म. टा. क्रीडा प्रतिनिधी, मुंबई
न्यूझीलंड क्रिकेट संघ यंदा सप्टेंबर-ऑक्टोबर महिन्यात पाच आठवड्यांच्या भारत दौऱ्यावर येत आहे. या दौऱ्यावर उभय संघांमध्ये तीन कसोटी व पाच वनडेंचे आयोजन होते आहे. कानपूर येथे २२ सप्टेंबरपासून सुरू होत असलेल्या कसोटी क्रिकेट सामन्याने या दौऱ्याला सुरुवात होईल. बीसीसीआयने मंगळवारी या दौऱ्याचे वेळापत्रक प्रसिद्ध केले.
या दौऱ्याच्या निमित्ताने तब्बल सात वर्षांनी कानपूरच्या ग्रीन पार्क स्टेडियमवर कसोटी सामना खेळवण्यात येणार आहे. कसोटी मालिकेतील दुसरा सामना कोलकात्याला, तर तिसरा सामना इंदूरला होणार आहे. तथापि, या मालिकेत विद्युतझोतातील (डे-नाइट) सामना होणार आहे का, याविषयी बीसीसीआयने अद्याप स्पष्टीकरण दिलेले नाही. मागील आठवड्यात गुलाबी चेंडूचा वापर करत विद्युतझोतातील (डे-नाइट) सामना खेळवण्यात आला होता. या सामन्याविषयी खेळाडूंची मते लक्षात घेतल्यानंतरच न्यूझीलंडविरुद्धच्या विद्युतझोतातील सामन्याबाबत निर्णय घेण्यात येईल. इंदूर येथे प्रथमच आंतरराष्ट्रीय कसोटी सामना होणार आहे. या कसोटी मालिकेनंतर १६ ते २९ ऑक्टोबरदरम्यान पाच वनडेंची मालिकाही होणार आहे.
यंदाच्या मोसमात भारतीय संघाचे मायदेशातील क्रिकेट वेळापत्रक भरगच्च असून, न्यूझीलंडव्यतिरिक्त भारतीय संघ इंग्लंडविरुद्ध पाच, ऑस्ट्रेलियाविरुद्ध चार आणि बांगलादेशविरुद्ध एक कसोटी सामना खेळणार आहे.
भारत-न्यूझीलंड कसोटी मालिका
२२ ते २६ सप्टेंबर, पहिली कसोटी, कानपूर
३० सप्टें. ते ४ ऑक्टोबर, दुसरी कसोटी, कोलकाता
८ ते १२ ऑक्टोबर, तिसरी कसोटी, इंदूर
भारत-न्यूझीलंड वनडे मालिका
१६ ऑक्टोबर - पहिला सामना, धरमशाला
१९ ऑक्टोबर - दुसरा सामना, दिल्ली
२३ ऑक्टोबर - तिसरा सामना, मोहाली
२६ ऑक्टोबर - चौथा सामना, रांची
२९ ऑक्टोबर - पाचवा सामना, विशाखापट्टणम
न्यूझीलंड क्रिकेट संघ यंदा सप्टेंबर-ऑक्टोबर महिन्यात पाच आठवड्यांच्या भारत दौऱ्यावर येत आहे. या दौऱ्यावर उभय संघांमध्ये तीन कसोटी व पाच वनडेंचे आयोजन होते आहे. कानपूर येथे २२ सप्टेंबरपासून सुरू होत असलेल्या कसोटी क्रिकेट सामन्याने या दौऱ्याला सुरुवात होईल. बीसीसीआयने मंगळवारी या दौऱ्याचे वेळापत्रक प्रसिद्ध केले.
या दौऱ्याच्या निमित्ताने तब्बल सात वर्षांनी कानपूरच्या ग्रीन पार्क स्टेडियमवर कसोटी सामना खेळवण्यात येणार आहे. कसोटी मालिकेतील दुसरा सामना कोलकात्याला, तर तिसरा सामना इंदूरला होणार आहे. तथापि, या मालिकेत विद्युतझोतातील (डे-नाइट) सामना होणार आहे का, याविषयी बीसीसीआयने अद्याप स्पष्टीकरण दिलेले नाही. मागील आठवड्यात गुलाबी चेंडूचा वापर करत विद्युतझोतातील (डे-नाइट) सामना खेळवण्यात आला होता. या सामन्याविषयी खेळाडूंची मते लक्षात घेतल्यानंतरच न्यूझीलंडविरुद्धच्या विद्युतझोतातील सामन्याबाबत निर्णय घेण्यात येईल. इंदूर येथे प्रथमच आंतरराष्ट्रीय कसोटी सामना होणार आहे. या कसोटी मालिकेनंतर १६ ते २९ ऑक्टोबरदरम्यान पाच वनडेंची मालिकाही होणार आहे.
यंदाच्या मोसमात भारतीय संघाचे मायदेशातील क्रिकेट वेळापत्रक भरगच्च असून, न्यूझीलंडव्यतिरिक्त भारतीय संघ इंग्लंडविरुद्ध पाच, ऑस्ट्रेलियाविरुद्ध चार आणि बांगलादेशविरुद्ध एक कसोटी सामना खेळणार आहे.
भारत-न्यूझीलंड कसोटी मालिका
२२ ते २६ सप्टेंबर, पहिली कसोटी, कानपूर
३० सप्टें. ते ४ ऑक्टोबर, दुसरी कसोटी, कोलकाता
८ ते १२ ऑक्टोबर, तिसरी कसोटी, इंदूर
भारत-न्यूझीलंड वनडे मालिका
१६ ऑक्टोबर - पहिला सामना, धरमशाला
१९ ऑक्टोबर - दुसरा सामना, दिल्ली
२३ ऑक्टोबर - तिसरा सामना, मोहाली
२६ ऑक्टोबर - चौथा सामना, रांची
२९ ऑक्टोबर - पाचवा सामना, विशाखापट्टणम