वृत्तसंस्था, ऑकलंड
इंग्लंड-न्यूझीलंड यांच्यामध्ये सुरू असलेल्या कसोटी क्रिकेट मालिकेतील पहिल्या सामन्यामध्ये पावसामुळे दुसऱ्या दिवशी जेमतेम २३ षटकांचाच खेळ होऊ शकला. शुक्रवारी न्यूझीलंडचा कर्णधार केन विल्यमसनने कसोटी कारकिर्दीतील विक्रमी अठरावे शतक पूर्ण केले. खेळ थांबेपर्यंत न्यूझीलंडने ४ बाद २२९ धावा करून १७१ धावांची भक्कम आघाडी घेतली होती.
या दिवसरात्र कसोटीत पहिल्या दिवसअखेर विल्यमसन आणि हेन्री निकोल्स खेळपट्टीवर होते. शुक्रवारी पावसामुळे पहिल्या सत्रात केवळ दहा षटकांचा खेळ झाला. या दरम्यान विल्यमसनने आपले १८ वे कसोटी शतक साजरे केले. याबरोबरच न्यूझीलंडतर्फे कसोटीमध्ये सर्वाधिक शतके झळकावणाऱ्या खेळाडूंच्या यादीत त्याने मार्टिन क्रो आणि रॉस टेलर यांना मागे टाकत अग्रस्थान पटकावले. दुसऱ्या सत्रात नवीन चेंडू हाती पडल्यानंतर अँडरसनने विल्यमसनने बाद केले. विल्यमसनने २२० चेंडूंत ११ चौकार व एका षटकारासह १०२ धावा केल्या. त्यानंतर काही वेळातच पुन्हा पावसाला सुरुवात झाल्यामुळे खेळ थांबवण्यात आला. खेळ थांबला, तेव्हा निकोल्स ४९, तर वॉटलिंग १७ धावांवर खेळत होते. पावसाचा जोर कायम राहिल्याने खेळ पुन्हा सुरू होऊ शकला नाही.
संक्षिप्त धावफलक : इंग्लंड : पहिला डाव - सर्व बाद ५८ विरुद्ध न्यूझीलंड : पहिला डाव - ९२.१ षटकांत ४ बाद २२९ (केन विल्यमसन १०२, हेन्री निकोल्स खेळत आहे ४९, बी. जे. वॉटलिंग खेळत आहे १७, जेम्स अँडरसन ३-५३, स्टुअर्ट ब्रॉड १-३७).
न्यूझीलंडकडून सर्वाधिक कसोटी शतके
खेळाडू सामने धावा सरासरी १००-५०
विल्यमसन ५३१६ ५१.११ १८-२६
मार्टिन क्रोव ७७ ५४४४ ४५.३६ १७-१८
रॉस टेलर ८४ ६२६६ ४७.८३ १७-२८
इंग्लंड-न्यूझीलंड यांच्यामध्ये सुरू असलेल्या कसोटी क्रिकेट मालिकेतील पहिल्या सामन्यामध्ये पावसामुळे दुसऱ्या दिवशी जेमतेम २३ षटकांचाच खेळ होऊ शकला. शुक्रवारी न्यूझीलंडचा कर्णधार केन विल्यमसनने कसोटी कारकिर्दीतील विक्रमी अठरावे शतक पूर्ण केले. खेळ थांबेपर्यंत न्यूझीलंडने ४ बाद २२९ धावा करून १७१ धावांची भक्कम आघाडी घेतली होती.
या दिवसरात्र कसोटीत पहिल्या दिवसअखेर विल्यमसन आणि हेन्री निकोल्स खेळपट्टीवर होते. शुक्रवारी पावसामुळे पहिल्या सत्रात केवळ दहा षटकांचा खेळ झाला. या दरम्यान विल्यमसनने आपले १८ वे कसोटी शतक साजरे केले. याबरोबरच न्यूझीलंडतर्फे कसोटीमध्ये सर्वाधिक शतके झळकावणाऱ्या खेळाडूंच्या यादीत त्याने मार्टिन क्रो आणि रॉस टेलर यांना मागे टाकत अग्रस्थान पटकावले. दुसऱ्या सत्रात नवीन चेंडू हाती पडल्यानंतर अँडरसनने विल्यमसनने बाद केले. विल्यमसनने २२० चेंडूंत ११ चौकार व एका षटकारासह १०२ धावा केल्या. त्यानंतर काही वेळातच पुन्हा पावसाला सुरुवात झाल्यामुळे खेळ थांबवण्यात आला. खेळ थांबला, तेव्हा निकोल्स ४९, तर वॉटलिंग १७ धावांवर खेळत होते. पावसाचा जोर कायम राहिल्याने खेळ पुन्हा सुरू होऊ शकला नाही.
संक्षिप्त धावफलक : इंग्लंड : पहिला डाव - सर्व बाद ५८ विरुद्ध न्यूझीलंड : पहिला डाव - ९२.१ षटकांत ४ बाद २२९ (केन विल्यमसन १०२, हेन्री निकोल्स खेळत आहे ४९, बी. जे. वॉटलिंग खेळत आहे १७, जेम्स अँडरसन ३-५३, स्टुअर्ट ब्रॉड १-३७).
न्यूझीलंडकडून सर्वाधिक कसोटी शतके
खेळाडू सामने धावा सरासरी १००-५०
विल्यमसन ५३१६ ५१.११ १८-२६
मार्टिन क्रोव ७७ ५४४४ ४५.३६ १७-१८
रॉस टेलर ८४ ६२६६ ४७.८३ १७-२८