वृत्तसंस्था, रोम
जागतिक टेनिस रँकिंगमध्ये तिसऱ्या क्रमांकावर असलेल्या रॉजर फेडररने उजव्या पायाला झालेल्या दुखापतीमुळे रोम मास्टर्स टेनिस स्पर्धेतून माघार घेतली आहे. उपांत्यपूर्व फेरीत फेडररचा मुकाबला ग्रीसच्या आठव्या सीडेड स्टीफानोस सिसिपासनेशी होणार होता; पण फेडररने माघार घेतली. रोम स्पर्धेत फेडरर याआधी चारवेळा उपविजेता ठरला आहे.
गेल्या काही टेनिस मोसमांपासून फेडररने क्ले कोर्टच्या स्पर्धांमध्ये भाग घेणे थांबवले होते; पण यंदा त्याने असे न करता क्ले कोर्टच्या स्पर्धांमध्ये भाग घ्यायचा निर्णय घेतला. २०१५पासून त्याने फ्रेंच ओपन ग्रँडस्लॅम स्पर्धेत भागही घेतला नव्हता; पण यंदा या स्पर्धेत भाग घ्यायचे असे त्याने ठरवले आहे. त्याचीच तयारी म्हणून तो जोमाने क्ले कोर्टवरील स्पर्धांमध्ये सहभागी होत आहे. मात्र आता रोम स्पर्धेदरम्यान झालेल्या या दुखापतीमुळे त्याचा फ्रेंच ओपनमधील सहभागही अनिश्चित वाटतो आहे.
'रोम स्पर्धा मला अशी मध्येच सोडावी लागते आहे, याचे खूप दुःख आहे. मी शंभर टक्के फिट नाही. याबाबत माझ्या टीमशीही संवाद साधला. अन् त्यानंतर हा माघारीचा निर्णय झाला. रोम हे माझ्या आवडत्या शहरांपैकी एक असून पुढच्या वर्षी मला दुखापतीच्या अडथळ्याविना या स्पर्धेत भाग घेता येईल, अशी आशा मी बाळगतो', असे फेडररने सांगितले. त्याच्यासाठी उपउपांत्यपूर्व फेरीची लढतही खूप महत्वपूर्ण ठरली होती. या ३७ वर्षांच्या सदाबहार टेनिसपटूने दोन मॅच पॉईंट वाचवत क्रोएशियाच्या बोर्ना चॉरिचचे आव्हान २-६, ६-४, ७-६ (९-७) असे परतवून लावले होते. पुढे चाल मिळालेल्या सिसिपासला आता उपांत्य फेरीत मुकाबला होईल तो रफाएल नदालशी.
ओसाकाचीही माघार
जागतिक महिला रँकिंगमध्ये अव्वल असलेल्या जपानच्या नाओमी ओसाकाने रोम स्पर्धेच्या उपांत्यपूर्व फेरीतून माघार घेतली. तिची लढत किकी बार्टन्सशी होणार होती. पावसाच्या व्यत्ययामुळे स्पर्धेत बुधवारचा खेळ होऊ शकला नाही. ज्यामुळे गुरुवारी तिला दोन लढती खेळाव्या लागल्या ज्यात ओसाकाने डॉमिनिक किबुल्कोव्हा आणि मिहाएल बुझारनेस्कावर मात केली होती.
नदालची आगेकूच
स्पेनच्या रफाएल नदालने आगेकूच केली. नदालने फर्नांडो व्हर्डास्कोवर ६-४, ६-० अशी मात केली, तर दियागो श्वार्टमनने निशिकोरीवर ६-४, ६-२ असा विजय नोंदविला. तसेच, महिलांत कॅरोलिना प्लिस्कोवाने व्हिक्टोरिया अझारेन्काला ६-७ (५), ६-२, ६-२ असे पराभूत केले.
जागतिक टेनिस रँकिंगमध्ये तिसऱ्या क्रमांकावर असलेल्या रॉजर फेडररने उजव्या पायाला झालेल्या दुखापतीमुळे रोम मास्टर्स टेनिस स्पर्धेतून माघार घेतली आहे. उपांत्यपूर्व फेरीत फेडररचा मुकाबला ग्रीसच्या आठव्या सीडेड स्टीफानोस सिसिपासनेशी होणार होता; पण फेडररने माघार घेतली. रोम स्पर्धेत फेडरर याआधी चारवेळा उपविजेता ठरला आहे.
गेल्या काही टेनिस मोसमांपासून फेडररने क्ले कोर्टच्या स्पर्धांमध्ये भाग घेणे थांबवले होते; पण यंदा त्याने असे न करता क्ले कोर्टच्या स्पर्धांमध्ये भाग घ्यायचा निर्णय घेतला. २०१५पासून त्याने फ्रेंच ओपन ग्रँडस्लॅम स्पर्धेत भागही घेतला नव्हता; पण यंदा या स्पर्धेत भाग घ्यायचे असे त्याने ठरवले आहे. त्याचीच तयारी म्हणून तो जोमाने क्ले कोर्टवरील स्पर्धांमध्ये सहभागी होत आहे. मात्र आता रोम स्पर्धेदरम्यान झालेल्या या दुखापतीमुळे त्याचा फ्रेंच ओपनमधील सहभागही अनिश्चित वाटतो आहे.
'रोम स्पर्धा मला अशी मध्येच सोडावी लागते आहे, याचे खूप दुःख आहे. मी शंभर टक्के फिट नाही. याबाबत माझ्या टीमशीही संवाद साधला. अन् त्यानंतर हा माघारीचा निर्णय झाला. रोम हे माझ्या आवडत्या शहरांपैकी एक असून पुढच्या वर्षी मला दुखापतीच्या अडथळ्याविना या स्पर्धेत भाग घेता येईल, अशी आशा मी बाळगतो', असे फेडररने सांगितले. त्याच्यासाठी उपउपांत्यपूर्व फेरीची लढतही खूप महत्वपूर्ण ठरली होती. या ३७ वर्षांच्या सदाबहार टेनिसपटूने दोन मॅच पॉईंट वाचवत क्रोएशियाच्या बोर्ना चॉरिचचे आव्हान २-६, ६-४, ७-६ (९-७) असे परतवून लावले होते. पुढे चाल मिळालेल्या सिसिपासला आता उपांत्य फेरीत मुकाबला होईल तो रफाएल नदालशी.
ओसाकाचीही माघार
जागतिक महिला रँकिंगमध्ये अव्वल असलेल्या जपानच्या नाओमी ओसाकाने रोम स्पर्धेच्या उपांत्यपूर्व फेरीतून माघार घेतली. तिची लढत किकी बार्टन्सशी होणार होती. पावसाच्या व्यत्ययामुळे स्पर्धेत बुधवारचा खेळ होऊ शकला नाही. ज्यामुळे गुरुवारी तिला दोन लढती खेळाव्या लागल्या ज्यात ओसाकाने डॉमिनिक किबुल्कोव्हा आणि मिहाएल बुझारनेस्कावर मात केली होती.
नदालची आगेकूच
स्पेनच्या रफाएल नदालने आगेकूच केली. नदालने फर्नांडो व्हर्डास्कोवर ६-४, ६-० अशी मात केली, तर दियागो श्वार्टमनने निशिकोरीवर ६-४, ६-२ असा विजय नोंदविला. तसेच, महिलांत कॅरोलिना प्लिस्कोवाने व्हिक्टोरिया अझारेन्काला ६-७ (५), ६-२, ६-२ असे पराभूत केले.