वेलिंग्टन : भारतीय क्रिकेट संघ पुढील वर्षाची सुरुवात न्यूझीलंडच्या दौऱ्याने करणार असून या दौऱ्यात भारत पाच वनडे आणि तीन टी-२० सामने खेळणार आहे. २३ जानेवारीपासून या दौऱ्याची सुरुवात होईल. न्यूझीलंड क्रिकेट संघटनेने मंगळवारी भारतीय संघाच्या दौऱ्याचा कार्यक्रम जाहीर केला. या सामन्यांचे थेट प्रक्षेपण स्टार स्पोर्ट्स वाहिनीवर होणार आहे. भारतीय पुरुष संघाप्रमाणेच महिला संघही पुढील वर्षी जानेवारी महिन्यात न्यूझीलंडच्या दौऱ्यावर जाणार आहे. भारत व न्यूझीलंड महिला संघांमध्ये तीन वनडे आणि तीन टी-२० सामन्यांच्या मालिका रंगणार आहेत.
भारताच्या न्यूझीलंड दौऱ्याचे वेळापत्रक
वनडे मालिका
पहिली वनडे- २३ जानेवारी, २०१९, नॅपियर
दुसरी वनडे- २६ जानेवारी, २०१९, माउंट मॉनगॅनुई
तिसरी वनडे- २८ जानेवारी, २०१९, माउंट मॉनगॅनुई
चौथी वनडे- ३१ जानेवारी, २०१९, हॅमिल्टन
पाचवी वनडे- ३ फेब्रुवारी, २०१९, वेलिंग्टन
....
टी-२० मालिका
पहिली टी-२०: ६ फेब्रुवारी, २०१९, वेलिंग्टन
दुसरी टी-२०: ८ फेब्रुवारी, २०१९, ऑकलंड
तिसरी टी-२०: १० फेब्रुवारी, २०१९, हॅमिल्टन