म. टा. प्रतिनिधी, औरंगाबाद
सोळा वर्षांखालील दोन दिवसीय कुंटे लीग क्रिकेट स्पर्धेत मेहेर सिड्स व वास्तुश्री प्रमोटर्स संघातील लढत अनिर्णित झाली. सलामीवीर सागर पवारने शतकासह एकूण १९४ धावा फटाकावत सामना गाजवला.
एडीसीए मैदानावर ही स्पर्धा होत आहे. मेहेर सिड्स संघाने पहिल्या डावात ३०६ अशी भक्कम धावसंख्या उभारली. त्यात सलामीवीर सागर पवारने १०९ धावा फटाकावत स्पर्धेतील दुसरे शतक झळकावले. वंश सालगिरे, योगेश चव्हाण, शुभम तुपे यांनी उपयोगी खेळी केली. सनवर खानने ६० धावांत चार विकेट्स टिपल्या.
वास्तुश्री प्रमोटर्स संघाने पहिल्या डावात १५३ धावसंख्या उभारली. त्यात कुणाल शिंदेने सर्वाधिक ५९ धावा काढल्या. योगेश चव्हाणने २४ धावांत सहा विकेट्स टिपत सामना गाजवला.
मेहेर सिड्स संघाने दुसऱ्या डावात ४२ षटकात नऊ बाद १८३ धावा काढल्या. शतकवीर सागर पवारने दुसऱ्या डावातही ८५ धावा फटाकावत सामना गाजवला. या लढतीत सागरने एकूण १९४ धावा काढत सामनावीर किताबही पटाकावला. कार्तिक सोमवंशीने चार गडी टिपले.
संक्षिप्त स्कोअरबोर्ड : मेहेर सिड्स संघ : पहिला डाव - ८० षटकात सर्वबाद ३०६ (सागर पवार १०९, योगेश चव्हाण ४०, वंश सालगिरे ३८, शुभम तुपे २०, आदित्य कटारे नाबाद २०, जयेश काळे १३, इतर ५५, सनवर खान ४-६०, प्रशांत आघाव २-७०, कार्तिक सोमवंशी २-२०, आशुतोष पराये, अविनाश मुके, श्रीकांत गावंडे प्रत्येकी एक विकेट). दुसरा डाव : ४२ षटकात नऊ बाद १८३ (सागर पवार ८९, वंश सालगिरे नाबाद २३, ओमकार खोसरे १६, जयेश काळे १३, इतर ५३, कार्तिक सोमवंशी ४-३६, सनवर खान, प्रशांत आघाव प्रत्येकी एक विकेट).
वास्तुश्री प्रमोटर्स संघ : ५२.४ षटकात नऊ बाद १५३ (कुणाल शिंदे ५९, यशवर्धन पवार २८, अविनाश मुके २४, सनवर खान नाबाद १०, कार्तिक सोमवंशी १०, इतर १३, योगेश चव्हाण ६-२४, अभिराम पोफळे, अनंत तम्मेवार, सागर पवार प्रत्येकी एक विकेट). सामनावीर : सागर पवार.