अ‍ॅपशहर

पंत, रायुडू, सैनी वर्ल्डकपसाठी 'स्टँडबाय'

फलंदाज ऋषभ पंत, अनुभवी फलंदाज अंबाती रायुडू आणि वेगवान गोलंदाज नवदीप सैनी हे तिघे वर्ल्डकपसाठी भारताचे पर्यायी खेळाडू असणार आहेत. गरज पडल्यास या खेळाडूंचा वर्ल्डकप संघात समावेश केला जाणार आहे.

महाराष्ट्र टाइम्स.कॉम 17 Apr 2019, 5:30 pm
नवी दिल्ली :
महाराष्ट्र टाइम्स.कॉम rayudu-pant-saini


फलंदाज ऋषभ पंत, अनुभवी फलंदाज अंबाती रायुडू आणि वेगवान गोलंदाज नवदीप सैनी हे तिघे वर्ल्डकपसाठी भारताचे पर्यायी खेळाडू असणार आहेत. गरज पडल्यास या खेळाडूंचा वर्ल्डकप संघात समावेश केला जाणार आहे.

आयसीसी चॅम्पियन्स ट्रॉफीप्रमाणेच वर्ल्डकपसाठीही तीन पर्यायी खेळाडू राहतील. ऋषभ पंत आणि अंबाती रायुडू क्रमश: पहिला पर्याय तर सैनी हा दुसरा पर्याय असेल. सैनीला गोलंदाज म्हणून स्थान देण्यात आलं आहे, असे बीसीसीआयच्या एका वरिष्ठ अधिकाऱ्याने सांगितले. खलील अहमद, आवेश खान आणि दीपक चहर हे नेटमधील गोलंदाज म्हणून संघासोबत जाणार आहेत, असेही या अधिकाऱ्याने पुढे स्पष्ट केले. खलील, आवेश आणि दीपक हे पर्यायी खेळाडू नाहीत. गोलंदाज म्हणून त्यांना संघातही संधी मिळू शकते. फलंदाजीचा विचार केल्यास स्थितीनुसार ऋषभ आणि रायुडू यापैकी एकालाच संधी मिळू शकते, असेही या अधिकाऱ्याने पुढे नमूद केले. सैनीसुद्धा संघासोबत इंग्लंडला जात आहे, असे हा अधिकारी म्हणाला.

दरम्यान, वर्ल्डकपसाठी विराट कोहलीच्या नेतृत्वाखालील १५ सदस्यीय भारतीय संघ आधीच जाहीर करण्यात आला आहे. या संघात पंत आणि रायुडूला स्थान मिळू शकले नव्हते.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज