दुसऱ्या सामन्यात आफ्रिकेवर ९ विकेटनी मात
वृत्तसंस्था, ईस्ट लंडन (दक्षिण आफ्रिका)
मिताली राज आणि स्मृती मानधना यांच्या अर्धशतकांच्या जोरावर भारतीय महिला क्रिकेट संघाने मालिकेतील दुसऱ्या टी-२० क्रिकेट सामन्यात दक्षिण आफ्रिका संघाचा ९ विकेटनी सहज पराभव केला. भारतीय संघाचा हा सलग दुसरा विजय असून, यासह भारताने पाच सामन्यांच्या या मालिकेत २-० अशी आघाडी घेतली आहे.
या सामन्यात भारताने प्रथम फलंदाजी करणाऱ्या दक्षिण आफ्रिकेला ७ बाद १४२ धावांत रोखले. आफ्रिकेकडून सून लुसने सर्वाधिक ३३ धावा केल्या. भारताच्या अनुजा पाटील आणि पूनम यादव यांनी प्रत्येकी २ विकेट घेतल्या. भारताने १९.१ षटकात केवळ एका विकेटच्या मोबदल्यात १४४ धावा फटकावून सहज भारताचा विजय साकारला. मिताली राज आणि स्मृती मानधना यांनी संघाला १०६ धावांची सलामी दिली. मानधनाने आक्रमक फलंदाजी करताना ४२ चेंडूंमध्ये ४ चौकार व ३ षटकारांच्या मदतीने ५७ धावा फटकावल्या. मानधना बाद झाल्यानंतर मितालीने हर्मनप्रीत कौरच्या साथीने भारताच्या विजयावर शिक्कामोर्तब केले. मितालीने सलग दुसऱ्या सामन्यात अर्धशतक झळकावताना ६१ चेंडूंमध्ये ८ चौकारांसह नाबाद ७६ धावांची खेळी केली. या मालिकेतील तिसरा सामना १८ फेब्रुवारी रोजी जोहान्सबर्ग येथे होणार आहे.
स्कोअरबोर्ड : दक्षिण आफ्रिका २० षटकांट ७ बाद १४२ (सून लुस ३३, नॅडिन डीकर्क २६, शबमिन इस्माईल नाबाद १६, अनुजा पाटील २-३७, पूनम यादव २-१८) पराभूत विरुद्ध भारत १९.१ षटकांत १ बाद १४४ (मिताली राज नाबाद ७६, स्मृती मानधना ५७, हर्मनप्रीत कौर नाबाद ७, मोसलिन डॅनिएल १-२१).
वृत्तसंस्था, ईस्ट लंडन (दक्षिण आफ्रिका)
मिताली राज आणि स्मृती मानधना यांच्या अर्धशतकांच्या जोरावर भारतीय महिला क्रिकेट संघाने मालिकेतील दुसऱ्या टी-२० क्रिकेट सामन्यात दक्षिण आफ्रिका संघाचा ९ विकेटनी सहज पराभव केला. भारतीय संघाचा हा सलग दुसरा विजय असून, यासह भारताने पाच सामन्यांच्या या मालिकेत २-० अशी आघाडी घेतली आहे.
या सामन्यात भारताने प्रथम फलंदाजी करणाऱ्या दक्षिण आफ्रिकेला ७ बाद १४२ धावांत रोखले. आफ्रिकेकडून सून लुसने सर्वाधिक ३३ धावा केल्या. भारताच्या अनुजा पाटील आणि पूनम यादव यांनी प्रत्येकी २ विकेट घेतल्या. भारताने १९.१ षटकात केवळ एका विकेटच्या मोबदल्यात १४४ धावा फटकावून सहज भारताचा विजय साकारला. मिताली राज आणि स्मृती मानधना यांनी संघाला १०६ धावांची सलामी दिली. मानधनाने आक्रमक फलंदाजी करताना ४२ चेंडूंमध्ये ४ चौकार व ३ षटकारांच्या मदतीने ५७ धावा फटकावल्या. मानधना बाद झाल्यानंतर मितालीने हर्मनप्रीत कौरच्या साथीने भारताच्या विजयावर शिक्कामोर्तब केले. मितालीने सलग दुसऱ्या सामन्यात अर्धशतक झळकावताना ६१ चेंडूंमध्ये ८ चौकारांसह नाबाद ७६ धावांची खेळी केली. या मालिकेतील तिसरा सामना १८ फेब्रुवारी रोजी जोहान्सबर्ग येथे होणार आहे.
स्कोअरबोर्ड : दक्षिण आफ्रिका २० षटकांट ७ बाद १४२ (सून लुस ३३, नॅडिन डीकर्क २६, शबमिन इस्माईल नाबाद १६, अनुजा पाटील २-३७, पूनम यादव २-१८) पराभूत विरुद्ध भारत १९.१ षटकांत १ बाद १४४ (मिताली राज नाबाद ७६, स्मृती मानधना ५७, हर्मनप्रीत कौर नाबाद ७, मोसलिन डॅनिएल १-२१).