नवी दिल्ली :
भारतीय क्रिकेट संघाचा माजी कर्णधार महेंद्रसिंग धोनीला आज राष्ट्रपती रामनाथ कोविंद यांच्याहस्ते पद्मभूषण पुरस्काराने सन्मानित करण्यात आले. लेफ्टनंट कर्नल हे मानद पद भूषवणाऱ्या धोनीने लष्कराच्या गणवेषात हा सन्मान स्वीकारला.
विशेष म्हणजे सात वर्षांपूर्वी २०११ मध्ये २ एप्रिल रोजीच धोनीच्या नेतृत्वाखालील टीम इंडियाने श्रीलंकेचा पराभव करून क्रिकेट वर्ल्डकप जिंकला होता. त्यामुळे आजच्या दिवशी झालेला सन्मान धोनीचा आनंद द्विगुणित करणारा ठरला.
पद्मभूषण हा भारताचा तिसरा सर्वोच्च सन्मान असून धोनीच्याआधी १० क्रिकेटपटूंना या पुरस्काराने सन्मानित करण्यात आलेले आहे. त्यात सचिन तेंडुलकर, कपिल देव, सुनील गावस्कर, राहुल द्रविड, चंदू बोर्डे, डी. बी. देवधर, सी. के. नायडू, आणि लाला अमरनाथ या क्रिकेटपटूंचा समावेश आहे.
दरम्यान, धोनीसह बिलियर्ड्सपटू पंकज अडवाणीलाही आज पद्मभूषण पुरस्काराने गौरवण्यात आले.
भारतीय क्रिकेट संघाचा माजी कर्णधार महेंद्रसिंग धोनीला आज राष्ट्रपती रामनाथ कोविंद यांच्याहस्ते पद्मभूषण पुरस्काराने सन्मानित करण्यात आले. लेफ्टनंट कर्नल हे मानद पद भूषवणाऱ्या धोनीने लष्कराच्या गणवेषात हा सन्मान स्वीकारला.
विशेष म्हणजे सात वर्षांपूर्वी २०११ मध्ये २ एप्रिल रोजीच धोनीच्या नेतृत्वाखालील टीम इंडियाने श्रीलंकेचा पराभव करून क्रिकेट वर्ल्डकप जिंकला होता. त्यामुळे आजच्या दिवशी झालेला सन्मान धोनीचा आनंद द्विगुणित करणारा ठरला.
पद्मभूषण हा भारताचा तिसरा सर्वोच्च सन्मान असून धोनीच्याआधी १० क्रिकेटपटूंना या पुरस्काराने सन्मानित करण्यात आलेले आहे. त्यात सचिन तेंडुलकर, कपिल देव, सुनील गावस्कर, राहुल द्रविड, चंदू बोर्डे, डी. बी. देवधर, सी. के. नायडू, आणि लाला अमरनाथ या क्रिकेटपटूंचा समावेश आहे.
दरम्यान, धोनीसह बिलियर्ड्सपटू पंकज अडवाणीलाही आज पद्मभूषण पुरस्काराने गौरवण्यात आले.