मुंबईकर शार्दुल ठाकूरला विंडीजचं तिकीट

मटा ऑनलाइन वृत्त । मुंबई

वेस्ट इंडीजमध्ये होणाऱ्या कसोटी मालिकेसाठी आज टीम इंडियाची निवड करण्यात आली असून मुंबईचा तेजतर्रार गोलंदाज शार्दुल ठाकूरला १७ शिलेदारांच्या संघात स्थान मिळालंय. मुंबईकर अजिंक्य रहाणेलाही उपकर्णधार म्हणून बढती देण्यात आली आहे.

जुलै-ऑगस्टमध्ये विंडीज दौऱ्यावर भारतीय संघ चार कसोटी सामन्यांची मालिका खेळणार आहे. या मालिकेसाठी विराट कोहलीच टीम इंडियाचा कर्णधार असेल. भारताच्या कसोटी संघातून वरुण अॅरॉन आणि गुरकिरत सिंग यांना वगळण्यात आलं असून मोहम्मद शामीचं संघात पुनरागमन झालंय. गेली दोन वर्षं रणजी स्पर्धेत धडाकेबाज कामगिरी करणाऱ्या शार्दुल ठाकूरला विंडीजचं तिकीट बक्षीस म्हणून देण्यात आलंय.

त्याशिवाय, झिम्बाब्वे दौऱ्यातील वनडे आणि टी-२० मालिकेसाठी 'यंग ब्रिगेड'ची निवड करण्यात आली असून नेतृत्वाची धुरा महेंद्रसिंग धोनीकडे सोपवण्यात आली आहे.

विंडीज दौऱ्यासाठी भारतीय संघः

विराट कोहली (कर्णधार), मुरली विजय, शिखर धवन, के एल राहुल, चेतेश्वर पुजारा, अजिंक्य रहाणे (उपकर्णधार), रोहित शर्मा, वृद्धिमान साहा, आर. अश्विन, अमित मिश्रा, रवींद्र जाडेजा, ईशांत शर्मा, मोहम्मद शामी, भुवनेश्वर कुमार, उमेश यादव, शार्दुल ठाकूर, स्टुअर्ट बिन्नी

झिम्बाब्वे दौऱ्यासाठी टीम इंडिया अशीः

महेंद्रसिंग धोनी (कर्णधार), के एल राहुल, फैज फैसल, मनीष पांडे, करुण नायर, अंबाती रायुडू, ऋषी धवन, अक्षर पटेल, जयंत यादव, धवल कुलकर्णी, जसप्रीत बुमराह, बरिंदर सरान, मनदीप सिंह, केदार जाधव, जयदेव उनाडकट, याजुवेंद्र चहल