वृत्तसंस्था, नवी दिल्ली
भारताच्या अंजूम मुदगिल हिने वर्ल्ड कप नेमबाजी स्पर्धेत महिलांच्या ५० मीटर रायफल ३ पोझिशनमध्ये रौप्यपदकाची कमाई केली. वाऱ्याच्या वेगाशी सामना करून अंजूमने वर्ल्ड कपमधील आपल्या पहिल्या पदकाचा वेध घेतला. या स्पर्धेतील भारताचे हे आठवे पदक ठरले. या स्पर्धेत भारताने आतापर्यंत तीन सुवर्ण, एक रौप्य आणि चार ब्राँझपदके मिळवली.
मेक्सिको येथे ही स्पर्धा सुरू आहे. महिलांच्या ५० मीटर रायफल ३ पोझिशनच्या ४५ शॉट्सच्या अंतिम फेरीत अंजूमने ४५४.२ गुणांची कमाई केली. चीनच्या रुजिओ पेई हिने ४५५.४ गुण मिळवून सुवर्णपदक, तर टिंग सनने ४४२.२ गुणांसह ब्राँझपदक मिळवले. ३ पोझिशनमध्ये गुडघ्यावर बसून (नी पोझिशन), पोटावर झोपून (प्रोन पोझिशन) आणि उभे राहून (स्टँडिंग) अशा तीन प्रकारांत प्रत्येकी १५ शॉट्स मारायचे असतात. यात प्रत्येकी पाच शॉट्सच्या मालिका असतात. सुरुवातीपासूनच अंजूम पदकाच्या शर्यतीत कायम होती. नी पोझिशनमध्ये १५ शॉट्सनंतर ती तिसऱ्या स्थानावर होती. प्रोन पोझिशननंतर ती आघाडीवर होती. स्टँडिंगमध्ये सुरुवातीच्या शॉट्सनंतर तिची चौथ्या स्थानावर घसरण झाली होती. मात्र, ४१व्या शॉट्सला तिने १०.८ गुण मिळवले आणि दुसऱ्या स्थानावर तिने झेप घेतली. यानंतर तिने १०.२, १०.१, ९.५ आणि १०.२ असे गुण मिळवून रौप्यपदक निश्चित केले.
तत्पूर्वी, पात्रता फेरीत अंजूमने ११७० गुण मिळवून दुसरे स्थान मिळवले. सुवर्ण विजेती पेई ११७८ गुणांसह तिसऱ्या स्थानावर होती, तर स्लोवाकियाची झिवा ११६९ गुणांसह तिसऱ्या स्थानावर होती. भारताच्या गायत्री नित्यानंदम (११५३) आणि तेजस्विनी सावंत (११५३) अनुक्रमे १५ आणि १६व्या स्थानावर राहिल्या. पुरुषांच्या २५ मीटर रॅपिड फायर पिस्तूलमध्ये १५ वर्षीय अनिश भानवाला याचा अंतिम फेरीतील प्रवेश थोडक्यात हुकला. त्याने पात्रता फेरीत ५७८ गुण मिळवले होते, तर अंतिम फेरीसाठी पात्र ठरलेला सहावा नेमबाज झानन याओचेदेखील ५७८ गुण झाले होते. मात्र, याओने अचूक १० गुण १८ वेळा मिळवले होते, तर अनिशला १७ वेळाच हे गुण घेता आले.
भारताच्या अंजूम मुदगिल हिने वर्ल्ड कप नेमबाजी स्पर्धेत महिलांच्या ५० मीटर रायफल ३ पोझिशनमध्ये रौप्यपदकाची कमाई केली. वाऱ्याच्या वेगाशी सामना करून अंजूमने वर्ल्ड कपमधील आपल्या पहिल्या पदकाचा वेध घेतला. या स्पर्धेतील भारताचे हे आठवे पदक ठरले. या स्पर्धेत भारताने आतापर्यंत तीन सुवर्ण, एक रौप्य आणि चार ब्राँझपदके मिळवली.
मेक्सिको येथे ही स्पर्धा सुरू आहे. महिलांच्या ५० मीटर रायफल ३ पोझिशनच्या ४५ शॉट्सच्या अंतिम फेरीत अंजूमने ४५४.२ गुणांची कमाई केली. चीनच्या रुजिओ पेई हिने ४५५.४ गुण मिळवून सुवर्णपदक, तर टिंग सनने ४४२.२ गुणांसह ब्राँझपदक मिळवले. ३ पोझिशनमध्ये गुडघ्यावर बसून (नी पोझिशन), पोटावर झोपून (प्रोन पोझिशन) आणि उभे राहून (स्टँडिंग) अशा तीन प्रकारांत प्रत्येकी १५ शॉट्स मारायचे असतात. यात प्रत्येकी पाच शॉट्सच्या मालिका असतात. सुरुवातीपासूनच अंजूम पदकाच्या शर्यतीत कायम होती. नी पोझिशनमध्ये १५ शॉट्सनंतर ती तिसऱ्या स्थानावर होती. प्रोन पोझिशननंतर ती आघाडीवर होती. स्टँडिंगमध्ये सुरुवातीच्या शॉट्सनंतर तिची चौथ्या स्थानावर घसरण झाली होती. मात्र, ४१व्या शॉट्सला तिने १०.८ गुण मिळवले आणि दुसऱ्या स्थानावर तिने झेप घेतली. यानंतर तिने १०.२, १०.१, ९.५ आणि १०.२ असे गुण मिळवून रौप्यपदक निश्चित केले.
तत्पूर्वी, पात्रता फेरीत अंजूमने ११७० गुण मिळवून दुसरे स्थान मिळवले. सुवर्ण विजेती पेई ११७८ गुणांसह तिसऱ्या स्थानावर होती, तर स्लोवाकियाची झिवा ११६९ गुणांसह तिसऱ्या स्थानावर होती. भारताच्या गायत्री नित्यानंदम (११५३) आणि तेजस्विनी सावंत (११५३) अनुक्रमे १५ आणि १६व्या स्थानावर राहिल्या. पुरुषांच्या २५ मीटर रॅपिड फायर पिस्तूलमध्ये १५ वर्षीय अनिश भानवाला याचा अंतिम फेरीतील प्रवेश थोडक्यात हुकला. त्याने पात्रता फेरीत ५७८ गुण मिळवले होते, तर अंतिम फेरीसाठी पात्र ठरलेला सहावा नेमबाज झानन याओचेदेखील ५७८ गुण झाले होते. मात्र, याओने अचूक १० गुण १८ वेळा मिळवले होते, तर अनिशला १७ वेळाच हे गुण घेता आले.