बेंगळुरूः महेंद्रसिंग धोनीने कसोटीतून निवृत्ती घेतल्यानंतर भारताच्या कसोटी संघात यष्टीरक्षक म्हणून वृद्धिमान साहा हे नाव पक्के झाले आहे. मात्र धोनीच्या निवृत्तीमुळे निर्माण झालेली पोकळी भरून काढणे सोपे नसल्याचे साहाचे म्हणणे आहे. कारण धोनीने कठीण समयी जबाबदारीने फलंदाजी करून संघासाठी ‘मॅचविनर’ची भूमिका निभावली आहे, ती कला अवगत करण्यासाठी वेळ लागेल, असे साहाला वाटते आहे.
‘धोनीने हे जागतिक क्रिकेटमधील प्रबळ व्यक्तीमत्त्व आहे. त्याने किती तरी सामने आपल्या जिंकून दिले आहेत. सामने जिंकून देणे, फलंदाजी, झेल आणि यष्टीचीतसाठी नेहमीच तत्पर राहणे ही धोनी भाईंनी केलेली कामे मी नेटाने पार पाडण्याचा प्रयत्न करतो आहे’, असे ३१ वर्षांच्या साहाने सांगितले. तसेच जेव्हा केव्हा संधी मिळते तेव्हा त्याने धोनीशी चर्चा केली आहे. त्याने केलेले मार्गदर्शन व दिलेल्या टीप्स साहा विसरलेला नाही. ‘आयपीएलदरम्यान व भारताच्या ऑस्ट्रेलिया दौऱ्यावर मला धोनीसह चर्चा करण्याची संधी मिळाली होती. उसळी खेळणाऱ्या खेळपट्ट्यांवर यष्टीरक्षण कसे करावे, तसेच दडपणाच्या स्थितीत फलंदाजी करताना काय खबरदारी घ्यावी, हे मला धोनी भाईंनी समजावले. त्याच्यासह संघातील इतर खेळाडूंनीही मला मार्गदर्शन केले’, असे साहा म्हणाला.
आपण फलंदाजीत कमी पडत असल्याची जाणीव असल्याने फलंदाजीवर अधिक मेहनत घेत असल्याचे त्याने सांगितले.
‘धोनीने हे जागतिक क्रिकेटमधील प्रबळ व्यक्तीमत्त्व आहे. त्याने किती तरी सामने आपल्या जिंकून दिले आहेत. सामने जिंकून देणे, फलंदाजी, झेल आणि यष्टीचीतसाठी नेहमीच तत्पर राहणे ही धोनी भाईंनी केलेली कामे मी नेटाने पार पाडण्याचा प्रयत्न करतो आहे’, असे ३१ वर्षांच्या साहाने सांगितले. तसेच जेव्हा केव्हा संधी मिळते तेव्हा त्याने धोनीशी चर्चा केली आहे. त्याने केलेले मार्गदर्शन व दिलेल्या टीप्स साहा विसरलेला नाही. ‘आयपीएलदरम्यान व भारताच्या ऑस्ट्रेलिया दौऱ्यावर मला धोनीसह चर्चा करण्याची संधी मिळाली होती. उसळी खेळणाऱ्या खेळपट्ट्यांवर यष्टीरक्षण कसे करावे, तसेच दडपणाच्या स्थितीत फलंदाजी करताना काय खबरदारी घ्यावी, हे मला धोनी भाईंनी समजावले. त्याच्यासह संघातील इतर खेळाडूंनीही मला मार्गदर्शन केले’, असे साहा म्हणाला.
आपण फलंदाजीत कमी पडत असल्याची जाणीव असल्याने फलंदाजीवर अधिक मेहनत घेत असल्याचे त्याने सांगितले.