वृत्तसंस्था, मुंबई:
भारताचा क्रिकेटपटू युसूफ पठाण याच्यावर भारतीय क्रिकेट बोर्डाने नुकतीच उत्तेजक सेवनप्रकरणी घातलेली ५ महिन्यांची बंदी १४ जानेवारीला संपुष्टात येत असली तरी जागतिक उत्तेजकविरोधी संघटनेची (वाडा) टांगती तलवार त्याच्या डोक्यावर असेल. ‘वाडा’च्या मते अजूनही हे प्रकरण मिटलेले नाही.
‘वाडा’चे प्रसारमाध्यम व्यवस्थापक मॅगी ड्युरँड यांच्या मते हे प्रकरण अजूनही मिटलेले नसल्याने आम्ही त्यावर भाष्य करू शकत नाही. ‘वाडा’ने २०१५मध्ये जी नवी नियमावली केली आहे, त्यानुसार एखाद्या खेळाडूने प्रथमच उत्तेजक सेवन केल्याचे स्पष्ट झाले असेल तर त्याच्यावर चार वर्षांची बंदी घातली जाते.
बीसीसीआयने मंगळवारी युसूफ पठाणवर पाच महिन्यांची बंदी घातल्याचे जाहीर केले पण ही बंदी १५ ऑगस्ट २०१७पासून लागू होत असल्यामुळे १४ जानेवारीला ती संपुष्टात येईल, असेही स्पष्टीकरण दिले. त्यामुळे पठाणचा आयपीएल खेळण्याचा मार्ग मोकळा झाला आहे. गेल्या वर्षी मार्च महिन्यात बीसीसीआयच्या उत्तेजक चाचणी अभियानाअंतर्गत पठाणने आपल्या मुत्राचे नमुने सुपूर्द केले होते. त्यात टर्ब्युटॅलिन हे उत्तेजक आढळले होते. खोकल्याच्या औषधांमध्ये हे उत्तेजक असते आणि ‘वाडा’ने प्रतिबंधित केलेल्या उत्तेजकांच्या यादीत त्याचा समावेश आहे, असेही बीसीसीआयने स्पष्ट केले होते.
पठाणने हे आरोप मान्यही केले. आपल्याला जे औषध देणे अपेक्षित होते ते न देता टर्ब्युटॅलिनचा समावेश असलेले औषध दिले गेल्याचे पठाणने स्पष्टीकरण दिले. पठाणच्या या स्पष्टीकरणावर बीसीसीआयने समाधान व्यक्त केले. हे औषध त्याने श्वासनलिकेला झालेली बाधा घालविण्यासाठी घेतले होते, त्याचा कामगिरी उंचावण्याशी संबंध नाही, असेही बीसीसीआयने म्हटले आहे.
भारताचा क्रिकेटपटू युसूफ पठाण याच्यावर भारतीय क्रिकेट बोर्डाने नुकतीच उत्तेजक सेवनप्रकरणी घातलेली ५ महिन्यांची बंदी १४ जानेवारीला संपुष्टात येत असली तरी जागतिक उत्तेजकविरोधी संघटनेची (वाडा) टांगती तलवार त्याच्या डोक्यावर असेल. ‘वाडा’च्या मते अजूनही हे प्रकरण मिटलेले नाही.
‘वाडा’चे प्रसारमाध्यम व्यवस्थापक मॅगी ड्युरँड यांच्या मते हे प्रकरण अजूनही मिटलेले नसल्याने आम्ही त्यावर भाष्य करू शकत नाही. ‘वाडा’ने २०१५मध्ये जी नवी नियमावली केली आहे, त्यानुसार एखाद्या खेळाडूने प्रथमच उत्तेजक सेवन केल्याचे स्पष्ट झाले असेल तर त्याच्यावर चार वर्षांची बंदी घातली जाते.
बीसीसीआयने मंगळवारी युसूफ पठाणवर पाच महिन्यांची बंदी घातल्याचे जाहीर केले पण ही बंदी १५ ऑगस्ट २०१७पासून लागू होत असल्यामुळे १४ जानेवारीला ती संपुष्टात येईल, असेही स्पष्टीकरण दिले. त्यामुळे पठाणचा आयपीएल खेळण्याचा मार्ग मोकळा झाला आहे. गेल्या वर्षी मार्च महिन्यात बीसीसीआयच्या उत्तेजक चाचणी अभियानाअंतर्गत पठाणने आपल्या मुत्राचे नमुने सुपूर्द केले होते. त्यात टर्ब्युटॅलिन हे उत्तेजक आढळले होते. खोकल्याच्या औषधांमध्ये हे उत्तेजक असते आणि ‘वाडा’ने प्रतिबंधित केलेल्या उत्तेजकांच्या यादीत त्याचा समावेश आहे, असेही बीसीसीआयने स्पष्ट केले होते.
पठाणने हे आरोप मान्यही केले. आपल्याला जे औषध देणे अपेक्षित होते ते न देता टर्ब्युटॅलिनचा समावेश असलेले औषध दिले गेल्याचे पठाणने स्पष्टीकरण दिले. पठाणच्या या स्पष्टीकरणावर बीसीसीआयने समाधान व्यक्त केले. हे औषध त्याने श्वासनलिकेला झालेली बाधा घालविण्यासाठी घेतले होते, त्याचा कामगिरी उंचावण्याशी संबंध नाही, असेही बीसीसीआयने म्हटले आहे.