केपटाऊनः दक्षिण आफ्रिकेचा तेज गोलंदाज कागिसो रबाडा यांच्यावरील दोन कसोटींची बंदी आयसीसीने मंगळवारी उठवली. ऑस्ट्रेलियाविरुद्धच्या दुसऱ्या कसोटीत आयसीसीचे नियम मोडल्याने रबाडावर ही कारवाई झाली होती; पण दक्षिण आफ्रिकेने या शिक्षेविरुद्ध दाद मागितली. ज्याचा निकाल यजमान द. आफ्रिकेच्या बाजूने लागला. दुसऱ्या पोर्ट एलिझाबेथ कसोटी दरम्यान रबाडा आणि स्मिथ यांच्यात झालेल्या बाचाबाची झाली होती. यामुळे त्याच्या सामन्याच्या मानधनातून ५० टक्के रक्कम कापून घेण्यात आली होती, तसेच त्याला तीन दोषगुणही देण्यात आले होते. आता ही दंडाची रक्कम २५ टक्के करण्यात आली असून दोषगुणही तीनऐवजी एक करण्यात आला आहे.
आयसीसीने उठवली राबाडावरील बंदी
केपटाऊनः दक्षिण आफ्रिकेचा तेज गोलंदाज कागिसो रबाडा यांच्यावरील दोन कसोटींची बंदी आयसीसीने मंगळवारी उठवली...
Maharashtra Times 21 Mar 2018, 12:00 am