वृत्तसंस्था, राजकोट
वयाच्या १८ व्या वर्षी त्याला कसोटी पदार्पणाची संधी मिळणार हे निश्चित होते... त्याच्या खात्यात अनुभव होता तो १४ प्रथम श्रेणी सामन्यांचा... रणजी पदार्पणात त्याने शतक ठोकले... १९ वर्षांखालील वर्ल्डकप विजेता संघाचा कर्णधार... थोडक्यात सारे व्यासपीठ त्याच्यासाठी सज्ज होते... या मिळालेल्या व्यासपीठाचा पुरेपूर फायदा घेत त्याने शानदार शतक ठोकून पहिल्याच कसोटीत अनेक विक्रमांना गवसणी घातली. हा विक्रमवीर आहे पृथ्वी शॉ. तो आला, त्याने पाहिले आणि त्याने जिंकले, असेच काहीसे पृथ्वी शॉच्या बाबतीत झाले. शॉचे शतक आणि चेतेश्वर पुजारा, विराट कोहलीच्या अर्धशतकाच्या जोरावर भारताने वेस्ट इंडिजविरुद्धच्या मालिकेतील पहिल्या कसोटी क्रिकेट सामन्यात पहिल्या दिवसअखेर ४ बाद ३६४ धावा केल्या.
या कसोटीला सुरुवात होण्यापूर्वीच भारताने आपला अंतिम बारा जणांचा संघ निश्चित केला होता. विराट कोहलीने नाणेफेक जिंकून प्रथम फलंदाजी करण्याचा निर्णय घेतला आणि लोकेश राहुलसह मुंबईकर पृथ्वी शॉ मैदानात आला. पहिल्या चेंडूपासून त्याच्या नावावर विक्रम जमा व्हायला सुरुवात झाली. मुरली विजय, शिखर धवन, मयांक अगरवाल या अनुभवी खेळाडूंना बाजूला सारून निवड समितीने पृथ्वी शॉला संधी देण्याचा निर्णय घेतला होता. त्यामुळे त्याच्या कामगिरीकडेच साऱ्यांचे लक्ष होते. डावाच्या पहिल्याच षटकात गॅब्रिएलने लोकेश राहुलला शून्यावर बाद केले. मात्र, याचे जराही दडपण पृथ्वी शॉवर जाणवले नाही. रणजी स्पर्धेत खेळतो तसा खेळ कर, असा सल्ला त्याला वरिष्ठांकडून मिळाला होता. तेव्हा शॉने त्याच पद्धतीने खेळ करून दाखविला. जस-जसा खेळ पुढे सुरू राहिला, त्याचा आत्मविश्वास वाढत गेला. त्याने ५६ चेंडूंत ७ चौकारांसह अर्धशतक पूर्ण केले. त्याचा 'क्लास' बघून तो शतक ठोकणार, हे स्पष्ट दिसत होते. त्याने ९९व्या चेंडूवर शतक ठोकले तेव्हा साऱ्यांनीच या मुलावर कौतुकाचा वर्षाव केला. कसोटीच्या पुस्तकातील काही तंत्रशुद्ध फटके त्याची जमेची बाजू आहे.
चेतेश्वर पुजारासह त्याने दुसऱ्या विकेटसाठी २०६ धावांची भागीदारी केली. ४३व्या षटकात लुईसने पुजाराला शतकापासून रोखून ही भागीदारी संपुष्टात आणली. पुजाराने १३० चेंडूंत १४ चौकारांसह ८६ धावा केल्या. यानंतर बिशूने शॉला आपल्याच गोलंदाजीवर झेलचीत केले. शॉने १५४ चेंडूंत १९ चौकारांसह १३४ धावा केल्या. पदार्पणाची कसोटी संस्मरणीय करण्यात त्याला यश आले. त्याचबरोबर नोव्हेंबरअखेर होणाऱ्या ऑस्ट्रेलिया दौऱ्यातही त्याला संधी मिळू शकते. यानंतर कोहली आणि अजिंक्य रहाणेने १०५ धावांची भागीदारी केली. रहाणे ९२ चेंडूंत ५ चौकारांसह ४१ धावा काढून बाद झाला. दिवसाचा खेळ थांबला, तेव्हा विराट कोहली १३७ चेंडूंत ४ चौकारांसह ७२, तर ऋषभ पंत २१ चेंडूंत १ चौकार व १ षटकारासह १७ धावांवर खेळत होता.
दृष्टिक्षेप...
- नाणेफेकच्या आधीच विंडीजचा कर्णधार जेसन होल्डरने घोट्याच्या दुखापतीमुळे लढतीतून माघार घेतली.
- त्याच्या जागी क्रेग ब्रेथवेटकडे संघाची सूत्रे सोपविण्यात आली.
- खेळपट्टीवर गवत असले तरी गोलंदाजांना फारशी मदत मिळत नव्हती. त्यामुळे विंडीजच्या गोलंदाजांना भारतीय फलंदाजांना अडचणीत आणण्यात अपयश.
- वेगवान गोलंदाजांना ज्या आत्मविश्वासाने शॉ सामोरा गेला, ते डोळ्याचे पारणे फेडण्यासारखे होते.
- शॉ हा भारताकडून कसोटीत पदार्पण करणारा २९३वा फलंदाज ठरला.
- राजकोटमध्ये चांगलाच उकाडा जाणवत होता. त्यामुळे पुजाराने फलंदाजी करताना छोटी पाण्याची बाटली खिशातच ठेवली होती.
स्कोअरबोर्ड
भारत : पहिला डाव - पृथ्वी शॉ झे. व गो. बिशू १३४, लोकेश राहुल पायचीत गो. गॅब्रिएल ०, चेतेश्वर पुजारा झे. डॉवरिच गो. लेविस ८६, विराट कोहली खेळत आहे ७२, अजिंक्य रहाणे झे. डॉवरिच गो. चेस ४१, रिषभ पंत खेळत आहे १७, अवांतर १४, एकूण - ८९ षटकांत ४ बाद ३६४.
बाद क्रम : १-३, २-२०९, ३-२३२, ४-३३७.
गोलंदाजी : गॅब्रिएल १८-१-६६-१, पॉल १०-१-४१-०, लेविस १२-०-५६-१, बिशू ३०-१-११३-१, चेस १६-०-६७-१, ब्रेथवेट ३-०-११-०.
वयाच्या १८ व्या वर्षी त्याला कसोटी पदार्पणाची संधी मिळणार हे निश्चित होते... त्याच्या खात्यात अनुभव होता तो १४ प्रथम श्रेणी सामन्यांचा... रणजी पदार्पणात त्याने शतक ठोकले... १९ वर्षांखालील वर्ल्डकप विजेता संघाचा कर्णधार... थोडक्यात सारे व्यासपीठ त्याच्यासाठी सज्ज होते... या मिळालेल्या व्यासपीठाचा पुरेपूर फायदा घेत त्याने शानदार शतक ठोकून पहिल्याच कसोटीत अनेक विक्रमांना गवसणी घातली. हा विक्रमवीर आहे पृथ्वी शॉ. तो आला, त्याने पाहिले आणि त्याने जिंकले, असेच काहीसे पृथ्वी शॉच्या बाबतीत झाले. शॉचे शतक आणि चेतेश्वर पुजारा, विराट कोहलीच्या अर्धशतकाच्या जोरावर भारताने वेस्ट इंडिजविरुद्धच्या मालिकेतील पहिल्या कसोटी क्रिकेट सामन्यात पहिल्या दिवसअखेर ४ बाद ३६४ धावा केल्या.
या कसोटीला सुरुवात होण्यापूर्वीच भारताने आपला अंतिम बारा जणांचा संघ निश्चित केला होता. विराट कोहलीने नाणेफेक जिंकून प्रथम फलंदाजी करण्याचा निर्णय घेतला आणि लोकेश राहुलसह मुंबईकर पृथ्वी शॉ मैदानात आला. पहिल्या चेंडूपासून त्याच्या नावावर विक्रम जमा व्हायला सुरुवात झाली. मुरली विजय, शिखर धवन, मयांक अगरवाल या अनुभवी खेळाडूंना बाजूला सारून निवड समितीने पृथ्वी शॉला संधी देण्याचा निर्णय घेतला होता. त्यामुळे त्याच्या कामगिरीकडेच साऱ्यांचे लक्ष होते. डावाच्या पहिल्याच षटकात गॅब्रिएलने लोकेश राहुलला शून्यावर बाद केले. मात्र, याचे जराही दडपण पृथ्वी शॉवर जाणवले नाही. रणजी स्पर्धेत खेळतो तसा खेळ कर, असा सल्ला त्याला वरिष्ठांकडून मिळाला होता. तेव्हा शॉने त्याच पद्धतीने खेळ करून दाखविला. जस-जसा खेळ पुढे सुरू राहिला, त्याचा आत्मविश्वास वाढत गेला. त्याने ५६ चेंडूंत ७ चौकारांसह अर्धशतक पूर्ण केले. त्याचा 'क्लास' बघून तो शतक ठोकणार, हे स्पष्ट दिसत होते. त्याने ९९व्या चेंडूवर शतक ठोकले तेव्हा साऱ्यांनीच या मुलावर कौतुकाचा वर्षाव केला. कसोटीच्या पुस्तकातील काही तंत्रशुद्ध फटके त्याची जमेची बाजू आहे.
चेतेश्वर पुजारासह त्याने दुसऱ्या विकेटसाठी २०६ धावांची भागीदारी केली. ४३व्या षटकात लुईसने पुजाराला शतकापासून रोखून ही भागीदारी संपुष्टात आणली. पुजाराने १३० चेंडूंत १४ चौकारांसह ८६ धावा केल्या. यानंतर बिशूने शॉला आपल्याच गोलंदाजीवर झेलचीत केले. शॉने १५४ चेंडूंत १९ चौकारांसह १३४ धावा केल्या. पदार्पणाची कसोटी संस्मरणीय करण्यात त्याला यश आले. त्याचबरोबर नोव्हेंबरअखेर होणाऱ्या ऑस्ट्रेलिया दौऱ्यातही त्याला संधी मिळू शकते. यानंतर कोहली आणि अजिंक्य रहाणेने १०५ धावांची भागीदारी केली. रहाणे ९२ चेंडूंत ५ चौकारांसह ४१ धावा काढून बाद झाला. दिवसाचा खेळ थांबला, तेव्हा विराट कोहली १३७ चेंडूंत ४ चौकारांसह ७२, तर ऋषभ पंत २१ चेंडूंत १ चौकार व १ षटकारासह १७ धावांवर खेळत होता.
दृष्टिक्षेप...
- नाणेफेकच्या आधीच विंडीजचा कर्णधार जेसन होल्डरने घोट्याच्या दुखापतीमुळे लढतीतून माघार घेतली.
- त्याच्या जागी क्रेग ब्रेथवेटकडे संघाची सूत्रे सोपविण्यात आली.
- खेळपट्टीवर गवत असले तरी गोलंदाजांना फारशी मदत मिळत नव्हती. त्यामुळे विंडीजच्या गोलंदाजांना भारतीय फलंदाजांना अडचणीत आणण्यात अपयश.
- वेगवान गोलंदाजांना ज्या आत्मविश्वासाने शॉ सामोरा गेला, ते डोळ्याचे पारणे फेडण्यासारखे होते.
- शॉ हा भारताकडून कसोटीत पदार्पण करणारा २९३वा फलंदाज ठरला.
- राजकोटमध्ये चांगलाच उकाडा जाणवत होता. त्यामुळे पुजाराने फलंदाजी करताना छोटी पाण्याची बाटली खिशातच ठेवली होती.
स्कोअरबोर्ड
भारत : पहिला डाव - पृथ्वी शॉ झे. व गो. बिशू १३४, लोकेश राहुल पायचीत गो. गॅब्रिएल ०, चेतेश्वर पुजारा झे. डॉवरिच गो. लेविस ८६, विराट कोहली खेळत आहे ७२, अजिंक्य रहाणे झे. डॉवरिच गो. चेस ४१, रिषभ पंत खेळत आहे १७, अवांतर १४, एकूण - ८९ षटकांत ४ बाद ३६४.
बाद क्रम : १-३, २-२०९, ३-२३२, ४-३३७.
गोलंदाजी : गॅब्रिएल १८-१-६६-१, पॉल १०-१-४१-०, लेविस १२-०-५६-१, बिशू ३०-१-११३-१, चेस १६-०-६७-१, ब्रेथवेट ३-०-११-०.