चॅम्पियन्स ट्रॉफीत नेहरा की शमी?

नवी दिल्लीः बीसीसीआयची तीन सदस्यांची निवड समिती सध्या पेचात पडली आहे. जूनमध्ये रंगणाऱ्या महत्त्वाच्या अन् मानाच्या चॅम्पियन्स ट्रॉफी स्पर्धेसाठी भारतीय संघाची निवड लवकरच होणार आहे. ही निवड करताना टीम इंडियामध्ये चौथ्या तेज गोलंदाजाचे स्थान अनुभवी आशिष नेहराला द्यायचे की मोहम्मद शमीला याबाबत निवड समितीला बरेच विचार मंथन करावे लागेल.

आयसीसी चॅम्पियन्स ट्रॉफीसाठी संघ निवड करण्याची अखेरची तारीख २५ एप्रिल आहे. तेव्हा पुढील दोन दिवसांत भारतीय संघाची निवडही अपेक्षित आहे. आयसीसीने प्रथम कमाईची वाटणी व प्रशासनाच्या मुद्यांवर लक्ष घालावे, असे बीसीसीआयला वाटत असल्याने बीसीसीआयकडून निवड समितीच्या बैठकीचे आयोजन अद्याप झालेले नाही.