मुंबई टाइम्स टीम
क्रिकेटमधला सुपरमॅन अशी ओळख बनलेला दक्षिण आफ्रिकेचा क्रिकेटपटू एबी डीव्हिलियर्सनं अचानक निवृत्ती जाहीर केल्यानंतर त्याच्या चाहत्यांना धक्का बसला. क्रिकेटमधले दिग्गज तसंच बॉलिवूड आणि टीव्हीस्टार्सनी त्याच्या निवृत्तीनंतर त्याला शुभेच्छा दिल्या. मैदानावरील तुझा खेळ पाहता, तुला मैदानाबाहेरही ३६० अंशांतलं यश मिळू दे, अशा शब्दांत अनेकांनी आपल्या शुभेच्छा व्यक्त केल्या आहेत. तरुणाईच्या गळ्यातला ताईत बनलेल्या डिव्हिलियर्सच्या निवृत्तीची सोशल मीडियावर खूप चर्चा होत होती. त्यापैकी निवडक प्रतिक्रिया...
तुझा मैदानावरील खेळ पाहता, तुला मैदानाबाहेरही ३६० डिग्रीसारखंच यश प्राप्त होऊ दे. मैदानावर तुझी कमी नक्कीच भासणार आहे. माझ्या शुभेच्छा तुझ्यासोबत आहेत.
सचिन तेंडुलकर, माजी क्रिकेटपटू
आयुष्यात आपण केलेल्या सकारात्मक कामांचा आपल्यापेक्षा इतरांच्या जीवनावर त्याचा कसा चांगला परिणाम होतो हे महत्त्वाचं असतं. ती भूमिका तू अगदी प्रामाणिकपणाने बजावलीस. तू आणि तुझी बायको डॅनिअल, तुम्हा दोघांनाही पुढील आयुष्यासाठी अनेक शुभेच्छा.
अनुष्का शर्मा, अभिनेत्री
ओह नो! एबी डिव्हिलिअर्स तू अजून काही काळ क्रिकेट खेळ अशी माझी इच्छा आहे. तुला विनंती आहे.
सैयामी खेर, अभिनेत्री
अभिनंदन एबी डिव्हिलिअर्स. अगदी अभिमान वाटेल असं तुझं क्रिकेटचं करिअर आहे. तुझ्या खेळाबद्दल येत्या काही वर्षांमध्ये बोललं जाईल. पुढील वाटचालीसाठी तुला खूप शुभेच्छा.
अर्जुन कपूर, अभिनेता
तुझ्याशिवाय क्रिकेट हा खेळ कसा असेल याची कल्पनाही करू शकत नाही. आम्ही आमच्या क्रिकेटच्या सुपरमॅनला नक्कीच मिस करू.
मानवीर गुजर, अभिनेता