उमेशने केरळला उखडले

वायनाड : उमेश यादवने घेतलेल्या ४८ धावांतील ७ बळींच्या जोरावर विदर्भने केरळला रणजी उपांत्य सामन्यात १०५ धावांत उखडले आणि आपल्या पहिल्या डावात ५ बाद १७१ धावांपर्यंत मजल मारली. केरळच्या विष्णू विनोद, कर्णधार सचिन बेबी, बसिल थम्पी या खेळाडूंना केवळ दुहेरी धावसंख्या करता आली. विदर्भच्या रजनीश गुरबानीनेही ३ बळी घेत उमेशला साथ दिली. स्कोअरबोर्ड : केरळ १०५ (उमेश यादव ७-४८) वि. विदर्भ ५ बाद १७१ (फैझ फझल ७५, वासिम जाफर ३४).

कर्नाटकचा डाव सावरला

बेंगळुरू : रणजी करंडक उपांत्य सामन्यात कर्नाटकची आघाडीची आणि मधली फळी लवकर कोसळल्यामुळे सौराष्ट्रविरुद्धच्या पहिल्या डावात ९ बाद २६४ धावापर्यंत मजल मारली. पहिल्या तासाभराच्या खेळात कर्नाटकचा डाव ४ बाद ३० असा कोसळला होता. पण मनीष पांडे (६२), श्रेयस गोपाळ (८७) आणि यष्टीरक्षक एस. शरथ (ना. ७४) यांच्यामुळे त्यांचा डाव सावरला. सौराष्ट्रच्या जयदेव उनाडकट (४-५०) आणि कमलेश मकवाना (३-७३) या गोलंदाजांनी दमदार कामगिरी केली.