म. टा. क्रीडा प्रतिनिधी, मुंबई
भारताविरुद्धच्या मर्यादित षटकांच्या मालिकेपूर्वी न्यूझीलंड संघ मंगळवारी अध्यक्षीय संघाविरुद्ध पहिला सराव सामना खेळणार आहे. दौऱ्यावर आलेला प्रत्येक पाहुणा संघ सहसा सराव सामने खेळतोच, तसे किवीजही खेळत आहेत; पण या सामन्यातून आपण फिरकी गोलंदाजांच्या आव्हानासाठी किती तयार आहोत, याची कल्पनाही पाहुण्या न्यूझीलंडला येईल. मालिकेपूर्वीचे दोन्ही सराव सामने न्यूझीलंडच्या दृष्टीने महत्त्वाचे आहेत.
केन विल्यमसनच्या नेतृत्वाखालील भारतात दाखल झाल्यानंतर न्यूझीलंडने काही सराव सत्रांत भाग घेतला.
या मालिकेत विल्यमसनसह, रॉस टेलर, मार्टिन गप्टील या अनुभवी खेळाडूंकडून अधिक अपेक्षा आहेत. भारतातील वातावरणाशी जुळवून घेण्यासाठी या खेळाडूंना तसा पुरेसा वेळ मिळालेला आहे. न्यूझीलंड संघ ज्या अध्यक्षीय संघाविरुद्ध पहिला सराव सामना खेळणार आहे, त्याचे नेतृत्व मुंबईचा फलंदाज श्रेयस अय्यरकडे सोपविण्यात आले आहे. श्रेयस अय्यर तसा चांगल्या फॉर्मात आहे. या सराव सामन्यात श्रेयस व्यतिरिक्त करुण नायर, ऋषभ पंत, पृथ्वी शॉ यांना आपली छाप पाडण्याची संधी आहे. धवल कुलकर्णी, जयदेव उनाडकट या गोलंदाजांकडून अपेक्षा आहे. न्यूझीलंडला शाहबाझ नदीम आणि राहुल चहार या फिरकी गोलंदाजांचा सामना करण्याची संधी मिळेल.
या सराव सामन्यासाठी फलंदाजीस अनुकूल अशी खेळपट्टी तयार करण्यात आली आहे. तेव्हा न्यूझीलंडचे प्रशिक्षक माइक हेन्सन यांना टॉम लॅथम-गप्टीलकडून मोठ्या सलामीची अपेक्षा असेल. न्यूझीलंडचा कर्णधार विल्यमसन म्हणाला, की दोन्ही सराव सामने आमच्यासाठी तितकेच महत्त्वाचे आहेत. पहिल्या वन-डे लढतीपूर्वी आमचा चांगला सराव होईल, अशी आशा आहे. मिचेल सँटनर, कॉलिन मुन्रो, हेन्री निकोल्स, जॉर्ज वॉकर यासारखे चांगले खेळाडू न्यूझीलंड संघात आहे. तेव्हा अध्यक्षीय संघालाही न्यूझीलंडविरुद्ध खेळून चांगला अनुभव मिळणार आहे.
-पावसाचे सावट
मागील काही दिवसांपासून मुंबईत पाऊस होत आहे. खास करून संध्याकाळी. याचा परिणाम सराव सामन्यावर होऊ शकतो. पावसामुळे आउटफिल्ड ओले झाले तर लढत सुरू व्हायला वेळ लागेल.
संघ : न्यूझीलंड : केन विल्यमसन (कर्णधार), टॉड अॅस्टले, ट्रेंट बोल्ट, कॉलिन डीग्रँडहोम, मार्टिन गप्टील, मॅट हेन्री, टॉम लॅथम, हेन्री निकोल्स, अॅडम मिल्ने, कॉलिन मुन्रो, ग्लेन फिलिप्स, मिचेल सँटनर, टिम साउदी, रॉस टेलर, जॉर्ज वॉकर.
अध्यक्षीय संघ : श्रेयस अय्यर (कर्णधार), पृथ्वी शॉ, शिवम चौधरी, करुण नायर, गुरकीरत मान, मिलिंदकुमार, ऋषभ पंत, शाहबाझ नदीम, दीपक चहार, धवल कुलकर्णी, जयदेव उनाडकट, आवेश खान.
भारताविरुद्धच्या मर्यादित षटकांच्या मालिकेपूर्वी न्यूझीलंड संघ मंगळवारी अध्यक्षीय संघाविरुद्ध पहिला सराव सामना खेळणार आहे. दौऱ्यावर आलेला प्रत्येक पाहुणा संघ सहसा सराव सामने खेळतोच, तसे किवीजही खेळत आहेत; पण या सामन्यातून आपण फिरकी गोलंदाजांच्या आव्हानासाठी किती तयार आहोत, याची कल्पनाही पाहुण्या न्यूझीलंडला येईल. मालिकेपूर्वीचे दोन्ही सराव सामने न्यूझीलंडच्या दृष्टीने महत्त्वाचे आहेत.
केन विल्यमसनच्या नेतृत्वाखालील भारतात दाखल झाल्यानंतर न्यूझीलंडने काही सराव सत्रांत भाग घेतला.
या मालिकेत विल्यमसनसह, रॉस टेलर, मार्टिन गप्टील या अनुभवी खेळाडूंकडून अधिक अपेक्षा आहेत. भारतातील वातावरणाशी जुळवून घेण्यासाठी या खेळाडूंना तसा पुरेसा वेळ मिळालेला आहे. न्यूझीलंड संघ ज्या अध्यक्षीय संघाविरुद्ध पहिला सराव सामना खेळणार आहे, त्याचे नेतृत्व मुंबईचा फलंदाज श्रेयस अय्यरकडे सोपविण्यात आले आहे. श्रेयस अय्यर तसा चांगल्या फॉर्मात आहे. या सराव सामन्यात श्रेयस व्यतिरिक्त करुण नायर, ऋषभ पंत, पृथ्वी शॉ यांना आपली छाप पाडण्याची संधी आहे. धवल कुलकर्णी, जयदेव उनाडकट या गोलंदाजांकडून अपेक्षा आहे. न्यूझीलंडला शाहबाझ नदीम आणि राहुल चहार या फिरकी गोलंदाजांचा सामना करण्याची संधी मिळेल.
या सराव सामन्यासाठी फलंदाजीस अनुकूल अशी खेळपट्टी तयार करण्यात आली आहे. तेव्हा न्यूझीलंडचे प्रशिक्षक माइक हेन्सन यांना टॉम लॅथम-गप्टीलकडून मोठ्या सलामीची अपेक्षा असेल. न्यूझीलंडचा कर्णधार विल्यमसन म्हणाला, की दोन्ही सराव सामने आमच्यासाठी तितकेच महत्त्वाचे आहेत. पहिल्या वन-डे लढतीपूर्वी आमचा चांगला सराव होईल, अशी आशा आहे. मिचेल सँटनर, कॉलिन मुन्रो, हेन्री निकोल्स, जॉर्ज वॉकर यासारखे चांगले खेळाडू न्यूझीलंड संघात आहे. तेव्हा अध्यक्षीय संघालाही न्यूझीलंडविरुद्ध खेळून चांगला अनुभव मिळणार आहे.
-पावसाचे सावट
मागील काही दिवसांपासून मुंबईत पाऊस होत आहे. खास करून संध्याकाळी. याचा परिणाम सराव सामन्यावर होऊ शकतो. पावसामुळे आउटफिल्ड ओले झाले तर लढत सुरू व्हायला वेळ लागेल.
संघ : न्यूझीलंड : केन विल्यमसन (कर्णधार), टॉड अॅस्टले, ट्रेंट बोल्ट, कॉलिन डीग्रँडहोम, मार्टिन गप्टील, मॅट हेन्री, टॉम लॅथम, हेन्री निकोल्स, अॅडम मिल्ने, कॉलिन मुन्रो, ग्लेन फिलिप्स, मिचेल सँटनर, टिम साउदी, रॉस टेलर, जॉर्ज वॉकर.
अध्यक्षीय संघ : श्रेयस अय्यर (कर्णधार), पृथ्वी शॉ, शिवम चौधरी, करुण नायर, गुरकीरत मान, मिलिंदकुमार, ऋषभ पंत, शाहबाझ नदीम, दीपक चहार, धवल कुलकर्णी, जयदेव उनाडकट, आवेश खान.