नवी दिल्ली
यंदाच्या विश्वचषक स्पर्धेत जबरदस्त फॉर्मात असलेल्या रोहित शर्मानं बांगलादेशविरुद्धच्या सामन्यात शतकी कामगिरी करत नव्या विक्रमाची नोंद केलीय. एका वर्ल्डकप स्पर्धेत सर्वाधिक शतकं ठोकण्याच्या श्रीलंकेचा माजी क्रिकेटपटू कुमार संगकाराच्या विक्रमाशी रोहितनं बरोबरी केली आहे. तर एका वर्ल्डकप स्पर्धेत चार शतकं ठोकणारा रोहित पहिलाच भारतीय फलंदाज ठरला आहे.
रोहितने बर्मिंघममध्ये बांगलादेशविरुद्धच्या सामन्यात १०४ धावांची खेळी साकारली. या शतकी कामगिरीनंतर यंदाच्या वर्ल्डकपमध्ये सर्वाधिक धावा करण्याच्या यादीत रोहितनं ऑस्ट्रेलियाच्या डेव्हिड वॉर्नरला मागे टाकत पहिलं स्थान प्राप्त केलं आहे. रोहित शर्माच्या नावावर आता ५४४ धावा जमा झाल्या आहेत. तर वॉर्नरने ५१६ धावांसह दुसऱ्या स्थानावर आहे.
७ सामन्यात ४ शतकं
रोहितनं यंदाच्या विश्वचषकात ७ सामने खेळले आहेत. यात रोहितनं चार शतकं ठोकली आहे. यावरूनच रोहितच्या जबरदस्त फॉर्मचा अंदाज येतो. रोहितनं स्पर्धेच्या पहिल्याच सामन्यात दक्षिण आफ्रिकेविरुद्ध १२२ धावांची खेळी साकारली होती. तर मँचेस्टरवर पाकिस्तानविरुद्ध रोहितनं दुसरं शतक ठोकलं. पाकविरुद्ध रोहितने नाबाद १४० धावा कुटल्या होत्या. तर बर्मिंघमवर इंग्लंडविरुद्धच्या सामन्यात रोहितनं १०२ धावांची महत्तवपूर्ण खेळी केली. याच खेळपट्टीवर रोहितनं बांगलादेशविरोधात चौथं शतक ठोकलं आहे.
यंदाच्या विश्वचषक स्पर्धेत जबरदस्त फॉर्मात असलेल्या रोहित शर्मानं बांगलादेशविरुद्धच्या सामन्यात शतकी कामगिरी करत नव्या विक्रमाची नोंद केलीय. एका वर्ल्डकप स्पर्धेत सर्वाधिक शतकं ठोकण्याच्या श्रीलंकेचा माजी क्रिकेटपटू कुमार संगकाराच्या विक्रमाशी रोहितनं बरोबरी केली आहे. तर एका वर्ल्डकप स्पर्धेत चार शतकं ठोकणारा रोहित पहिलाच भारतीय फलंदाज ठरला आहे.
रोहितने बर्मिंघममध्ये बांगलादेशविरुद्धच्या सामन्यात १०४ धावांची खेळी साकारली. या शतकी कामगिरीनंतर यंदाच्या वर्ल्डकपमध्ये सर्वाधिक धावा करण्याच्या यादीत रोहितनं ऑस्ट्रेलियाच्या डेव्हिड वॉर्नरला मागे टाकत पहिलं स्थान प्राप्त केलं आहे. रोहित शर्माच्या नावावर आता ५४४ धावा जमा झाल्या आहेत. तर वॉर्नरने ५१६ धावांसह दुसऱ्या स्थानावर आहे.
७ सामन्यात ४ शतकं
रोहितनं यंदाच्या विश्वचषकात ७ सामने खेळले आहेत. यात रोहितनं चार शतकं ठोकली आहे. यावरूनच रोहितच्या जबरदस्त फॉर्मचा अंदाज येतो. रोहितनं स्पर्धेच्या पहिल्याच सामन्यात दक्षिण आफ्रिकेविरुद्ध १२२ धावांची खेळी साकारली होती. तर मँचेस्टरवर पाकिस्तानविरुद्ध रोहितनं दुसरं शतक ठोकलं. पाकविरुद्ध रोहितने नाबाद १४० धावा कुटल्या होत्या. तर बर्मिंघमवर इंग्लंडविरुद्धच्या सामन्यात रोहितनं १०२ धावांची महत्तवपूर्ण खेळी केली. याच खेळपट्टीवर रोहितनं बांगलादेशविरोधात चौथं शतक ठोकलं आहे.