Ravi Shastri: शास्त्री यांची जीभ घसरली आणि...

अॅडलेड : भारताने मिळविलेल्या ऐतिहासिक विजयानंतर ऑस्ट्रेलियात गेलेल्या सर्व भारतीय खेळाडूंच्या आनंदाला पारावार राहिला नसेल यात अजिबात शंका नाही. पण भारतीय संघाचे प्रशिक्षक रवी शास्त्री यांनी तर या आनंदाच्या भरात अशी काही प्रतिक्रिया राष्ट्रीय टीव्हीवर दिली की, सोशल मीडियावर त्याच्या जोरदार प्रतिक्रिया उमटल्या.

सुनील गावस्कर, मायकेल क्लार्क आणि मार्क बुचर हे मुंबईतील टीव्ही स्टुडिओत सामन्यावर चर्चा करत होते आणि तेव्हा सामन्यातील रोमहर्षक क्षणाबद्दल त्यांच्याशी बोलताना शास्त्री यांचा जिभेवरचा ताबा सुटला. शास्त्री म्हणाले होते की, 'आम्ही सामन्यावरची पकड अजिबात सोडणार नाही, पण काही काळ सामन्यातील परिस्थिती आमच्या अगदी गळ्याशी आली होती. 'शास्त्री यांचे हे वाक्य चारचौघांत बोलण्यासारखे नसल्यामुळे त्यावर सोशल मीडियात खूप चर्चा झाली आणि शास्त्री यांना लक्ष्य करण्यात आले. रवी शास्त्री हे सामन्यातील सर्वोत्तम खेळाडू आहेत, अशी टिप्पणीही केली गेली.