ वनडे, २०० कसोटी आणि एका टी-२० सामन्याचा समावेश आहे. त्याखालोखाल ५०९ सामने राहुल द्रविडच्या नावावर असून या यादीत आता धोनीचे नाव जोडले गेले आहे. जागतिक क्रिकेटचा विचार केल्यास महेला जयवर्धने, कुमार संगकारा, सनथ जयसूर्या, रिकी पाँटिंग, शाहिद आफ्रिदी, जॅक कॅलिस यांनी ५००पेक्षा अधिक सामने खेळले आहेत.
दरम्यान, ५०० सामन्यांचा टप्पा गाठणाऱ्या धोनीचे आंतरराष्ट्रीय क्रिकेट परिषदेने ट्विटरच्या माध्यमातून अभिनंदन केले आहे.
महेंद्रसिंग धोनी आज आपल्या कारकीर्दीतील ५००वा आंतरराष्ट्रीय सामना खेळत असून मास्टर ब्लास्टर सचिन तेंडुलकर आणि राहुल द्रविडनंतर ५०० आंतरराष्ट्रीय सामने खेळणारा तो तिसरा भारतीय क्रिकेटपटू ठरला आहे.
७ जुलै म्हणजेच उद्या धोनीचा ३७वा वाढदिवस असून वाढदिवसाच्या आदल्याच दिवशी त्याने ५०० सामन्यांचे शिखर सर करून आणखी एक मैलाचा दगड पार केला आहे. इंग्लंडविरुद्ध टी-२० मालिकेतील दुसरा सामना कार्डिफ येथे सुरू आहे. हा सामना धोनीच्या कारकीर्दीतील ५००वा सामना ठरला.
भारताकडून याआधी सर्वाधिक ६६४ आंतरराष्ट्रीय सामने सचिन तेंडुलकर खेळला आहे. त्यात ४६३ वनडे, २०० कसोटी आणि एका टी-२० सामन्याचा समावेश आहे. त्याखालोखाल ५०९ सामने राहुल द्रविडच्या नावावर असून या यादीत आता धोनीचे नाव जोडले गेले आहे. जागतिक क्रिकेटचा विचार केल्यास महेला जयवर्धने, कुमार संगकारा, सनथ जयसूर्या, रिकी पाँटिंग, शाहिद आफ्रिदी, जॅक कॅलिस यांनी ५००पेक्षा अधिक सामने खेळले आहेत.
दरम्यान, ५०० सामन्यांचा टप्पा गाठणाऱ्या धोनीचे आंतरराष्ट्रीय क्रिकेट परिषदेने ट्विटरच्या माध्यमातून अभिनंदन केले आहे.