नवी दिल्ली
'कॅप्टन कूल' धोनीच्या नावावर आजवर अनेक विक्रमांची नोंद आहे. पण तो अनेक विक्रमांचा साक्षीदार देखील राहीला आहे. युवराज सिंगने लगावलेले ६ षटकार, सचिनचं पहिलंवहिलं वनडे द्विशतक, रोहित शर्माचं वनडे द्विशतक आणि विराट कोहलीच्या १० हजार धावा पूर्ण झाल्याचा क्षण, या सर्व महत्त्वपूर्ण क्षणांमागे एक धोनी 'कनेक्शन' आहे. कसं? तर हे विक्रम रचले गेले तेव्हा दुसऱ्या बाजूला (नॉनस्ट्राइक एंड) फलंदाजीसाठी धोनी मैदानात उपस्थित होता. युवराज, विराट, सचिन आणि रोहित या सहकाऱ्यांनी जेव्हा हे विक्रम रचले तेव्हा त्यांना शुभेच्छा देताना धोनी मैदानात होता हा अनोखा योगायोग.
विराटच्या १० हजार धावा
भारतीय संघाचा कर्णधार विराट कोहलीने बुधवारी वेस्ट इंडिजविरुद्धच्या वनडेत शतकी कामगिरी केली. यावेळी कोहलीने वनडे सामन्यांत १० हजार धावांचा टप्पा पूर्ण केला. कोहलीच्या करिअरमधील या महत्त्वाच्या क्षणी धोनी मैदानात त्याचा सहकारी खेळाडू म्हणून नॉन स्ट्राईक एंडला उपस्थित होता.
युवीचे ६ षटकार
भारताचा अष्टपैलू खेळाडू युवराज सिंगने २००७ सालच्या टी-२० विश्वचषकात इंग्लंडविरुद्धच्या सामन्यात एकाच षटकात ६ खणखणीत षटकार ठोकण्याचा पराक्रम केला होता. त्यावेळीही धोनी युवराजच्या साथीला फलंदाजी करत होता.
सचिनचं वनडे द्विशतक
वनडे क्रिकेटमध्ये पहिलं द्विशतक ठोकण्याचा विक्रम मास्टरब्लास्टर सचिन तेंडुलकरच्या नावावर आहे. सचिनने २४ फेब्रुवारी २०१० साली दक्षिण आफ्रिका विरुद्धच्या सामन्यात नाबाद २०० धावांची अफलातून खेळी साकारली होती. सचिनचं द्विशतक पूर्ण झालं त्यावेळी देखील धोनीच मैदानात उपस्थित होता.
रोहित शर्माचं पहिलं द्विशतक२ नोव्हेंबर २०१३ साली ऑस्ट्रेलियाविरुद्ध रोहित शर्माने खणखणीत द्विशतक (२०९) ठोकलं होतं. यावेळीही धोनी रोहित शर्मासोबत मैदानात खेळत होता.
'कॅप्टन कूल' धोनीच्या नावावर आजवर अनेक विक्रमांची नोंद आहे. पण तो अनेक विक्रमांचा साक्षीदार देखील राहीला आहे. युवराज सिंगने लगावलेले ६ षटकार, सचिनचं पहिलंवहिलं वनडे द्विशतक, रोहित शर्माचं वनडे द्विशतक आणि विराट कोहलीच्या १० हजार धावा पूर्ण झाल्याचा क्षण, या सर्व महत्त्वपूर्ण क्षणांमागे एक धोनी 'कनेक्शन' आहे. कसं? तर हे विक्रम रचले गेले तेव्हा दुसऱ्या बाजूला (नॉनस्ट्राइक एंड) फलंदाजीसाठी धोनी मैदानात उपस्थित होता. युवराज, विराट, सचिन आणि रोहित या सहकाऱ्यांनी जेव्हा हे विक्रम रचले तेव्हा त्यांना शुभेच्छा देताना धोनी मैदानात होता हा अनोखा योगायोग.
विराटच्या १० हजार धावा
भारतीय संघाचा कर्णधार विराट कोहलीने बुधवारी वेस्ट इंडिजविरुद्धच्या वनडेत शतकी कामगिरी केली. यावेळी कोहलीने वनडे सामन्यांत १० हजार धावांचा टप्पा पूर्ण केला. कोहलीच्या करिअरमधील या महत्त्वाच्या क्षणी धोनी मैदानात त्याचा सहकारी खेळाडू म्हणून नॉन स्ट्राईक एंडला उपस्थित होता.
युवीचे ६ षटकार
भारताचा अष्टपैलू खेळाडू युवराज सिंगने २००७ सालच्या टी-२० विश्वचषकात इंग्लंडविरुद्धच्या सामन्यात एकाच षटकात ६ खणखणीत षटकार ठोकण्याचा पराक्रम केला होता. त्यावेळीही धोनी युवराजच्या साथीला फलंदाजी करत होता.
सचिनचं वनडे द्विशतक
वनडे क्रिकेटमध्ये पहिलं द्विशतक ठोकण्याचा विक्रम मास्टरब्लास्टर सचिन तेंडुलकरच्या नावावर आहे. सचिनने २४ फेब्रुवारी २०१० साली दक्षिण आफ्रिका विरुद्धच्या सामन्यात नाबाद २०० धावांची अफलातून खेळी साकारली होती. सचिनचं द्विशतक पूर्ण झालं त्यावेळी देखील धोनीच मैदानात उपस्थित होता.
रोहित शर्माचं पहिलं द्विशतक२ नोव्हेंबर २०१३ साली ऑस्ट्रेलियाविरुद्ध रोहित शर्माने खणखणीत द्विशतक (२०९) ठोकलं होतं. यावेळीही धोनी रोहित शर्मासोबत मैदानात खेळत होता.