वृत्तसंस्था, कराची
यष्टीरक्षक-फलंदाज सर्फराज अहमदची पाकिस्तान टी-२० संघाच्या कर्णधारपदी निवड करण्यात आली आहे. नुकत्याच भारतात पार पडलेल्या वर्ल्ड टी-२० स्पर्धेत पाकिस्तानची कामगिरी निराशाजनक झाल्यामुळे शाहीद आफ्रिदीला कर्णधारपद सोडावे लागले. त्याच्या जागी सर्फराजची निवड करण्यात आली आहे. २८ वर्षीय सर्फराजची टी-२० संघाच्या कर्णधारपदी निवड करण्यात आल्याने पाकिस्तान संघाला तिन्ही क्रिकेट प्रकारात तीन वेगळे कर्णधार असणार आहेत. मिस्बा-उल-हक कसोटी संघाचा कर्णधार असून, अझर अली वनडेचा कर्णधार आहे.
आफ्रिदीने कर्णधारपदाचा राजीनामा दिल्यानंतर सर्फराजने नाव चर्चेत होते. सर्फराज म्हणाला, ‘पाकिस्तान संघाच्या कर्णधारपदी निवड झाली ही माझ्यासाठी अभिमानाची गोष्ट आहे. संघाला जागतिक टी-२० रँकिंगमध्ये अव्वल क्रमांकावर नेण्यासाठी मी प्रयत्नशील असेन’. पाकिस्तान क्रिकेट बोर्डाचे (पीसीबी) अध्यक्ष शहरयार खान म्हणाले की सर्फराज हा गेल्यावर्षी वनडे आणि टी-२० संघाच्या उपकर्णधारपदी असल्याने आफ्रिदीच्या जागी आमच्यासमोर त्याचाच पर्याय होता. ‘सकाळी मी सर्फराजशी संवाद साधला आणि त्याला याची कल्पना दिली. त्याची निवड किती वर्षांसाठी असेल असे काही ठरविण्यात आलेले नाही. त्याला भविष्यासाठी शुभेच्छा!’
सर्फराजचे सातत्य
सर्फराजने मागील दोन वर्षांपासून तिन्ही क्रिकेट प्रकारांत सातत्य राखले आहे. त्याने १९ वर्षांखालील राष्ट्रीय क्रिकेट संघाचे, ‘अ’ संघ, देशांतर्गत क्रिकेटमध्ये कराची आणि पीआयए संघाचे नेतृत्व केले आहे. सर्फराजने २१ कसोटींत ४६.२८च्या सरासरीने १२९६ धावा केल्या आहेत. त्याने ५८ वन-डेत २९.९१च्या सरासरीने १०७७ धावा केल्या आहेत. आणि २१ टी-२० सामन्यांत १२०.२४च्या स्ट्राइक रेटने २९१ धावा केल्या आहेत. वकार युनूस यांनी प्रशिक्षकपदाचा राजीनामा दिल्यानंतर पीसीबीने राष्ट्रीय निवड समिती बरखास्त केल्याचेही जाहीर केले.
यष्टीरक्षक-फलंदाज सर्फराज अहमदची पाकिस्तान टी-२० संघाच्या कर्णधारपदी निवड करण्यात आली आहे. नुकत्याच भारतात पार पडलेल्या वर्ल्ड टी-२० स्पर्धेत पाकिस्तानची कामगिरी निराशाजनक झाल्यामुळे शाहीद आफ्रिदीला कर्णधारपद सोडावे लागले. त्याच्या जागी सर्फराजची निवड करण्यात आली आहे. २८ वर्षीय सर्फराजची टी-२० संघाच्या कर्णधारपदी निवड करण्यात आल्याने पाकिस्तान संघाला तिन्ही क्रिकेट प्रकारात तीन वेगळे कर्णधार असणार आहेत. मिस्बा-उल-हक कसोटी संघाचा कर्णधार असून, अझर अली वनडेचा कर्णधार आहे.
आफ्रिदीने कर्णधारपदाचा राजीनामा दिल्यानंतर सर्फराजने नाव चर्चेत होते. सर्फराज म्हणाला, ‘पाकिस्तान संघाच्या कर्णधारपदी निवड झाली ही माझ्यासाठी अभिमानाची गोष्ट आहे. संघाला जागतिक टी-२० रँकिंगमध्ये अव्वल क्रमांकावर नेण्यासाठी मी प्रयत्नशील असेन’. पाकिस्तान क्रिकेट बोर्डाचे (पीसीबी) अध्यक्ष शहरयार खान म्हणाले की सर्फराज हा गेल्यावर्षी वनडे आणि टी-२० संघाच्या उपकर्णधारपदी असल्याने आफ्रिदीच्या जागी आमच्यासमोर त्याचाच पर्याय होता. ‘सकाळी मी सर्फराजशी संवाद साधला आणि त्याला याची कल्पना दिली. त्याची निवड किती वर्षांसाठी असेल असे काही ठरविण्यात आलेले नाही. त्याला भविष्यासाठी शुभेच्छा!’
सर्फराजचे सातत्य
सर्फराजने मागील दोन वर्षांपासून तिन्ही क्रिकेट प्रकारांत सातत्य राखले आहे. त्याने १९ वर्षांखालील राष्ट्रीय क्रिकेट संघाचे, ‘अ’ संघ, देशांतर्गत क्रिकेटमध्ये कराची आणि पीआयए संघाचे नेतृत्व केले आहे. सर्फराजने २१ कसोटींत ४६.२८च्या सरासरीने १२९६ धावा केल्या आहेत. त्याने ५८ वन-डेत २९.९१च्या सरासरीने १०७७ धावा केल्या आहेत. आणि २१ टी-२० सामन्यांत १२०.२४च्या स्ट्राइक रेटने २९१ धावा केल्या आहेत. वकार युनूस यांनी प्रशिक्षकपदाचा राजीनामा दिल्यानंतर पीसीबीने राष्ट्रीय निवड समिती बरखास्त केल्याचेही जाहीर केले.