मुंबई : मुंबई क्रिकेट असोसिएशनच्या हंगामी कार्यकारिणीची नियोजित बैठक होण्यापूर्वी मुंबईच्या सीनियर निवड समितीने राजीनामा सादर केला आहे. अजित आगरकरच्या नेतृत्वाखालील या समितीत नीलेश कुलकर्णी, सुनील मोरे, रवी ठक्कर यांचा समावेश आहे. सईद मुश्ताक अली टी-२० स्पर्धेत मुंबईला अंतिम फेरीत धडक मारण्यात अपयश आल्यानंतर निवड समितीने राजीनामा दिल्यामुळे त्याला वेगळ्या दृष्टिकोनातून पाहिले जात आहे. यंदा रणजीसह विविध स्पर्धांत मुंबईच्या झालेल्या अवस्थेमुळे काही सदस्यांनी विशेष सर्वसाधारण सभा बोलावून या निवड समितीची हकालपट्टी करण्याचा ठराव संमत केला होता. त्या पार्श्वभूमीवर निवड समितीवर दडपण होते.
निवड समितीचा राजीनामा
मुंबई क्रिकेट असोसिएशनच्या हंगामी कार्यकारिणीची नियोजित बैठक होण्यापूर्वी मुंबईच्या सीनियर निवड समितीने राजीनामा सादर केला आहे...
MT 16 Mar 2019, 4:00 am