टॉन्टन : शाकीब अल हसनची नाबाद १२४ धावांची खेळी आणि लिट्टन दासने त्याला ९४ धावांची नाबाद खेळी करत दिलेली तेवढीच तोलामोलाची साथ याच्या जोरावर बांगलादेशने वेस्ट इंडिजला ७ विकेटसनी दणदणीत मात दिली. वर्ल्डकप क्रिकेट स्पर्धेतील या लढतीत विंडीजचे पारडे जड मानले जात होते पण बांगलादेशने या स्पर्धेत प्रथमच ३०० पेक्षा अधिक धावांचे आव्हान असताना ते यशस्वीरित्या पार करत हा दिमाखदार विजय संपादन केला. वेस्ट इंडिजने शाय होप (९६), लुईस (७०), हेटमायर (५०) यांच्या अर्धशतकांच्या सहाय्याने ३२१ धावा केल्या खऱ्या पण ते आव्हान बांगलादेशने अवघे ३ फलंदाज गमावून पूर्ण केले. बांगलादेशने या विजयासह पाच सामन्यांत पाच गुण मिळविले असून विंडीजच्या खात्यात ५ सामन्यातून ३ गुणच जमा आहेत. स्कोअरबोर्ड : वेस्ट इंडिज ८-३२१ (होप ९६, लुईस ७०, हेटमायर ५०, सैफुद्दीन ७२-३, रहमान ५९-३, शकीब ५४-२) पराभूत वि. बांगलादेश ३ बाद ३२२ (शकीब ना. १२४, लिट्टन ९४, तमिम ४८)
शकीबचे शतक; बांगलादेशची विंडीजवर मात
शाकीब अल हसनची नाबाद १२४ धावांची खेळी आणि लिट्टन दासने त्याला ९४ धावांची नाबाद खेळी करत दिलेली तेवढीच तोलामोलाची साथ याच्या जोरावर बांगलादेशने वेस्ट ...
महाराष्ट्र टाइम्स.कॉम 18 Jun 2019, 4:00 am