गॉलः श्रीलंकेचा फिरकी गोलंदाज अकिला धनंजयने प्रभावी गोलंदाजी करून पहिल्या कसोटीतील पहिल्या डावात न्यूझीलंडच्या आघाडीच्या तीन फलंदाजांना झटपट माघारी पाठविले होते. मात्र, रॉस टेलरने एका बाजूने किल्ला लढवून न्यूझीलंडचा डाव सावरला. पहिल्या दिवशी पावसामुळे केवळ ६८ षटकांचाच खेळ झाला. दिवसाचा खेळ थांबला तेव्हा पाहुण्या न्यूझीलंडने ५ बाद २०३ धावा केल्या होत्या. यात टेलर ८६ धावांवर खेळत होता. धनंजयने न्यूझीलंडला निम्मा संघ गारद केला.
न्यूझीलंडचा कर्णधार केन विल्यमसनने नाणेफेक जिंकून प्रथम फलंदाजी स्वीकारली. जीत रावल आणि टॉम लॅथम यांनी सावध फलंदाजी केली. डावाच्या २७व्या षटकात धनंजयला ही जोडी फोडण्यात यश आले. धनंजयने एकाच षटकात लॅथम आणि विल्यमसनला बाद केले. यानंतर जीतचाही अडसर धनंजयने दूर केला. उपाहारापर्यंत न्यूझीलंडची ३ बाद ७१ अशी अवस्था झाली होती. यातून टेलरने न्यूझीलंडचा डाव सावरला. त्याने हेन्री निकोल्ससह चौथ्या विकेटसाठी शतकी भागीदारी केली. अखेर धनंजयने निकोल्सला पायचीत टिपून ही भागीदारी संपुष्टात आणली. निकोल्सने ७८ चेंडूंत ४२ धावा केल्या. पुढच्याच षटकात धनंजयने वॅटलिंगचाही अडसर दूर केला. यानंतर टेलर आणि मिचेल सँटनरने श्रीलंकेला खेळ थांबेपर्यंत यश मिळू दिले नाही. खेळ थांबला तेव्हा टेलर १३१ चेंडूंत ६ चौकारांसह ८६ धावांवर खेळत होता. टेलरने फिरकी आणि वेगवान गोलंदाजीचा संयमाने सामना केला. त्याचे हे कसोटीतील ३१वे अर्धशतक ठरले. टेलरने गॉल मैदानावर न्यूझीलंडकडून कसोटीत सर्वोच्च खेळीची नोंद केली. त्याने टिम मॅकइन्टोशचा ६९ धावांचा विक्रम मोडला. पावसामुळे अखेरच्या सत्राचा खेळ वाया गेला. धनंजयने पाचव्यांदा डावात पाच विकेट घेण्याची किमया केली. गेल्या वर्षी धनंजयच्या गोलंदाजीच्या शैलीबाबत आक्षेप घेण्यात आला होता. यानंतर त्याने आपल्या गोलंदाजीच्या शैलीत किरकोळ बदल केला.
स्कोअरबोर्ड : न्यूझीलंड ६८ षटकांत ५ बाद २०३ (रॉस टेलर नाबाद ८६, हेन्री निकोल्स ४२, जीत रावल ३३, टॉम लॅथम ३०, मिचेल सँटनर खेळत आहे ८, अकिला धनंजय ५-५७) वि. श्रीलंका.
न्यूझीलंडचा कर्णधार केन विल्यमसनने नाणेफेक जिंकून प्रथम फलंदाजी स्वीकारली. जीत रावल आणि टॉम लॅथम यांनी सावध फलंदाजी केली. डावाच्या २७व्या षटकात धनंजयला ही जोडी फोडण्यात यश आले. धनंजयने एकाच षटकात लॅथम आणि विल्यमसनला बाद केले. यानंतर जीतचाही अडसर धनंजयने दूर केला. उपाहारापर्यंत न्यूझीलंडची ३ बाद ७१ अशी अवस्था झाली होती. यातून टेलरने न्यूझीलंडचा डाव सावरला. त्याने हेन्री निकोल्ससह चौथ्या विकेटसाठी शतकी भागीदारी केली. अखेर धनंजयने निकोल्सला पायचीत टिपून ही भागीदारी संपुष्टात आणली. निकोल्सने ७८ चेंडूंत ४२ धावा केल्या. पुढच्याच षटकात धनंजयने वॅटलिंगचाही अडसर दूर केला. यानंतर टेलर आणि मिचेल सँटनरने श्रीलंकेला खेळ थांबेपर्यंत यश मिळू दिले नाही. खेळ थांबला तेव्हा टेलर १३१ चेंडूंत ६ चौकारांसह ८६ धावांवर खेळत होता. टेलरने फिरकी आणि वेगवान गोलंदाजीचा संयमाने सामना केला. त्याचे हे कसोटीतील ३१वे अर्धशतक ठरले. टेलरने गॉल मैदानावर न्यूझीलंडकडून कसोटीत सर्वोच्च खेळीची नोंद केली. त्याने टिम मॅकइन्टोशचा ६९ धावांचा विक्रम मोडला. पावसामुळे अखेरच्या सत्राचा खेळ वाया गेला. धनंजयने पाचव्यांदा डावात पाच विकेट घेण्याची किमया केली. गेल्या वर्षी धनंजयच्या गोलंदाजीच्या शैलीबाबत आक्षेप घेण्यात आला होता. यानंतर त्याने आपल्या गोलंदाजीच्या शैलीत किरकोळ बदल केला.
स्कोअरबोर्ड : न्यूझीलंड ६८ षटकांत ५ बाद २०३ (रॉस टेलर नाबाद ८६, हेन्री निकोल्स ४२, जीत रावल ३३, टॉम लॅथम ३०, मिचेल सँटनर खेळत आहे ८, अकिला धनंजय ५-५७) वि. श्रीलंका.